វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3694 នាក់
ម្សិលមិញ 6501 នាក់
សរុប 13952249 នាក់
រាជធានីភ្នំពេញ ៖ លោកហែម ដារិទ្ធិ អភិបាលខណ្ឌពោធិ៍សែនជ័យ ត្រូវបានគេរាយការណ៍ថសមានវិជ្ជមាន COVID-19 ខណៈដែលលោកធ្លាប់ចាក់វ៉ាក់សាំងការពារជម្ងឺនេះចំនួន២លើករួចមកហើយក៏ដោយ។តែបើតាមលោក ហែម ដារិទ្ធ អភិបាលខណ្ឌពោធិ៍សែនជ័យ នៅថ្ងៃទី ០៨ ខែមិថុនា ឆ្នាំ២០២១ បានបង្ហោះសារនៅគណនីហ្វេសប៊ុករបស់លោកថា «សូមបងប្អូនថែរក្សាសុខភាព ទោះកីឡាខ្លាំងមិចក៍ដោយអោយតែប្រហែសគឺវាតោងយើងហើយ តែកុំភ្លេច ៣ការពារ ៣កុំ»។ ដែលសារនេះលោកចង់បញ្ជាក់ថា ខ្លួនបានឆ្លងវីរុស កូវីដ-១៩ ហើយ ។
សូមបញ្ជាក់ថាលោកអភិបាលខណ្ឌរូបនេះត្រូវបានរកឃើញមានវិជ្ជមាន COVID-19កាលពីថ្ងៃអាទិត្យទី៦ ខែមិថុនា ឆ្នាំ២០២១ ។ចាប់ពីពេលដែលបានរកឃើញជម្ងឺនេះមក លោកហែម ដារិទ្ធិបានសម្រាកនៅផ្ទះ មិនបានមកធ្វើការនៅសាលាខណ្ឌពោធិ៍សែនជ័យទៀតឡើយ។ទោះជាយ៉ាងណាមិនទាន់ដឹងថាមន្ត្រីក្រោមឳវាទនិងក្រុមគ្រួសារលោកហែមដារិទ្ធឆ្លងជម្ងឺនេះដែរឬអត់នោះទេ។
សូមបញ្ជាក់ថានៅថ្ងៃទី៨មិថុនានេះដែរក្រសួងសុខាភិបាលប្រកាសថារកឃើញអ្នកវិជ្ចមានកូវីតសរុបចំនួន៦៧៨នាក់(ឆ្លងសហគមន៍ ៦២៩នាំចូល៤៩)និងមានជាសះស្បើយ៥៥៧នាក់ ។ដូច្នេះចំនួនករណីជំងឺកូវីដ-១៩សរុបកើន ៣៥៥១១នាក់និងចំនួនជាសះស្បើយសរុបកើន២៨៦៤៩នាក់និងស្លាប់ថ្មី១២នាក់សរុបស្លាប់២៧៨នាក់ ។!៕