សកម្មភាពបនល្បែងទឹកភ្លៀងខុសច្បាប់នៅខេត្តបាត់ដំបង ដើរស្របគ្នានិងជំងឺកូវីដ-១៩ កំពុងរាតត្បាត តើអាជ្ញាធរទុកយកលុយចែកអំណោយ?
21-September-2026 / ព័ត៌មានជាតិ
ខេត្តបាត់ដំបង: សម័យកូវីដ-១៩ ត្រូវបានអាជ្ញាធរ សមត្ថកិច្ច រឹត បន្តឹងចំបោះការប្រមូលផ្តុំគ្នា មានមនុស្សច្រើន បង្ការទប់ស្កាត់ការរីករាលដាលនៃជំងឺដ៏កាចសាហាវមួយនេះ។ ប៉ុន្តែវិធានការរដ្ឋបាលទាំងនេះ គណៈបញ្ជាការឯកភាពខេត្តបាត់ដំបងដឹកនាំដោយលោកងួនរតនៈ បានភ្លេចចំពោះបនល្បែងទឹកភ្លៀងខុសច្បាប់មួយកន្លែង ស្ថិតនៅតំបន់ស្រែ១០០ សង្កាត់អូរចា ក្រុង-ខេត្តដំបង ដែលបានដំណើរតាំងពីកំឡុងថ្ងៃទី២-៣ដើមខែកុម្ភៈមុនមានព្រឹត្តិការសហគមន៍កូវីត១៩។
មកដល់ពេឡនេះ អ្វីដែលមេបនល្បែងទឹកភ្លៀងមានឥទ្ធិពល ត្រង់ថា, ក្រុមអ្នកលេងភ្នាល់ទឹកភ្លៀងណាមិនបង់លុយ លួចទៅលេង មើលមេឃតាមវាលស្រែ តាមក្រោមដើមពោធិ៍ គឺអោយសមត្ថកិច្ចទៅបង្ក្រាប Live ជាវីដេអូ បង្ហាញថា សមត្ថកិច្ចបង្ក្រាបបនល្បែងស៊ីសង មានស្នាដៃថែមទៀត។ជាក់ស្តែងកម្លាំងនគរបាលខេត្តបាត់ដំបងបានបង្ក្រាបករណីប្រមូលផ្តុំគ្នាលេងល្បែងស៊ីសងខុសច្បាប់ភ្នាល់ទឹកភ្លៀងឃាត់ខ្លួនក្រុមអ្នកញៀនល្បែងបានចំនួន១៣នាក់កាលពីរសៀលថ្ងៃទី១៩ ខែមេសា ឆ្នាំ២០២១ នៅចំណុចទីវាលស្ថិតក្នុងភូមិចំការសំរោង២ សង្កាត់ចំការសំរោង ក្រុងបាត់ដំបង ខេត្តបាត់ដំបង តែការបង្ក្រាបមិនចាប់មេក្លោង?។សមត្ថកិច្ចនគរបាលបានឱ្យដឹងថាក្នុងប្រតិបត្តិការនោះដកហូតវត្ថុតាងរួមមានៈ រថយន្តចំនួន០៤គ្រឿង, ម៉ូតូចំនួន១០គ្រឿង, វិទ្យុទាក់ទងចំនួន០៣គ្រឿងតែមេបនល្បែងមិនបានចាប់ទេ?។
ផ្ទុយទៅវិញសម្រាប់ក្រុមអ្នកលេងក្រោម(ទ)អត់ឃើញ សមត្ថកិច្ច អាជ្ញាធរ ស្ថាប័នតុលាការ មានវិធានការបង្ក្រាបនៅឡើយ។ នេះជាមូលហេតុផ្តើមដោយចំងល់ មិនបង្ក្រាបដោយសារអ្វី ?។សូមបញ្ជាក់ថា, ល្បែងភ្នាល់ទឹកភ្លៀងស៊ីសងនៅខេត្តបាត់ដំបង គឺមានតម្លៃរាប់ម៉ឺនដុល្លារឡើងទៅ មានន័យថា, មិនមែន(១ខាំ-២ខាំ-កន្លះគីឡូទេ) ម្នាក់ភ្នាល់យក(សើម និង ស្ងួត) ម្តងៗរាប់គីឡូ , រាប់កៅស៊ូ,(ភាសារអ្នកលេងភ្នាល់)។ កន្លែងទូរមាសទាំងអស់នៅផ្សារបឹងឈូក បង់លុយចូលលេងទឹកភ្លៀងគ្រប់គ្នា, អ្នកលេងខ្លះត្រូវយកប្លង់ដី ប្លង់ផ្ទះទៅដាក់នៅទូរជញ្ជីងមាស ទើបមានសិទ្ធិឡើង(ទិញ-លក់)។ និយាយរួមការប្រមូលផ្តុំគ្នានៅក្រោម(ទ) មានមនុស្សតិចតួចទេ សំខាន់ការប្រមូលផ្តុំគ្នានៅផ្សារបឹងឈូក កុះកុញ ដើម្បីឡើង(ទិញ-លក់) ដេញហាងឆេង ចាប់តាមមេឃ មានពពក មានភ្លៀងឬអត់ ដូច្នេះអ្នកយកស្ងួតលក់, អ្នកយកសើមទិញ ,។
