វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 7972 នាក់
ម្សិលមិញ 8227 នាក់
សរុប 14134853 នាក់
ភ្នំពេញ៖ស្ត្រីក្រីក្រកំសត់ម្នាក់ត្រូវបានគេស្គាល់ឈ្មោះថា លី សុផា អាយុ ២៨ឆ្នាំ រស់នៅឯខេត្តព្រៃវែងបាន ព្យាយាមសម្រាលកូនតែម្នាក់ឯង ដោយមិនមានប្តី ឬសាច់ញាតិ នៅក្នុងបន្ទប់ជួល ភូមិត្រពាំងថ្លឹង១ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ កាលពីវេលាម៉ោង១យប់ថ្ងៃទី០៤ ខែសីហា ឆ្នាំ២០២១ តែសំណាងបានម្ចាស់ផ្ទះចិត្តសប្បុរសជួយសង្គ្រោះនៅពេលព្រឹក។
ក្រោយពីដឹងរឿងនេះលោក សឿង រតនា បានចាត់ឲ្យលោកស្រី នូ សុភាព មេភូមិត្រពាំងថ្លឹង១ ចុះទៅដល់ទីតាំងបន្ទប់ជួលដើម្បីនាំក្រុមគ្រូពេទ្យជួយ សង្គ្រោះហើយយកទៅសម្រាកព្យាបាល នៅមន្ទីរពេទ្យសុខលាភ មេត្រី។ម្ចាស់ផ្ទះជួល បានជួយថ្លៃសេវាសម្រាកព្យាបាលចំនួន ២៨០$ (ពីរយប៉ែតសិបដុល្លារ)ថែមទៀត។លោក សឿង រតនា លោកស្រី នូ សុភាព មេភូមិត្រពាំងថ្លឹង១ បានគៀងគរសប្បុរសជន ឧបត្ថម្ភ ថវិកា មួយចំនួនទៀត ផងដែរ។
សូមបញ្ជាក់ផងដែរថា ស្ត្រីកំសត់ខាងលើ មិនមានមុខរបរពិតប្រាកដ នោះទេ គឺរស់ម្នាក់ឯងជួយលក់សម្លៀកបំពាក់ញេនៅខាងមុខរោងចក្រ បានកំរ៉ៃខ្លះ គ្រាន់ចិញ្ចឹមក្រពះ។ស្ត្រីកំសត់ម្នាក់នេះបានព្យាយាមមិននិយាយពីឪពុកក្មេងនោះទេទោះសួរ ថានណាជាឳពុកក្មេងនោះក៏ដោយ៕