គយច្រកទ្វារអន្តរជាតិម៉ឺនជ័យនៅតែមានការ បើកដៃឲ្យឈ្មួញធំៗ នាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់?

ទិវាគ្រូបង្រៀន៥តុលារដ្ឋាភិបាលដាក់ចេញការពង្រឹងការងារខាងគ្រូក្រៅរដ្ឋាភិបាលសុំឲ្យគិតពីជីវភាពគ្រូនិងប្តឹងអន្តរជាតិរៀងទឹកដី!

បង្ក្រាបទីតាំង Online Scam នៅក្រុងប៉ោយប៉ែត ឃាត់ខ្លួនជនសង្ស័យជិត ៦០០នាក់ នៅព្រះសីហនុឃាំត់ខ្លួន៤៤នាក់

បន្ទាប់ពីចាប់ខ្លួនមន្ត្រីនគរបាលអន្តោប្រវេសន៍ព្រលានយន្តហោះនិងមេឃុំព្រែកខ្សាច់ACU រកឃើញមេខ្លោងឆបោកជនជាតិចិនម្នាក់ផ្ទេរលុយ ២៥០លានដុល្លារទៅគណនីគ្រីបតូក្រៅប្រទេស!

សហរដ្ឋអាមេរិកប្តេជ្ញាចិត្តក្នុងការរារាំង និងបង្ក្រាបបណ្តាញឧក្រិដ្ឋកម្មឆ្លងដែន និងប្រយុទ្ធប្រឆាំងនឹងការជួញដូរផលិតផលថ្នាំជក់ខុសច្បាប់!

អាមេរិករឹតបន្តឹងទិដ្ឋាការបុគ្គល៣២នាក់ពាក់ព័ន្ធដែលពាកពន្ធ័នឹង Prince Group របស់ Chen Zhiតែមិនប្រកាសឈ្មោះ

ធនាគារ ឈីហ្វដែលទើបសម្ពោធជាផ្លូវការទីស្នាក់ការកណ្ដាលថ្មី កាលពីឆ្នាំ២០២៥ត្រូវបានធនាគាជាតិដាក់ឲ្យស្ថិតនៅក្រោមការត្រួតពិនិត្យ៣ខែ!

ជាច្រើនទៀត

ចំនួនអ្នកទស្សនា

ថ្ងៃនេះ 5067 នាក់

ម្សិលមិញ 9639 នាក់

សរុប 20695238 នាក់

លោក អ៊ួជ សុខុម ហៅ វីរៈ ចាងហ្វាងកាសែតមហាហង្ស បដិសេធថា លោកមិនមែនជាឈ្មួញឈើនៅខេត្តស្ទឹងត្រែង ទេគ្រាន់តែឈ្មួញឈើពឹងឲ្យរត់ការតែប៉ុណ្ណោះ!?

21-September-2026 / ព័ត៌មានជាតិ

ភ្នំពេញ៖បន្ទាប់ពីគេហទំព័រសារព័ត៌មាន មាតុភូមិ កាលពីថ្ងៃទី ០៦ កក្កដា ២០១៨ បានចេញផ្សាយ នូវអត្ថបទមួយ ក្រោមចំណងជើង " លោក ខៀវ កាញារីទ្ធ ក្រសួងព័ត៌មាន គួរតែប្រកាសដកហូតអាជ្ញាប័ណ្ណ កាសែត មហាហង្ស ព្រោះប្រព្រឹត្តបទល្មើសជួញដូរឈើខុសច្បាប់ " ដោយដកស្រង់ប្រភពពី ផេកគេហទំព័រដំណឹងក្នុងស្រុក ដែលសរសេរដោយឈ្មោះ ម៉ី រដ្ឋា ដោយចោទប្រកាន់លោក អ៊ួច សុខុម ហៅ វីរៈ គឺជាឈ្មួញ ឈើប្រណីតនាំទៅស្រុកយួន ។ a jk1

