វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 9831 នាក់
ម្សិលមិញ 8227 នាក់
សរុប 14136712 នាក់
ភ្នំពេញ៖ សម្ដេចតេជោហ៊ុន សែននាយករដ្ឋមន្ត្រី កាលពីថ្ងៃទី៩មេសាបានចេញសេចក្តីសម្រេចមួយបង្កើតក្រុមការងារអន្តរក្រសួងមួយ សម្រាប់សិក្សានិងរៀបចំលិខិតបទដ្ឋានគតិយុត្តិ សម្រាប់ការងារគ្រប់គ្រង ការផ្ដល់គោរមងារ និងដកគោរមងារឧកញ៉ា។ សេចក្តីសម្រេចដែលទើបផ្សព្វផ្សាយនៅថ្ងៃទី១៧ ឧសភានេះ បានតែងតាំងលោក ប៊ុន ហុន រដ្ឋលេខាធិការក្រសួងមហាផ្ទៃ ធ្វើជាប្រធានក្រុមការងារ ដោយរួមមានអនុប្រធាន និងសមាជិក ១១នាក់ មកពីក្រសួងស្ថាប័នផ្សេងទៀតផង។
ក្រុមការងារនេះ មានភារកិច្ចសិក្សាស្រាវជ្រាវច្បាប់ លិខិតបទដ្ឋានគតិយុត្តនានា ដើម្បីជាធាតុចូលសម្រាប់រៀបចំការគ្រប់គ្រងឧកញ៉ា ការផ្តល់គោរមងារឧកញ៉ា និងការដកហូតគោរមងារឧកញ៉ា។មិនតែប៉ុណ្ណោះ ត្រូវសិក្សាអំពីសិទ្ធិ និងកាតព្វកិច្ចរបស់ឧកញ៉ាក្នុងការចូលរួមកិច្ចការសង្គម រួមទាំងពិគ្រោះយោបល់ជាមួយបណ្តាក្រសួង ស្ថាប័ន អាជ្ញាធររដ្ឋបាលថ្នាក់ក្រោមជាតិ និងវិស័យឯកជនពាក់ព័ន្ធ ដើម្បីប្រមូលព័ត៌មានបម្រើឱ្យការរៀបចំបែបបទ និងនីតិវិធី។
ក្រុមការងារនេះ ក៏ត្រូវធ្វើរបាយការណ៍អំពីវឌ្ឍនភាពការងារជូន សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ដើម្បីពិនិត្យ សម្រេច និងផ្តល់យោបល់ដឹកនាំ ព្រមទាំងរៀបចំឯកសារពាក់ព័ន្ធជូនរាជរដ្ឋាភិបាល ដើម្បីពិនិត្យ សម្រេចផងដែរ។
មានការកត់សម្គាល់ថាការចេញសេចក្តីសម្រេចឱ្យរៀបចំច្បាប់គ្រប់គ្រង និងដកហូតគោរមងាឧកញ៉ានេះ ធ្វើឡើងស្របពេលដែលឧកញ៉ាមួយចំនួន បានប្រើប្រាស់ទឹកលុយ និងអំណាចហួសហេតុ ជាពិសេសប្រើប្រាស់អំពើហិង្សាលើស្ត្រីជាងនេះទៅទៀតក្នុងពេលដែលរដ្ឋាភិបាលរវល់រឿងកូវីតគឺមានតែឧកញ៉ាមួយចំនួនប៉ុណ្ណោះក្នុងចំណោមឧកញ៉ាស្រុកខ្មែរដែលគេជឿថាមានមិនយ៉ាងហោចជាង១ពាន់នាក់នោះដែលចូលលុយជួយទោះមានការអំពាវនាវពីឧកញ៉ាជាអតីតកម្មករមកពីកូរ៉េត្រកូលឡេងក៏ដោយ។
សូមបញ្ជាក់ថាកាលពីឆ្នាំកន្លងទៅរាជរដ្ឋាភិបាលក័បានតម្រូវឲ្យមន្ត្រីជាន់ខ្ពស់ក្នុងយោធានិងនគរបាលជិត២០០នាក់ដែលមានគោរមងារឧកញ៉ាលាលែងចេញមួយចោល៕