វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3590 នាក់
ម្សិលមិញ 6001 នាក់
សរុប 13876420 នាក់
ខេត្តព្រះសូហនុ៖មានគ្រោះថ្នាក់ចរាចរមួយថ្មីទៀតកើតឡើងនៅកាលពីវេលាម៉ោង១០៖៣០នាទីថ្ងៃទី៥ ខែធ្នូ ឆ្នាំ២០១៨ លើដងផ្លូវជាតិលេខ៤ ត្រង់ចំណុចមុខសាលាវិទ្យាល័យហ៊ុន សែន ព្រៃនប់ ស្ថិតក្នុងភូមិព្រៃនប់៣ ឃុំព្រៃនប់ ស្រុកព្រៃនប់ ខេត្តព្រះសីហនុបន្ទាប់ពីឡានរ៉ែងរ៉ូវ័របានបុកឡានបែនដឹកដីរួច។
ម្តងនេះគ្រោះថ្នាក់បង្កឡើងដោយរថយន្តកូរ៉ូឡា បើកបុករថយន្តកុងតឺន័រពីក្រោយពេញទំហឹង បណ្ដាលឲ្យរថយន្តកូរ៉ូឡាខូចខាតមួយកំណាត់មុខ។ តែអ្វីដែលចម្លែកនោះ ក្រោយកើតហេតុភ្លាម គេឃើញអ្នកបើកបររថយន្តកូរ៉ូឡា បើកទ្វាររថយន្តចេញមកក្រៅ ហើយបញ្ចេញក្បាច់គុនយ៉ាងសង្ហារ ធ្វើដូចអត់ដឹងរឿងសោះ ។
សមត្ថកិច្ចឲ្យដឹងថាម្ចាស់រថយន្តកូរ៉ូឡាមានឈ្មោះថា ដារ៉ា ភេទប្រុស មានទីលំនៅរស់នៅក្នុងខេត្តព្រះសីហនុ ហើយគាត់ក៏ជាមនុស្សដែលមានសតិមិនល្អ រងរបួសស្រាល និងអ្នករួមដំណើរឈ្មោះ មម ហ៊ួយ ភេទប្រុស អាយុ៤៥ឆ្នាំ រស់នៅខេត្តកំពត រងរបួសស្រាលដូចគ្នា។ ចំណែកអ្នកបើកបររថយន្តម៉ាកហ៊ីនដាយមានឈ្មោះថា សុខ ហ៊ីម ភេទប្រុស អាយុ៣៩ឆ្នាំ មុខរបរបើកបរ មានទីលំនៅភូមិរោងគោ ឃុំរោងគោ ស្រុកសំរោងទង ខេត្តកំពង់ស្ពឺ។
សមត្ថកិច្ចក៏បានបន្តឱ្យដឹងទៀតថាមុនពេលកើតហេតុគេឃើញរថយន្ត១គ្រឿងម៉ាកហ៊ីនដាយ ពណ៌ក្រហម ពាក់ស្លាកលេខព្រះសីហនុ ៣A-២៧០៩ ធ្វើដំណើរទិសដៅពីខេត្តព្រះសីហនុ ទៅ ភ្នំពេញ ស្រាប់តែមកដល់ចំណុចកើតហេតុខាងលើ ក៏មានរថយន្តមួយគ្រឿងទៀតម៉ាក កូរ៉ូឡាពណ៌ស ពាក់ស្លាកលេខ ភ្នំពេញ ២J-១២៩៩ បានបើកមកបុកពីក្រោយពេញទំហឹង បណ្តាលឲ្យអ្នកបើកបររថយន្តកូរ៉ូឡារងរបួសស្រាល និងអ្នករួមដំណើររងរបួសស្រាលដូចគ្នា។