សមិទ្ធផលទំនើបកម្មមូលដ្ឋានសមុទ្ររាម និងមជ្ឈមណ្ឌលភស្តុភារ និងហ្វឹកហ្វឺនរួមគ្នាកម្ពុជា-ចិន ផែរាមត្រុវបានប្រកាសឲ្យប្រើប្រាស!

ជនជាតិកាមេរ៉ូនម្នាក់ធ្លាប់ជាប់គុកតែដោះលែងទុកឲ្យប្រព្រឹត្ត ករណីជម្រឹតទាប្រាកស្ត្រីឡាវ២០ម៉ឺនដុល្លារទៀត!

អ្នកកាសែតចង់បានច្បាប់ស្តីពីសិទ្ធទទួលនិងផ្តល់ពត៍មានទើបងាយរកពត៍មានពិត

ទីតាំងសិប្បកម្មកែច្នៃឈើដុះស្លែចំនួនជិត២០កន្លែង នៅក្នុងភូមិសាស្ត្រ សង្កាត់អូរស្មាច់ នៅតែដំណើរការយ៉ាងរលូន!?

រដ្ឋមន្ត្រីក្រសួងព័ត៌មាន ប្រកាសបើក យុទ្ធនាការ «និយាយថាទេ ចំពោះព័ត៌មានក្លែងក្លាយ!» ចាប់ពីថ្ងៃទី១មេសា

ក្រុមហ៊ុនតៃវ៉ាន់មួយបញ្ជាទិញគ្រាប់ស្វាយចន្ទីកែច្នៃរួចពីកម្ពុជាចំនួន ៣ពាន់តោនក្នុង ១ឆ្នាំ!

កាស៊ីណូ ក្បែរច្រកទ្វារព្រំដែនអន្ដរជាតិបន្ទាយចក្រី ជាទីតាំងលេងល្បែងស៊ីសងគ្រប់ប្រភេទ បើកអោយខ្មែរ និងយួន ចូលមកលេងល្បែង សមត្ថកិច្ច និង អាជ្ញាធរសម្ងំប្រមូលលាភសក្ការ!

ជាច្រើនទៀត

ចំនួនអ្នកទស្សនា

ថ្ងៃនេះ 1561 នាក់

ម្សិលមិញ 2962 នាក់

សរុប 16505685 នាក់

ស្ថានទូតបារាំងនៅកម្ពុជាតាមសួររឿងក្តីលឹមគិមយ៉ាជាមួយនគរបាលជាតិ

30-March-2025 / សន្តិសុខសង្គម

ភ្នំពេញ៖លោក ហ្សាក់ ប៉ឺឡេ ឯកអគ្គរដ្ឋទូតបារាំងប្រចាំកម្ពុជាបានទៅជួបលោក ឌី វិជ្ជា អគ្គស្នងការរងនគរបាលជាតិកាលពីរសៀលថ្ងៃទី២៤ កុម្ភៈដើម្បីពិភាក្សាអំពីវិធានការរបស់អាជ្ញាធរខ្មែរក្នុងក្របខ័ណ្ឌនៃការស៊ើបអង្កេតរបស់ប្រទេសថៃជុំវិញឃាតកម្មលោក លឹម គឹមយ៉ា។ ស្ថានទូតបារាំងប្រចាំកម្ពុជាមិនបានបង្ហាញខ្លឹមសារលំអិតនៃជំនួបនោះទេ តែលេខាទី១នៃស្ថានទូតបារាំងប្រចាំកម្ពុជា លោកស្រី ណូអេមី ពីនតា (Noémie Pinta) បានបញ្ជាក់ប្រាប់វិទ្យុបារាំងអន្តរជាតិ RFI នៅថ្ងៃទី២៥ កុម្ភៈនេះដោយខ្លីថា ប្រទេសបារាំងបាន និងកំពុងតាមដានដំណើរការស៊ើបអង្កេតជុំវិញឃាតកម្មលោក លិម គិមយ៉ារបស់អាជ្ញាធរថៃដោយយកចិត្តទុកដាក់ជាទីបំផុត។ a france dyvichea

