វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 126 នាក់
ម្សិលមិញ 5020 នាក់
សរុប 14115573 នាក់
កំពត÷នៅថ្ងៃទី២៩ ខែកក្កដា ឆ្នាំ២០២១ លោកជាវតាយអភិបាលខេត្តកំពត បានដឹកនាំកិច្ចប្រជុំត្រួតពិនិត្យពិភាក្សា និងកែសម្រួលខ្លឹមសារលើយន្តការនៃរបៀបវារៈចំនួន២គឺ៖ទី១.សេចក្ដីសម្រេចស្តីពីការបង្កើតគណៈកម្មការចម្រុះពិនិត្យទប់ស្កាត់ការធ្វើអាជីវកម្មធនធានរ៉ែ និងការដឹកជញ្ជូនរ៉ែខុសច្បាប់។
ទី២.សេចក្ដីសម្រេចស្តីពីការបង្កើតគណៈកម្មការប្រយុទ្ធប្រឆាំងនិងទប់ស្កាត់ បង្ក្រាបបទល្មើសជលផលគ្រប់ប្រភេទនៅក្នុងភូមិសាស្ត្រខេត្តកំពត។
កិច្ចប្រជុំមានការចូលរួមពី អភិបាលរងខេត្ត អាជ្ញាធរក្រុង ស្រុក មន្ទីរ អង្គភាពជំនាញពាក់ព័ន្ធ និងកងកម្លាំងទាំងបីក្នុងខេត្ត ផងដែរ។
លោក ជាវ តាយ បានបញ្ជាក់ថា បញ្ហាការងារគ្រប់គ្រងអាជីវកម្ម និងការប្រមូលថវិការចូលរដ្ឋក៏ដូចជាការទប់ស្កាត់ និងបង្ក្រាបបទល្មើសគ្រប់ប្រភេទទាំងវិស័យរ៉ែ និងវិស័យជលផលក្នុងភូមិសាស្ត្រខេត្តកំពត កន្លងមកមានលក្ខណៈល្អប្រសើរ។ តែទោះបីយ៉ាងណា បញ្ហាបាតុភាព អសកម្មទាំងឡាយពីវិស័យរ៉ែនិងជលផលក្នុងភូមិសាស្ត្រខេត្ត តែងកើតមានឡើង ជាបន្តបន្ទាប់ គឺផ្ដើមចេញពីបុគ្គលមិនគោរពច្បាប់មួយចំនួន បានធ្វើសកម្មភាពរំលោភបំពានមិនកោតក្រែងច្បាប់កំណត់។
ពាក់ព័ន្ធនឹងវិស័យជលផល បទល្មើសជលផលក្នុងភូមិសាស្ត្រខេត្តកំពតនាពេលបច្ចុប្បន្ន ក៏កំពុងកើតឡើងច្រើន ដោយសារកង្វះខាតមន្ត្រី និងមធ្យោបាយដែលទាមទាការចូលរួមសហការពីអាជ្ញាធរ និងអ្នកពាក់ព័ន្ធ។ ដូច្នេះក៏ត្រូវមានការកែសម្រួល និងបន្ថែមយន្តការលើគណៈកម្មការប្រយុទ្ធប្រឆាំង និងទប់ស្កាត់ បង្ក្រាបបទល្មើសជលផល ដើម្បីអនុវត្តឱ្យមានប្រសិទ្ធភាព។
លោកអភិបាលខេត្ត ក៏បានស្នើដល់មន្ត្រីជំនាញពាក់ព័ន្ធត្រូវពិភាក្សាឱ្យបានច្បាស់លាស់ មុននឹងដាក់ចេញនូវយន្តការ ឬបង្កើតគណៈកម្មការអ្វីមួយ មិនមែនបង្កើតរួចហើយ អនុវត្តមិនបាន ឬបង្កឱ្យមានភាពរញ៉េរញ៉ៃ មន្ត្រីធ្វើការមិនច្បាស់លាស់ ធ្វើឱ្យប៉ះពាល់ដល់ប្រយោជប្រជាពលរដ្ឋ និងប្រភពប្រមូលចំណូលថវិការរដ្ឋនោះទេ។មានការកត់សម្គាល់ថាអាជ្ញាធរខេត្តកំពតបើកការប្រជុំនេះក្រោតពីក្រសួងរ៉ែនិងឋាមពលរកឃើញក្រុមហ៊ុនមួយមានថៅកែជាយោធាឈ្មោះអេងអូនឃុបឃឹតជាមួយមន្ត្រីខេត្តលួចកាយដីលក់មុនមានអាជ្ញាបណ្ណ័ដោយក្រសួងផាកលុយជាង៨០០លានរៀល។