វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4072 នាក់
ម្សិលមិញ 5467 នាក់
សរុប 14163649 នាក់
ភ្នំពេញៈ រយៈពេល ៣ថ្ងៃគិតចាប់ពីថ្ងៃទី១២ ដល់ថ្ងៃទី១៤ ខែមិថុនា ឆ្នាំ២០២១ កម្លាំងសមត្ថកិច្ច និងអាជ្ញាធរពាក់ព័ន្ធ បានចុះរុះរើផ្ទះបណ្តែតទឹក ផ្ទះទូកតូចៗ សំណង់មិនរៀបរយ និងបែចិញ្ចឹមត្រី លើផ្ទៃទន្លេ នៅក្នុងខណ្ឌចំនួន ៥ នៅក្នុងភូមិសាស្ត្រ រាជធានីភ្នំពេញបានជាង ១.៣០០ ផ្ទះបណ្តែតទឹក និងបែចិញ្ចឹមត្រី និងនៅសេសសល់ មួយចំនួនទៀត កំពុងតែបន្តរុះរើ។
ប្រភពពីនគរបាលបានឲ្យដឹងថាៈ ផ្ទះបណ្តែតទឹក ផ្ទះទូកតូចៗ សំណង់មិនរៀបរយ និងបែចិញ្ចឹមត្រី លើផ្ទៃទន្លេ ក្នុងខណ្ឌចំនួន ៥ ដែលបានរុះរើ ចាប់ពីថ្ងៃទី១២ ដល់ថ្ងៃទី១៤ ខែមិថុនា ឆ្នាំ២០២១ មានដូចជាៈ
១. នៅខណ្ឌព្រែកព្នៅ ផ្ទះបណ្តែតទឹកមានចំនួនសរុប ៨២ រុះរើរួចទាំង ៨២ និងបែចិញ្ចឹមត្រី មានចំនួន ២៩៦ រុះរើបានចំនួន ១៧៩។
២. នៅខណ្ឌជ្រោយចង្វារ ផ្ទះបណ្តែតទឹក មានចំនួនសរុប ២១០ រុះរើរួចបានចំនួន ៩ និងបែចិញ្ចឹមត្រី មានចំនួន ១២៩ រុះរើបានចំនួន ៨៥។
៣. ខណ្ឌឫស្សីកែវ ផ្ទះបណ្តែតទឹក មានចំនួនសរុប ៣០៨ រុះរើរួច ទាំង ៣០៨ និងបែចិញ្ចឹមត្រី មានចំនួន ១៥៧ រុះរើបានចំនួន ១៤៧។
៤. ខណ្ឌច្បារអំពៅ ផ្ទះបណ្តែតទឹក មានចំនួនសរុប ២៤៩ រុះរើរួច ២១០ និងបែចិញ្ចឹមត្រី មានចំនួន ២៩៣ រុះរើបានចំនួន ២៤៧។
៥. ខណ្ឌមានជ័យ ផ្ទះបណ្តែតទឹក មានចំនួនសរុប ១២ រុះរើរួច ៩ និងបែចិញ្ចឹមត្រី មានចំនួន ៥ រុះរើទាំងអស់។
សរុបរួម ផ្ទះបណ្តែតទឹក នៅលើផ្ទៃទន្លេ ក្នុងខណ្ឌទាំង ៥ ខាងលើ មានចំនួន ៨៦១ រុះរើរួច បានចំនួន ៦២៨ និងបន្តរុះរើ ចំនួន ២៣៣ , បែចិញ្ចឹមត្រី សរុបរួមមាន ចំនួន ៨៨០ រុះរើរួច បានចំនួន ៧៦៣ និងកំពុងបន្តរុះរើ ចំនួន ១៧១។
សូមជម្រាបថា រដ្ឋបាលរាជធានីភ្នំពេញ បានចេញសេចក្តីសម្រេច កាលពីថ្ងៃទី២ ខែមិថុនា ឆ្នាំ២០២១ ដោយប្រកាស ចំពោះអ្នករស់នៅ និងប្រកបបរបរ លើផ្ទៃទឹកទន្លេ ឱ្យរុះរើ ឬចល័ត ផ្ទះបណ្តែតទឹក បែចិញ្ចឹមត្រី និងសំណង់មិនរៀបរយ ឱ្យអស់ នៅក្នុងភូមិសាស្ត្រ រាជធានីភ្នំពេញ ដោយទុករយៈពេល ៧ ថ្ងៃ។