កាលពីល្ងាចថ្ងៃទី ៧ កក្កដា ២០១៨ ការិយាល័យនិពន្ធនាយក គេហទំព័រសារព័ត៌មាន មាតុភូមិ បានទទួលការឆ្លើយតប ពីលោក អ៊ួច សុខុម តាមរយៈទូរស័ទ្ទលេខ 097 4444847 លោកបាន បដិសេធច្រានចោលនូវព័ត៌ដែលចោទប្រកាន់លើ រូបលោក ថាជាឈ្មួញឈើប្រណីត ដ៏ល្បីនៅខេត្តស្ទឹងត្រែងនេះទាំងស្រុង ។ លោកថា សូមអោយកាសែតស៊ើសួរពីប្រវត្តិ រូបរបស់លោកអោយច្បាស់ទៅថាជាមនុស្សបែបម៉េច ?។ ចំពោះ អត្ថបទ ដកស្រង់ពីលោក ម៉ី រដ្ឋា នោះលោក អ៊ួជ សុខុម បញ្ជាក់ថា ករណីកើតហេតុរវាងក្រុមឡានដឹកឈើ និងក្រុមអ្នកកាសែតនៅយប់នោះ គឺលោកគ្រាន់តែជាអ្នកជួយសំរប សំរួលដោះស្រាយ ថ្លៃបាយទឹក ឬ សាំងឡានខ្លះដល់ក្រុម អ្នកកាសែតដែលចុះទៅទីនោះ ព្រោះឈ្មួញអ្នករកស៊ីដឹកឈើ គេស្គាល់និងទុកចិត្តលើរូបលោកគេអោយចេញមុខជួយសំរួល ចែករំលែកគ្នាខ្លះទៅ ។

ប៉ុន្តែករណីកើតហេតុនៅយប់នោះ គឺ ខាងក្រុមអ្នកកាសែតមានគ្នាចំនួនដល់ទៅ២៧ឡានឯណោះ ហើយពួកគេបានទាមទារអោយលោកជួយលុយក្នុង១ឡាន ចំនួន២០០ ដុល្លារអាមេរិក ដល់ពួកគេ ។ តែលោកបានប្រាប់ ក្រុមអ្នកកាសែតទាំងនោះថា ហួសពីសមត្ថភាពលោក ហើយ លោកមិនអាចជួយបានទេ ហើយរូបលោកក៏ចាកចេញទៅ។លោក អ៊ួជ សុខុម បញ្ជាក់ថា៖ ក្រោយឡើងក៏កើតហេតុគ្រោះថ្នាក់ចរាចររវាងឡានដឹកឈើ និងឡានក្រុមអ្នកកាសែត ទើបអ្នកកាសែតចោទថា ខ្ញុំបញ្ជាក្រុមឡានឈើអោយបើកបំបុកឡានពួកគេ ។ ដែលនេះគឺជារឿងយល់ច្រឡំ និងចោទប្រកាន់គ្មានមូលដ្ឋានទៅលើរូបលោក ។

នៅពេល កាសែតមាតុភូមិ សាកសួរថា តើឈ្មួញ ឈើឈ្មោះអី ដែលពឺងពាក់លោកអោយចេញមុខដោះស្រាយ បង់លុយតាមផ្លូវដល់ពហុសមត្ថកិច្ច និង ក្រុមអ្នកកាសែតនោះ? លោក អ៊ួជ សុខុម ថា លោកមិនអាចប្រាប់ឈ្មោះអ្នករក សុីឈើទាំងនោះបានទេ ។ លោកគ្រាន់តែថានេះមកពីគេស្គាល់ទុកចិត្តលោកទើបគេអោយលោកចាត់ចែង ។ទោះជាយ៉ាងណាអ្នកាសែតផ្សេងទៀតដែលនៅក្នុងហេតុការណ៍ឡាំនឈើបុករថយន្តពួកគេនៅអូរពងមាន់ក៏បានសម្តែងការមិនសប្បាយចិត្តចំពោះលោកអ៊ួចសុខុមដែលនាយាយមាក់ងាយពួកគេផងដែរ៕ a jk a jk2 a jk3 a jk4