វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2942 នាក់
ម្សិលមិញ 4292 នាក់
សរុប 14112641 នាក់
ខេត្តស្ទឹងត្រែង៖ថ្ងៃទី០៧ខែកញ្ញឆ្នាំ២០២១កម្លាំងអាវុធហត្ថខេត្តស្ទឹងត្រែងបានធ្វើការឃាត់ខ្លួនអ្នកសារព័ត៌មានចំនួន១០នាក់ដោយចោទពីបទកំហែង
យកទារប្រាក់៤ពាន់ដុល្លារពីអ្នកម្ចាស់ឡានដឹកឈើ១គ្រឿង។
សមត្ថកិច្ចបានឲ្យដឹងថាអ្នកសារព័ត៌មានចំនួន១០នាក់បានជិះរថយន្ត៣គ្រឿងធ្វើការឃាត់រថយន្តយីឌុប១គ្រឿងដឹកឈើប្រភេទគ្រឿងផ្ទះនៅលើដងផ្លូវជាតិលេខ៩ស្ថិតត្រង់ចំណុចផ្លូវចូលជាំធំឃុំស្រែឫស្សីស្រុកថាឡាបរិវ៉ាត់ខេត្តស្ទឹងត្រែង។សមត្តកិច្ចថាអ្នកសារព័ត៌មានទាំងនោះមិនមែនជាអ្នកប្រចាំការនៅក្នុងខេត្តស្ទឹងត្រែងទេគឺពួកគេមកពីតាមបណ្ដាខេត្តផ្សេងៗគ្នាដែលបានចុះបំពេញការងារក្នុងភូមិសាស្ត្រខេត្តស្ទឹងត្រែង។
លុះពេលក្រុមអ្នកសាព័ត៌មានជិះរថយន្តប្រទះឃើញរថយន្តដឹកឈើខាងលើ ក៏បានឃាត់និងរាយការណ៍ទៅសមត្ថកិច្ច។មន្ត្រីកងរាជអាវុធហត្ថខេត្តស្ទឹងត្រែងក៏បានចុះទៅដល់ទីតាំង ដែលរថយន្តក្រុមអ្នកសារព័ត៌មានបានឃាត់រថយន្តដឹកឈើបន្ទាប់ពីមន្ត្រីអាវុធហត្ថចុះទៅដល់ទីតាំងស្រាប់តែអ្នកសារព័ត៌មានទាំងនោះក៏បាននាំគ្នាបើករថយន្តចេញអស់ទៅ។
ខណ:ពេលនោះ អ្នកដឹកឈើក៏បានប្ដឹងចោទប្រកាន់ក្រុមអ្នកសារព័ត៌មានពីបទ កំហែងយកទារប្រាក់ចំនួន ៤០០០ដុល្លារ ?។ចំណុចនេះអ្នកសារពត៍មានផ្សេងៗនិយាយថាគួរចាប់អារម្មណ៍ពិចារណាសិនកុំទាន់ដាក់បន្ទុកលើអ្នកសារព៍ត៌មានភ្លាមៗពេក( ម្ខាងម្ចាស់បទល្មើសប្តឹង)( ម្ខាងអ្នកសារព៍ត៌មានគ្នាខំប្តឹង)។ សមត្ថកិច្ចគួធ្វើការស៊ើបបអង្កេតឲ្យបានដិតដល់ដើម្បីរកយុត្តិធម៌ៀផងតើអ្នកសារពត៍មានបានយកលុយគេនៅ? ។
ជាក់ស្តែងក្រោយពីមានពាក្យបណ្ដឹងពីអ្នកដឹកឈើកម្លាំងកងរាជអាវុធហត្ថខេត្ត ក៏បានឃាត់រថយន្តកាមរីពណ៌ក្រហមមួយគ្រឿងនិងរថយន្ត ២គ្រឿងទៀតត្រូវកងរាជអាវុធហត្ថស្រុកឆែបខេត្តព្រះវិហារឃាត់បញ្ជូនមកខេត្តស្ទឹងត្រែង។
អ្នកសារព័ត៌មានចំនួន១១នាក់ត្រូវបានសមត្ថកិច្ចឃាត់ខ្លួន១០នាក់ហើយម្នាក់ទៀតត្រូវបានគេចខ្លួន។ប្រភពបញ្ជាក់ថារថយន្តដឹកឈើខាងលើនោះមានទិសដៅចេញពីភូមិស្រឡៅ ឃុំអន្លង់ជ្រៃស្រុកថាឡាបរិវ៉ាត់ខេត្តស្ទឹងត្រែង ឆ្ពោះទៅកាន់ភូមិតារេនជោ ឃុំអង្កាញ់ ស្រុកទ្រាំង ខេត្តតាកែវ ដោយមានការអនុញ្ញាតពីជំនាញផ្នែករដ្ឋបាលព្រៃឈើស្រុកថាឡាបរិវ៉ាត់ ដើម្បីយកទៅសាងសង់លំនៅដ្ឋាននៅខេត្តតាកែវ។សមត្ថកិច្ចមិនទាន់ឲ្យដឹងថាតើ ក្រុមអ្នកសារព័ត៌មានខាងលើ នឹងត្រូវដោះលែងឬបញ្ជូនទៅតុលាការនោះទេត្បិតអីកំពុងធ្វើការសាកសួរនៅឡើយ៕