វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 6968 នាក់
ម្សិលមិញ 8227 នាក់
សរុប 14133849 នាក់
រាជធានីភ្នំពេញ៖អនុគណៈកម្មការស្រាវជ្រាវជំងឺកូវីដ១៩ប្រកាសថា ចាប់ពីថ្ងៃទី១៧ ខែសីហា ឆ្នាំ២០២១នេះ សាធារណជនទាំងអស់ក្នុងខេត្តមួយចំនួនត្រូវ ចូលរួមអនុវត្តកាតព្វកិច្ចពាក់ម៉ាស់ និង កាតព្វកិច្ចរក្សាគម្លាតសុវត្ថិភាពសង្គម។
កាលពីថ្ងៃទី១៦ ខែសីហា ឆ្នាំ២០២១ ម្សិលមិញនេះ ក្រសួងសុខាភិបាល បានជូនដំណឹងដល់ អាជ្ញាធរមានសមត្ថកិច្ចគ្រប់លំដាប់ថ្នាក់ និងសាធារជន ទាំងអស់ នៅក្នុងភូមិសាស្ត្រខេត្តពោធិ៍សាត់ បាត់ដំបង មណ្ឌលគិរី រតនគិរី ក្រចេះ ស្ទឹងត្រែង កំពត កែព កំពង់ធំ ព្រះវិហារ ប៉ៃលិន កោះកុង កំពង់ឆ្នាំង ត្បូងឃ្មុំ និង ខេត្តឧត្តរមានជ័យ ត្រូវបានកំណត់យកជាភូមិសាស្ត្រដែលមានការឆ្លងរាលដាលនៃជំងឺកូវីដ១៩ ក្នុងព្រឹត្តិការណ៍សហគមន៍ ២០ កុម្ភៈ ដែលតម្រូវឱ្យមានការអនុវត្តកាតព្វកិច្ចពាក់ម៉ាស់ និងកាតកិច្ចរក្សាគម្លាតសុវត្ថិភាព។
ការអនុវត្តកាតព្វកិច្ចពាក់ម៉ាស់ និងរក្សាគម្លាតសុវត្ថិភាពបុគ្គលនេះ ត្រូវចាប់ផ្តើមអនុវត្តចាប់ពីថ្ងៃជូនដំណឹង រហូតដល់មានការជូនដំណឹងជាថ្មី។បើតាមសេចក្តីជូនដំណឹងរបស់ក្រសួងសុខាភិបាល បានឱ្យដឹងទៀតថា មកទល់ពេលនេះ មេរោគប្រភេទដែលតា Delta បានប៉ះពាល់ដល់២២ រាជធានី-ខេត្ត ហើយគិតត្រឹមថ្ងៃទី១៣ ខែសីហានេះ លើកលែងតែ៣ខេត្តប៉ុណ្ណោះ គឺខេត្តតាកែវ ខេត្តកែប និងខេត្តក្រចេះ នៅមិនទាន់រកឃើញករណីដែលតានៅឡើយទេ។
សូមបញ្ជាក់ថា៖រហូតដល់ថ្ងៃទី១៧សីហា២០២១ក្រសួងសុខាភិបាលប្រកាសថាបានរកឃើញករណីជំងឺកូវីដ-១៩សរុបចំនួន៥៥៦នាក់(ឆ្លងសហគមន៍ ៣៨៩និងនាំចូល១៦៧)និងមានជាសះស្បើយ៧១៦នាក់ ។ ដូច្នេះចំនួនករណីជំងឺកូវីដ-១៩សរុបកើន ៨៦៥៩៧នាក់និងចំនួនជាសះស្បើយសរុបកើន៨១៩១៨នាក់និងស្លាប់ថ្មី១៤នាក់សរុបស្លាប់១៧១៨នាក់ ។ សូមបញ្ជាក់ថាប្រទេសយើងរកឃើញករណីជំងឺកូវីដ-១៩ដំបូងបំផុតនៅថ្ងៃទី ២៧ មករា ២០២០ ។