ប្រដេញហាងឆេងចាប់ តម្លៃយ៉ាងកងរំពងសម្លេង អត់ខ្លាចរឿងជំងឺកូវីដ-១៩ អ្វីឡើយ ។ បើនិយាយពីទូរជញ្ជីងមាស ដឹងតែយកតំលៃពីអ្នក(ទិញ), និងអ្នក(លក់) ក្នុង១គីឡូ គឺ០៥ដុល្លារ មួយកៅស៊ូ ៥ដុល្លារ ។ ចុះបើ១ថ្ងៃៗ មានរាប់សិបម៉ោង ហាងឆេង(ទិញ-លក់) សឹងតែ១នាទី រាប់សិបនាក់ដេញហាងឆេងគ្នា ។ បើពពកល្អ មេឃរកកលភ្លៀង ឬខ្យល់បក់ពពកនាំទឹកភ្លៀងអាចតម្រង់ចំ(ទ) ដែលគេហៅថា,កន្លែង(កែវ,និងស៊ីប្រូ) អ្នកទូរជញ្ជីងសប្បាយយកលុយតុងពីការ(លក់-ទិញ)ច្រើនបំផុត។ សូមបញ្ជាក់ជូនអាជ្ញាធរ និងសមត្ថកិច្ច ក្រុង-ខេត្តបាត់ដំបងអោយបានជ្រាបផងដែរ ហាងឆេងភ្នាល់ទឹកភ្លៀងនៅម៉ោង១១និង៣០នាទីថ្ងៃទី១៦ ខែឧសភា ឆ្នាំ២០២១ តំលៃ១៣-១៥សេន ខណ:ព្រឹកមិញឡើងដល់៤០សេន ។
គេមានចំងល់ថា តើចៅហ្វាយក្រុង ,អធិការនគរបាលក្រុង , លោកស្នងការខេត្ត, លោកមេបញ្ជាការកងរាជអាវុធហត្ថខេត្ត , លោកអភិបាលខេត្ត ដែលជាគណ:បញ្ជាការឯកភាពខេត្ត បានគិតគូរបង្ក្រាបឬទេ ឬមួយចង់ដោះសារថា, ឥឡូវគេលេងភ្នាល់តាមទូរស័ព្ទបង្ក្រាបមិនកើត?។ មានតែក្មេងបៀមដៃទេ ដែលគាត់មិនដឹង អំពីអំពើពុករលួយជាលក្ខណះប្រព័ន្ធ ត្រូវថៅកែទឹកភ្លៀងឈ្មោះ(តាល់) បែងចែកកញ្ចប់។ មានការនិយាយាយថា, ថៅកែទឹកភ្លៀង(តាល់) ត្រូវគ្នាជាមួយលោកស្នងការនគរបាលខេត្ត បើអ្នកលេងមិនបង់លុយ គឺហៅអោយទៅចាប់តាមវាលស្រែ តាមក្រោមដើមពោធិ៍, បើអ្នកបង់លុយអាចឡើង(លក់-ទិញ)ក្រោម(ទ)ដោយសេរី។
ពាក់ព័ន្ធនិងករណីនេះលោកឧត្តមសេនីយ៍ទោ សាត គឹមសាន ស្នងការនគរបាលខេត្តបាត់ដំបងបានបញ្ជាក់ថា ចាំលោកអោយមន្ត្រីក្រោមឱវាទចុះទៅពិនិត្យ(ស៊ិក)។ ដោយឡែក លោក ងួន រតនៈ អភិបាលនៃគណៈអភិបាលខេត្តបាត់ដំបង បានអោយដឹងថា លោកបានអោយអភិបាលរងខេត្តម្នាក់ដឹកនាំកម្លាំងចុះបង្ក្រាបហើយ។
ប្រជាពលរដ្ឋបានឱ្យដឹងថា ល្បែងភ្នាល់ទឹកភ្លៀង ទីតាំងខាងលើអ្នកដែលដេញថ្លៃ គ្រប់គ្រង ផ្ដាច់មុខ គឺបានទៅលើ លោក តាល់ ដោយចំណាយលុយរត់ការឱ្យសមត្ថកិច្ចតូច.ធំគ្រប់លំដាប់ក្នុងខេត្តបាត់ដំបងនេះ រាប់ម៉ឺនដុល្លារ ដើម្បីអាចដំណើរការ ចាក់ភ្នាល់បានយ៉ាងរលូនរៀងរាលឆ្នាំ?។មេបនទឹកភ្លៀងម្សៀតាល់និយាយប្រាប់គេថា៖ការបើកលេងនេះគ្រាន់តែជាការប្រមូលប្រាក់ដើម្បីទូទាត់ឱ្យសមត្ថកិច្ចនិងអាជ្ញាធរសម្រាប់ដោះស្រាយដែលចាប់ផ្ដើមពេញទីគឺក្នុងខែឧសភា។ ល្បិចលេងពួកក្រុមគេត្រូវរៀបចំ បច្ចេកទេសនៃពាក្យនិយាយពាក្យ«ម៉ូ» តាមវិទ្យុទាក់ទងដើម្បីបំភ័ន្តភ្នែកមហាជននិងកុំឲ្យមហាជនដែលស្លូតត្រង់រកស៊ីត្រឹមត្រូវដឹងពីការនិយាយរបស់ពួកគេ។ 
