វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 8066 នាក់
ម្សិលមិញ 8227 នាក់
សរុប 14134947 នាក់
ខេត្តបាត់ដំបងៈ ក្មេងស្រីម្នាក់ត្រូវចោរមួយក្រុមមានប្រុសស្រីចាប់ចងពេលម៉ែឪមិននៅផ្ទះ រួចហើយចូលប្លន់យកទ្រព្យសម្បត្តិ កាលពីវេលាម៉ោង៧ព្រឹក ថ្ងៃទី២២ ខែតុលា ឆ្នាំ២០១៨ ស្ថិតក្នុងភូមិបវេល២ ឃុំបវេល ស្រុកបវេល។
ក្មេងស្រីរងគ្រោះឈ្មោះ រូ រ៉ូស្សា អាយុ១៥ឆ្នាំ បានឲ្យដឹងថា មុនពេលកើតហេតុ ចាស់ៗគាត់បានចេញទៅធ្វើការងារអស់។ ពេលនាងបានរៀបចំបិទទ្វារផ្ទះ ដើម្បីចេញទៅសាលារៀន ស្រាប់តែលេចមុខជនសង្ស័យចំនួន៣នាក់ (ស្រីម្នាក់)ស្ទុះមកចាប់ខ្ទប់មាត់នាងជាប់ហើយបានរុញនាងចូលទៅក្នុងផ្ទះ រយកខ្សែនីឡុងមកចងដៃជើង និងខ្ទប់មាត់របស់នាងជាប់ ។ បន្ទាប់មកពួកគេចោរ បាននាំគ្នារើកកាយពេញផ្ទះរបស់នាង ដើម្បីរកលុយកកាក់ និងមាសប្រាក់។
នៅក្នុងអំពើប្លន់នេះ ក្រុមចោរបានប្រមូលប្រាក់ដែលនាងដាក់សន្សំ នៅក្នុងកូនជ្រូកដីចំនួន២ម៉ឺន៥ពាន់រៀល ព្រមទាំងយកចិញ្ចៀនចំនួន៣វង់ មានទម្ងន់៥ជី។ បន្ទាប់មក ពួកចោរបានប្រញាប់ប្រញាល់ រត់គេចខ្លួនបាត់អស់។