វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2609 នាក់
ម្សិលមិញ 10264 នាក់
សរុប 14141791 នាក់
ខេត្តស្ទឹងត្រែង៖ នៅថ្ងៃទី៣១ ខែឧសភា ឆ្នាំ២០២១ មនុស្ស ៣នាក់ឪពុកនិងកូនៗ ត្រូវសមត្ថកិច្ចឃាត់ខ្លួន ពាក់ពន្ធ័និងការស្លាប់យុវជនម្នាក់ កាលពីវេលាម៉ោង២០៖១៨នាទី ថ្ងៃទី៣០ខែឧសភា ឆ្នាំ២០២១ នៅចំណុចទំនប់អូរពូក ស្ថិតក្នុងភូមិសេសាន ឃុំកំភុន ស្រុកសេសាន ខេត្តស្ទឹងត្រែងកន្លែងចិញ្ចឹមគោពពែ។
លោក វ៉ា សុផាន់ ស្នងការរងនគរបាលខេត្តទទួលផ្នែកព្រហ្មទណ្ឌកម្រិតធ្ងន់បានឲ្យដឹងថា: ជនសង្ស័យទាំង៣នាក់ដែលបានឃាត់ខ្លួននេះរួមមាន៖ ទី១.ឈ្មោះ ស្រេង សែ ភេទប្រុសអាយុ៥០ឆ្នាំត្រូវជា(ឪពុក)-ទី២.ឈ្មោះ លីម មេងលុង ភេទប្រុសអាយុ២៣ឆ្នាំ(កូន)-និងទី៣.ឈ្មោះ លីម មេងស្រុង ភេទប្រុសអាយុ១៩ឆ្នាំ(កូន) ដែលបានយកខ្សែចងជនរងគ្រោះនិងវាយបណ្តាលឱ្យបាក់ក រហូតដល់ស្លាប់។
ទាក់ទងនិងជនរងគ្រោះប្រជាពលរដ្ឋរស់នៅភូមិសេសាន ឃុំកំភុនខាងលើ បាននិយាយថា: ជនរងគ្រោះដែលត្រូវ៣នាក់ឪពុកនិងកូនៗ ព្រួតគ្នាចងវាយរហូតដល់ស្លាប់នោះ តែងតែដើរធ្វើសកម្មភាពអុកឡុក នៅទីតាំងចម្ការ ជាកន្លែងចិញ្ចឹមសត្វពពែ និងមានការដេញវាយសត្វពពែរបស់គេ ទើបធ្វើឲ្យម្ចាស់គេខឹងទ្រាំលែងបានចាប់ចង និងវាយសម្លាប់តែម្តង?។
ជនរងគ្រោះនោះឈ្មោះ ចាន់ បូវ៉ាន់ អាយុ២៦ឆ្នាំ មានឪពុកឈ្មោះ ប៉ាន ចាន់ និងម្តាយឈ្មោះ ថៃខាំ រស់នៅភូមិស្រែតាប៉ាន-ឃុំសាមឃួយ ស្រុកសេសាន។ ក្រោយការពិនិត្យទៅលើសាកសពរួចរាល់សមត្ថកិច្ចក៏បាន ប្រគល់ឲ្យទៅក្រុមគ្រួសារយកមកផ្ទះ ដើម្បីធ្វើបុណ្យទៅតាមប្រពៃណីព្រះពុទ្ធសាសនាផងដែរ