វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 538 នាក់
ម្សិលមិញ 6359 នាក់
សរុប 14087171 នាក់
កោះកុង៖ បុរសម្នាក់កាលពីព្រឹកព្រលឹមថ្ងៃទី១ខែសីហាឆ្នាំ២០១៨ ត្រូវបានប្រទះឃើញថាបានផឹកថ្នាំពុលសម្លាប់ខ្លួន នៅចំណុចភូមិជីផាត ឃុំជីផាត ស្រុកថ្មបាំង ខេត្តកោះកុង។សមត្ថកិច្ចប៉ូលីសមូលដ្ឋានបានឲ្យដឹងថា ជនរងគ្រោះដែលបានផឹកថ្នាំពុលសម្លាប់ខ្លួន ឈ្មោះ អ៊ុត ធី ហៅមាន ភេទប្រុស អាយុ៤០ឆ្នាំ មុខរបរមិនពិតប្រាកដ មានស្រុកកំណើត ឃុំកាត់ភ្លុក ស្រុកបសេដ្ឋ ខេត្តកំពង់ស្ពឺតែមកស្នាក់នៅភូមិ ឃុំកើតហេតុ ម្នាក់ឯង។
មូលហេតុដែលបណ្តាលឲ្យគាត់សម្រេចចិត្តផឹកថ្នាំពុលសម្លាប់ខ្លួននេះគឺដោយសារតែមានជំងឺប្រចាំកាយមិនអាចព្យាបាលជា។ថ្នាំពុលដែលសពជនរងគ្រោះយកផឹកសម្លាប់ខ្លួននេះ ជាប្រភេទថ្នាំទឹកម្យ៉ាងដែលគេទិញមកសម្រាប់លាភលើដងខ្លួនបង្ការកុំឲ្យសត្វទៀកខាំពេលចូលទៅក្នុងព្រៃដែលមានន័យថាសពអាចជាអ្នកដើររុកព្រៃរកខ្លឹមឬរកអនុផល៕