ដោយឡែក ស្នងការនគរបាលជាតិកម្ពុជា តាមរយៈអ្នកនាំពាក្យ លោក ឆាយ គឹមឃឿន បានបញ្ជាក់នៅថ្ងៃទី២៥ កុម្ភៈនេះថា ជំនួបរវាងលោក ហ្សាក់ ប៉ឺឡេ និងលោក ឌី វិជ្ជាបានរៀបចំឡើង ដោយសារតែប្រទេសបារាំងចង់ដឹងពីលទ្ធផលនៃការស៊ើបអង្កេតរបស់អាជ្ញាធរកម្ពុជា។ តាមលោក ឆាយ គឹមឃឿន លោក ឌី វីជ្ជាបានប្រាប់លោក ហ្សាក់ ប៉ឺឡេនៅក្នុងជំនួបនោះថា នគរបាលកម្ពុជាមិនទាន់មានព័ត៌មានគ្រប់គ្រាន់នៅក្នុងដៃទេ ព្រោះអាជ្ញាធរថៃបានត្រឹមដាក់សំណើមក តែមិនទាន់មកធ្វើការជាមួយនគរបាលកម្ពុជានៅឡើយទេ។ គួររម្លឹកថា លោក លិម គិមយ៉ាដែលជាជនជាតិបារាំងមានដើមកំណើតខ្មែរ និងជាអតីតអ្នកតំណាងរាស្ត្របក្សប្រឆាំងត្រូវបានខ្មាន់កាំំភ្លើងជាជនជាតិថៃបាញ់សម្លាប់កាលពីថ្ងៃទី៧ មករា ឆ្នាំ២០២៥ ក្នុងក្រុងបាងកក ប្រទេសថៃ។

រហូតមកដល់ពេលនេះ សមត្ថកិច្ចថៃបានបង្ហាញមុខជនសង្ស័យពាក់ព័ន្ធនឹងឃាតកម្មលោក លិម គិមយ៉ាសរុបចំនួន ៤នាក់។ ជនសង្ស័យទី១ ជាខ្មាន់កាំភ្លើងជនជាតិថៃឈ្មោះ អេកាឡាក់ ភាណយ ជនសង្ស័យទី២ ជាអ្នកបោះតម្រុយជនជាតិខ្មែរឈ្មោះ ពេជ្រ និងជនសង្ស័យទី៣ អ្នកបើកឡានជនជាតិថៃឈ្មោះឆាគីត ប៊ួភ្លេ ដែលបានដឹកខ្មាន់កាំភ្លើងគេចខ្លួនចូលទឹកដីកម្ពុជា និងចុងក្រោយ គឺលោក លី រតនរស្មី ជនជាតិខ្មែរដែលប្រើឈ្មោះថៃ ស៊ុមវ៉ាង បំរុងគិត។ ម្យ៉ាងទៀត គិតត្រឹមពេលនេះដែរ អាជ្ញាថៃនៅមិនទាន់អាចឃាត់ខ្លួន និងសួរចម្លើយជនសង្ស័យជនជាតិជាជនជាតិខ្មែរទាំង ២នាក់ខាងលើនៅឡើយទេ។ តែតាមការចុះផ្សាយរបស់កាសែតថៃ ប៉ូលិសអន្តរជាតិអាំងទែប៉ូលបានចេញនិវេទន៍ក្រហមស្វែងរក និងឃាត់ខ្លួនបុគ្គល ពេជ្រ គឹមស្រ៊ិន ជាជនសង្ស័យដែលឱ្យតម្រុយខ្មាន់កាំភ្លើង។

ទន្ទឹមនឹងការចេញនិវេទន៍ក្រហមតាមចាប់ជន ពេជ្រ គឹមស្រ៊ិន ពីសំណាក់ប៉ូលិសអន្តរជាតិអាំងទែប៉ូល តុលាការព្រហ្មទណ្ឌថៃក៏បានចេញដីកាចាប់ខ្លួនជនជាតិខ្មែរម្នាក់ទៀត គឺលោក លី រតនរស្មី ដែលប្រើឈ្មោះថៃ ស៊ុមវ៉ាង បំរុងគិត។ សម្រាប់ក្រុមគ្រួសារសពលោក លិម គិមយ៉ា គឺទាល់មានតែការចាប់ខ្លួនជនសង្ស័យ ជាជនជាតិខ្មែរទាំង ២នាក់ទៅឱ្យតុលាការថៃទើបអាចបំភ្លឺការពិតជុំវិញឃាតកម្មលោក លិម គិមយ៉ាបាន៕(អត្ថបទវិទ្យុបារាំង) a france dyvichea1