ថៃចាប់ពលករខ្មែរនិងបរទេសចេញពីក្រុងប៉ោយប៉ែតតើពួកនេះជាមូលហេតុឆ្លងជំងឺកូវិដ-19នៅក្រុងប៉ោយប៉ែតឬ ?
21-September-2026 / ព័ត៌មានជាតិ
បន្ទាយមានជ័យ÷ ពលករខ្មែរប្រុសស្រី៦នាក់ រួមនិងបុរសជនជាតិឥណ្ឌូ នេស៊ី ជនជាតិថៃ ត្រូវបានកម្លាំងជួមុខថៃចាប់ឃាត់ខ្លួន គ្រាដែលកម្ពុជា កំពុងរឹតត្បិតការធ្វើដំណើរ ដោយសារការបិទខ្ទប់ ភូមិនីមួយៗដើម្បីការពាររីករាលដាលជំងឺខូវិដ-19 ។នេះបើតាមកាសែតថៃ ចុះផ្សាយថា ពលរដ្ឋខ្មែរត្រូវទាហានចាប់ខ្លួនពីបទលួចឆ្លងដែនខុសច្បាប់ ។
ពលរដ្ឋខ្មែរដែល រស់នៅតំបន់បិទខ្ទប់ ក្នុងក្រុងប៉ោយប៉ែត ខេត្តបន្ទាយមានជ័យ បានលើកឡើងថា៖ ករណីពលរដ្ឋខ្មែរ ថៃ អាចគេចចេញពីប្រទេសកម្ពុជា បានពីក្នុងតំបន់បិទខ្ទប់នេះ គឺពិតជា មិនធម្មតាទេ ព្រោះពួកគាត់ សូម្បីតែចេញពីផ្ទះ ទៅទិញម្ហូបអាហារ តាមផ្សារនានា ក្នុងតំបន់បិទខ្ទប់ផង ក៏ចេញមិនបានផង បើទោះសុំសមត្ថកិច្ច ក៏ពួកគេ បញ្ជាឲ្យសុំចៅហ្វាយខេត្ត បើចៅហ្វាយខេត្តអនុញ្ញាតិ ទើបទៅបាន ។តែនេះពលរដ្ឋខ្មែរ៦នាក់រួមនិង ជនជាតិឥណ្ឌូនេស៊ី ថៃ ហេតុអ្វីអាចចេញ ពីក្រុងប៉ោយប៉ែត ដែលជាតំបន់ក្រហមឆ្អៅបានដូច្នេះ ? ។
ពលរដ្ឋថា ករណីនេះមិនធម្មតាទេ គឺជាមានអំពើពុករលួយលក្ខណៈជាប្រព័ន្ធហើយទើប ចេញបានស្រួលៗបែបនេះ ? ពុំនោះទេមិនអាចចេញបានទេ ព្រោះតំបន់បិទខ្ទប់ គ្មានផ្លូវណាអាចឆ្លងកាត់បានឡើយ អ្វីដែលអាចឆ្លងកាត់បាន វៀរលែងតែ មានអំពើពុករលួយ ឬ មានអ្នកធំធ្វើកិច្ចអន្តរាគមន៍ ទើបចេញបាន ។
សូមបញ្ជាក់ថា ជនបរទេស និង ពលរដ្ឋខ្មែរ៦នាក់ដែលត្រូវបានថៃ ចាប់ខ្លួននោះ ចេញពីតំបន់ ក្រហមក្រុងប៉ោយប៉ែត កាលពីថ្ងៃទី៩ខែឧសភាឆ្នាំ២០២១ ប្រភពព័ត៌មានពីគេហទំព័រថៃ ថា ពួកគេចេញតាម ច្រករបៀងឃុំប៉ារៃ ស្រុកអារញ្ញ ខេត្តស្រះកែវប្រទេសថៃ ដែល ប្រឈមនិង ស្រុកថ្មពួក ខេត្តបន្ទាយមានជ័យ ខាងកម្ពុជា ។
