វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1886 នាក់
ម្សិលមិញ 6359 នាក់
សរុប 14088519 នាក់
ឧត្តរមានជ័យ៖អ្នករកស៊ីនិយាយថា៖លោកឈុនសុភមង្គលមេគយខេត្តឧត្តរមានជ័យនិងលោកកែវសារ៉ាតមេគយច្រកព្រំដែនជាំគឺជាមនុស្សតែមួយត្រូវដងត្រូវផ្លែគ្នា!។
ជាក់ស្តែង បើតាមប្រភពពីមន្ត្រីពាក់ព័ន្ធនៅច្រកទ្វារអន្តរជាតិជាំ ស្រុកអន្លង់វែង ខេត្តឧត្តរមានជ័យ បានឲ្យដឹងថា លោក កែវ សារ៉ាត់ ប្រធានការិយាល័យគយច្រកទ្វារអន្តរជាតិជាំ នៅតែប្រើតួនាទីនិងអំណាចរបស់ខ្លួនប្រមូលលុយគ្មានតម្លាភាពពីឈ្មួញដឹកទំនិញចេញចូលជាមួយរដ្ឋដដែល។ មូលហេតុគឺលោក កែវ សារ៉ាត់ ប្រធានការិយាល័យគយច្រកទ្វារអន្តរជាតិជាំ និងលោក សាប់ យឿន ប្រធានស្នាក់ការច្រកទ្វារអន្តរជាតិជាំត្រូវគ្នាជួយបំពេញល្បិចឲ្យគ្នាទៅវិញទៅមកខាងក្បៀស។សម្រាប់លោក ឈុន សុភមង្គល ប្រធានសាខាគយខេត្តឧត្តរមានជ័យដែលបើកដៃឲ្យលោកកែវសារ៉ាតរកលុយគ្មាវិក័យបត្រ័ពន្ធគឺយកឆៅរបៀបម៉ៅការរាប់ក្បាលឡានយកក៏មាន លោក គួន សុភាព មេគយចល័តខេត្តឧត្តរមានជ័យជួយសម្រួលបិទភ្នែកឲ្យផងដែរ។
ប្រភពពីអ្នករកស៊ី និយាយថា ឈ្មួញធំៗជាច្រើននាក់នៅតែធ្វើសកម្មភាពនាំចូលទំនិញគេចពន្ធ ទំនិញបង់ពន្ធមិនគ្រប់និងទំនិញខុសច្បាប់តាមច្រកទ្វារអន្តរជាតិជាំ យ៉ាងរលូន។ ការដែលឈ្មួញទាំងនោះអាចដឹងជញ្ជូនទំនិញពីច្រកព្រំដែនទៅដល់គោលដៅគឺដោយសារមានការសម្របសម្រួលពីលោក គួន សុភាព មេគយចល័តខេត្តឧត្តរមានជ័យ និងគយចល័តតំបន់៥ ប្រចាំស្នាក់ការក្នុងភូមិជើងភ្នំ ឃុំត្រពាំងប្រីយ៍ ស្រុកអន្លង់វែងផងដែរ។ ការឃុបឃិតជាប្រព័ន្ធបែបនេះហើយទើបលោក កែវ សារ៉ាត់ ប្រធានការិយាល័យគយច្រកទ្វារអន្តរជាតិជាំ អាចប្រព្រឹត្តបទល្មើសរំលោភច្បាប់ប្រឆាំងអំពើពុករលួយបានទៅដោយរលូនដូចសព្វថ្ងៃនេះ។
មិនដឹងថាតើលោក អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុលោក គុណ ញឹម អគ្គនាយកគយ ដឹងដែរឬធ្វើមិនដឹងបានបណ្តោយឲ្យមេៗគយក្នុងខេត្តឧត្តរមានជ័យ ធ្វើអ្វីៗតាមអំពើចិត្តចឹង?ឬដើម្បីជួយបក្ស?។ដោយសារមិនអាចទាក់ទងអំពីមន្ត្រីគយដើម្បីពន្យល់បានសង្ឃឹមថានឹងមានការបកស្រាយចំពោះសេចក្តីរាយការណ៍នេះជាមិនខាន៕