វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2872 នាក់
ម្សិលមិញ 10264 នាក់
សរុប 14142054 នាក់
ភ្នំពេញ ៖ គ្រឿងញៀនបាននិងកំពុងតែអុកឡុកប្រទេសកម្ពុជាខ្លាំងឡើងៗជាបន្តបន្ទាប់ពីមួយឆ្នាំទៅមួយឆ្នាំដែលបើតាមសង្កេតសមត្តកិច្ចមិនដេលចាប់បានមេខ្លោងគ្រឿងញៀនធំណាម្នាក់ឡើយក្រៅពីអ្នកប្រើនិងជួញដូរឬស៊ីឈ្នួលឈ្មួញឡើយ!។សូម្បីតែថៅកែកក្លឹបមួយកណ្តាលក្រុងបើកជួញដូរជាប់គុកតែ៤ឆ្នាំហើយព្យួរទៀត?។
សម្រាប់ឥទ្ធិពលសង្គមគេតែងបានឃើញមានពត៍មានជាបន្តបន្ទាប់ពីមនុស្សឆ្កួតដោយសាគ្រឿងញៀនដែលគេហៅថាបែកថ្នាំបង្កបញ្ហាជាបន្តបន្ទាប់។ជាក់ស្តែងត្រង់ចំណុចផ្លូវលំ ក្នុងភូមិដំណាក់ធំ២ ក្រុម៤ សង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញមានបុរសម្នាក់ដែលញៀនថ្នាំហួសកម្រិតបានក្លាយទៅជាជនវិកលចរិតបានដុតផ្ទះយាយខ្លួនឯងបណ្ដាលឲ្យគាត់ឆេះស្លាប់ក្នុងភ្នក់ភ្លើង បង្កឲ្យមានការភ្ញាក់ផ្អើលដល់អ្នកជិតខាងនិងសមត្ថកិច្ចចុះទៅធ្វើអន្តរាគមន៍កាលពីវេលាម៉ោង១១និង៤០នាទីយប់ថ្ងៃទី១៩ ខែកញ្ញា ។ជនបង្កហេតុមានឈ្មោះ សេន សាម៉ាន់ថៃ ភេទប្រុស អាយុ២៩ឆ្នាំ ជនជាតិខ្មែរ ជាមនុស្សវិកលចរិតដោយសារញៀនថ្នាំខ្លាំងពេកត្រូវបានសមត្ថកិច្ចឃាត់ខ្លួន។
លោក ព្រហ្ម យ៉ន នាយការិយាល័យបង្ការ ពន្លត់អគ្គិភ័យនិងសង្គ្រោះនៃស្នងការដ្ឋាននគរបាលរាជធានីភ្នំពេញបានប្រាប់ឱ្យដឹងថា ម្ចាស់ផ្ទះមានឈ្មោះ គីម យ៉ាន ភេទស្រី អាយុ៧៥ឆ្នាំ មុខរបរនៅផ្ទះ បានស្លាប់នៅក្នុងភ្លើង។ ផ្ទះមានទំហំទទឹង៦ម៉ែត្រនិងបណ្ដោយ៨ម៉ែត្រជើងខាងក្រោមធ្វើអំពីថ្ម បាំងជញ្ជាំងដែកដំបូលប្រក់ស័ង្កសីត្រូវបានភ្លើងឆេះទាំងស្រុងរួមទាំងសម្ភារនៅក្នុងផ្ទះនិងលោកយាយម្នាក់បានស្លាប់បាត់បង់ជីវិត នៅនឹងកន្លែងកើតហេតុ។ប្រជាពលរដ្ឋដែលនៅជិតខាងបានឱ្យដឹងថា ជនបង្កជាចៅប្រុសលោកយាយរងគ្រោះធ្លាប់បានដុតផ្ទះខាងលើនេះជាច្រើនដងមកហើយតែមិនបានសម្រេច រហូតមកដល់ថ្ងៃកើតហេតុ ជននេះក៏ដុតឆេះខ្ទេចតែម្ដង ។