កាលពីថ្ងៃទី៩ឧសភាឆ្នាំ២០២១ អ្នកសារព័ត៍មានថៃរាយការណ៍ថា៖ក្រោយពីក្រសួងមហាផ្ទៃបញ្ជូនលិខិតប្រញ៉ាប់កាលពីថ្ងៃទី៧ឧសភា២០២១ ដល់អភិបាលខេត្តគ្រប់ខេត្ត បញ្ជារឲ្យខេត្តជាប់ព្រំដែន សហការជាមួយស្ថាប័នពាក់ពន្ធ័ ក្នុងការគ្រប់គ្រងរាល់ការលួចឆ្លងដែនចូលប្រទេសដឹកជញ្ជូនពលករបរទេសខុសច្បាប់បង្កើតប៉ុស្ត៍ត្រួតពិនិត្យ តាមបញ្ជាររបស់លោកប្រាយុទ្ធ ចាន់អូចា នាយករដ្ឋមន្ត្រីក្នុងការគ្រប់គ្រង ការពារការរាត្បាតរបស់កូវីដ-១៩ពីប្រទេសជិតខាង។ ជាពិសេសតាមទីប្រជុំជនខេត្តស្រះកែវបាននាំទិន្ន័យរបស់បណ្ដាញលួចឆ្លងដែនចូលប្រទេសរបស់ ពលករខ្មែរ នៅបរិវេណព្រំដែនកម្ពុជា-ថៃ។ ប្រជាជននៅមូលដ្ឋានមិនហ៊ានផ្ដល់ទិន្ន័យដល់មន្ត្រីរដ្ឋដោយសារសមត្ថកិច្ចពាក់ពន្ធ័មានចំណែកពុករលួយផងដែរ ។
ផ្នែកសន្តិសុខនឹងសមត្ថកិច្ចទទួលខុសត្រូវក្នុងមូលដ្ឋានអនុវត្ត ដោយនាំរូបភាពឃ្លិបវីដេអូ ក្រុមលួចនាំពលករបរទេសនៅភូមិណង យ៉ាកែវស្រុកគោគឃ្យូងនាំយករថយន្តធនតូចៗរាប់គ្រឿងបើកចូលទៅទទួលពលករខ្មែរ នៅបរិវេណក្រោយភូមិណងយ៉ាកែវ ។នៅថ្ងៃទី៩ឧសភា សមត្ថកិច្ចទាហានឈុតខ្មៅ អង្គភាព ស្រុកអារញ្ញ គឺ កម្លាំងបូរផា បានចាប់ឃុំខ្លួនក្រុមលួចឆ្លងដែនពីប្រទេស កម្ពុជា ចូលមកប្រទេសថៃ បានថែម២នាក់ទៀត ។ ក្នុងនោះគេរកឃើញបុរសជនជាតិឥណ្ឌូនេស៊ីម្នាក់និងស្ត្រីជនជាតិថៃម្នាក់ ដែលធ្វើការនៅកាស៊ីណូអនឡាញ ក្រុងប៉ោយប៉ែត ខេត្តបន្ទាយមានជ័យ ។ កាសែតបានបញ្ជាក់ទៀតថា សកម្មភាពលួចឆ្លងចូលប្រទេសថៃតាមច្រករបៀង ក្នុង ឃុំប៉ារ៉ៃ ស្រុកអារញ្ញខេត្តស្រះកែវ ប្រទេសថៃ ។ ករណីនេះសង្ស័យ មានពាក់ព័ន្ធ នឹងក្រុមឆ្មាំព្រំដែន របស់កម្ពុជា ជាអ្នកបើកភ្លើងខៀវ ក្នុងការសំរួល ឲ្យមានសម្មភាព ដឹកជញ្ជូននេះកើតឡើង! ។រឿងចឹងបើសមត្តកិច្ចថ្នាក់លើដែលមិនមានចំណែកគេអាចស្រាវជ្រាវរកមនុស្សពាក់ពន្ធ័មកផ្តន្ទាទោសបានតើ!៕
