វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 418 នាក់
ម្សិលមិញ 8227 នាក់
សរុប 14127299 នាក់
បាត់ដំបងៈ អ្នកបើករថយន្តដឹកទឹកកកម្នាក់ ត្រូវខ្មាន់កាំភ្លើងបើករថយន្តដេញតាមបាញ់ចំក្បាល១គ្រាប់ស្លាប់ភ្លាម កាលពីវេលាម៉ោង១០យប់ថ្ងៃទី៥ ខែសីហា ស្ថិតនៅលើផ្លូវត្រង់ចំណុចវាលអន្ទង់.ស ក្នុងភូមិក្រពើជើង ឃុំភ្នំសំពៅ ស្រុកបាណន់។
សមត្តកិច្ចឲ្យដឹងថា៖ជនរងគ្រោះខាងលើ ឈ្មោះពេជ្រ ពិសា ហៅពីរ អាយុ២៥ឆ្នាំ បានស្លាប់ពេលបញ្ជូនដល់មន្ទីរពេទ្យ ។ក្នុងឡានមានអ្នករួមដំណើរ២នាក់ទៀត គឺឈ្មោះហេង ចិត្រា ហៅឡិច អាយុ២០ឆ្នាំ និងឈ្មោះប៊ូ ចន្ធី ហៅប៉ោង អាយុ២៧ឆ្នាំ ពួកគេទាំង៣នាក់ រស់នៅភូមិតាង៉ែន ឃុំតាគ្រាម ស្រុកបាណន់ និងជិះរថយន្តដឹកទឹកកក ពាក់ស្លាកលេខ បាត់ដំបង3A-3095 ។ សមត្ថកិច្ចបានឲ្យដឹងថា ជនដៃដល់មានបក្សពួក២នាក់ដែរ ជិះរថយន្តម៉ាកហាយឡិនឌ័រ ធ្វើដំណើរស្របទិសគ្នាពីបាត់ដំបង ទៅកាន់កំពីងពួយហើយបាន បើករថយន្តដេញតាមរថយន្តជនរងគ្រោះ ពេលទាន់បានមកឈប់ពាំងពីមុខ។ ពេលនោះ ជនមិនស្គាល់មុខ២នាក់បានចុះពីរថយន្តសួរនាំជនរងគ្រោះថា «ហេតុអ្វីបានបើករថយន្តប៉ះរថយន្តអញហើយមិនឈប់?»។
បើតាមអ្នករួមដំណើជាមួយប្រាប់ថា អ្នកបើករថយន្តដឹកទឹកកកឆ្លើយតបថា «ខ្លួនមិនបានដឹងទេ…»។ ភ្លាមនោះ ជនម្នាក់បានដកកាំភ្លើងខ្លីបាញ់១គ្រាប់ចំក្បាល រួចខ្មាន់កាំភ្លើងទាំង២នាក់ឡើងរថយន្តបើកត្រឡប់មកក្រោយវិញបាត់ស្រមោលទាំងយប់ភ្លាមៗដែរ។ ជនរងគ្រោះត្រូវបានបញ្ជូនភ ទៅកាន់មន្ទីរពេទ្យភ្លាមៗដែតតែមិនអាចសង្គ្រោះបាន ។ សមត្ថកិច្ចបានរកឃើញគ្រាប់កាំភ្លើងខ្លី២គ្រាប់នៅកន្លែងកើយហេតុ ដែលមិនទាន់បាញ់ និងសំបកគ្រាប់១គ្រាប់ ជាគ្រាប់កាំភ្លើងខ្លីម៉ាក «ប៉េអាម៉ាប់»។ គេបានបង្ហើបថា ព្រោះសមត្ថកិច្ចហាក់មានតម្រុយខ្លះៗហើយថាអ្នកណា?។សង្ឃឹមថាចាប់ខ្លួនបានទៅចុះព្រោះបើមិនចឹងស្រុកខ្មែរអស់កែហើយអារឿងបាញសម្លាប់មនុស្សដូចបាញចាប់នោះ!៕