វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 8865 នាក់
ម្សិលមិញ 8227 នាក់
សរុប 14135746 នាក់
បន្ទាយមានជ័យ÷បន្ទាប់ពីប្រទេសជាតិបើកឡើងវិញពីកូវីតតាមបណ្តាខេត្តនានាគេបានឃើញមានសមត្តកិច្ចខ្លះត្រូវគ្នាជាមួយមេបនបើកឲ្យមានល្បែងស៊ីសងខុសច្បាប់ដើម្បីរកលុយដាក់ហោប៉ៅ!។ជាក់ស្តែង វង់ល្បែងស៊ីសងមួយកន្លែងត្រូវបានឈ្មួញបង្កើតឡើងឲ្យខ្មែរចូលលេងជ្រកក្រោមឈ្មោះក្រុមហ៊ុនកាស៊ីណូក្រោនរីសត របស់លោក ឧកញ៉ាកុក អានសមាជិកព្រឹទ្ធសភា ឋិតក្នុងភូមិក្បាលស្ពាន១ សង្កាត់និងក្រុងប៉ោយប៉ែត ខេត្តបន្ទាយមានជ័យ ។
វង់បនល្បែងស៊ីសងជល់មាន់ខាងលើ ត្រូវបានប្រភពទម្លាយថាពីមុនពួកគេបើកលេងយ៉ាងសប្បាយក្នុងដីចំការរបស់លោក អភិបាលរងខេត្តបន្ទាយមានជ័យ គឺ លោកង៉ោម៉េងជ្រួន។ ក្រោយដោយសារមានការចុះផ្សាយ របស់សារព័ត៌មានក្នុងស្រុកធើ្វឲ្យអ្នកញៀនល្បែងបានបិទដំណើរការមួយសំកាំងដំរី ឈប់លេងភ្នាល់ក្នុងដី ចំការរបស់លោកង៉ោម៉េងជ្រូកនោះទៅ ។តែពួកគេបានមកប្រជុំគ្នាលេងភ្នាល់ក្នុងបរិវេណក្រុមហ៊ុនកាស៊ីណូក្រោនរីសតវិញម្តង ។
ប្រភពព័ត៌មានពីបុរសម្នាក់ដែលគេស្គាល់ថាឈ្មោះប៉ូរា មានមុខការជាអភិបាលវង់បនល្បែងសង្វៀនជល់មាន់ បានឲ្យដឹងកាលពីល្ងាចថ្ងៃទី០៥ខែកុម្ភឆ្នាំ ២០២២ ថា÷ សង្វៀនបញ្ជល់មាន់ខាងលើគឺ ឈ្មោះ កុក មីន ជាអ្នកទទួលខុសត្រូវ បើកឲ្យគេលេងភ្នាល់លុយ ចំណែកលោក គ្រាន់តែកូនចៅគេជួលមកឲ្យធើ្វកិច្ចការមួយចំនួនតែប៉ុណ្ណោះ ។ពេលសួរថាសង្វៀនមាន់និងបនល្បែងស៊ីសងអាប៉ោងបៀរ ពាលាអាវាសែទាំងនោះមានច្បាប់អនុញ្ញាតត្រឹមត្រូវឲ្យខ្មែរចូលលេងដែរទេ ? បុរសដដែល រូបនោះថាមិនដឹងទេ! ។
បែបណាម្ចាស់សង្វៀន ឈ្មោះ កុក មីន ប្រភពពីអ្នកលេងល្បែងភ្នាល់មាន់ និងចាក់អាប៉ោងបានឲ្យដឹងថាលោក កុក មីនជា ប្អូនប្រុសលោកឧកញ៉ា កុក អាននោះមិនដែលឃើញលេចមុខក្នុងសង្វៀនមាន់ម្តងទេ ។បុរសដដែលបានបន្តទៀតថា សង្វៀមាន់ក្នុងបរិវេណកាស៊ីណូក្រោនរីសតនោះ លេងធំៗណាស់ រាប់មុឺនដុល្លារឯណោះ។ ចំណែកលោកហ៊ានលេងត្រឹមតែ ខ្ទង់ពាន់ដុល្លារទេ បើចាញ់ក៏មិនច្រើនដែរ ២ទៅ៣ពាន់ដុល្លារប្ន៉ណឹង។ ចំណែកអ្នកផ្សេងឯទៀតៗគឺលុយធំៗណាស់ ។
ពាក់ពន្ធ័និងបនល្បែងនេះស្ត្រីម្នាក់ ឈ្មោះ វណ្ណ ដា បានឲ្យដឹងថា÷ ចាប់តាំងពីមានវង់ល្បែង សុីសងអាប៉ោងបៀរនិងមាន់ជល់នៅក្នុង បរិវេណកាស៊ីណូ កាលណាមកអំពើចោរកម្មក៏បានកើតឡើងដែរ ជាក់ស្តែងធ្វើឱ្យម៉ូតូរបស់គាត់ម៉ាកហ្សូមឺមួយគ្រឿង ត្រូវចោរលួចយកទៅបាត់កាលពីយប់ថ្ងៃទី០៣ខែកុម្ភឆ្នាំ ២០២២ ។ ស្ត្រីដដែលថា អំពើចោរកម្ម ដែលកើតមានច្រើនក្នុងក្រុងប៉ោយប៉ែតគឺផ្តើមចេញពី ល្បែងស៊ីសងខុសច្បាប់កើតមានច្រើនហើយ សមត្ថកិច្ច មិនចេញបង្ក្រាបនោះទេ ដូច្នេះទើបពួកគាត់រស់នៅសព្វថ្ងៃ ភ័យព្រួយបារម្ភចំពោះសុវត្ថិភាពជាខ្លាំង ព្រោះកន្លែងណាក៏ឮតែចោរលួចនិងចោរឆក់ដែរ ។
លោក កុក មីន ដែលរងការចោទថា÷ជាម្ចាស់សង្វៀនមាន់ជល់មានខ្នងបង្អែកដ៏ធំនោះនៅ ថ្ងៃទី០៥ខែកុម្ភឆ្នាំ២០២២នេះសារព័ត៌មានយើងមិនទាន់មានប្រភពដើម្បីសុំឲ្យលោកបកស្រាយបានយ៉ាងណានៅឡើយទេ ជុំវិញសង្វៀនបញ្ជល់មាន់បើកឲ្យខ្មែរចូលលេងយ៉ាងចំហរបែបនេះ ។ចំណែក លោក សៅ សារឿន អធិការនគរបាលក្រុងប៉ោយប៉ែត នៅព្រឹកថ្ងៃទី០៥ខែកុម្ភឆ្នាំ២០២២ នេះអង្គភាពសារព័ត៌មានយើងក៏មិនទាន់អាចសុំអោយលោក ធ្វើការអធិប្បាយបានយ៉ាងណានៅឡើយដែរ ជុំវិញពលរដ្ឋចោទសួរលោកថា ជាអធិការមុខខ្លាញ់មិនចេញបង្ក្រាបបនល្បែងយកស្នាដៃ បែជាអនុញ្ញាត ឲ្យមានបនល្បែងស៊ីសងគ្រប់ច្រកល្ហក ក្នុងរបបលោកគ្រងតំណែងទៅវិញហើយ អំពើចោរកម្មបានក៏កើតច្រើនជាងពេលណាៗទាំងអស់។តើសកម្មភាពចឹងលោកជាអ្នក បង្កើតឬមកពីសមត្ថភាពរបស់លោកមិនដល់ ? ។