វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2975 នាក់
ម្សិលមិញ 8227 នាក់
សរុប 14129856 នាក់
ភ្នំពេញ៖លោក សុខ ពេញវុធអភិបាលខណ្ឌដូនពេញ នៅព្រឹកថ្ងៃទី១២ ខែមេសា ឆ្នាំ២០២១នេះ បានសម្រេច Lock Down ផ្សារចាស់ ក្រោយមានអ្នកឆ្លងជំងឺកូវីដ ហើយអ្នកដែល ប៉ះពាល់ទាំងផ្ទាល់ និងប្រយោលមួយចំនួននឹងត្រូវយកសំណាកនៅទីនោះតែម្តង។លោក សុខ ពេញវុធ ថា «នៅថ្ងៃនេះ គណៈបញ្ជាការឯកភាពខណ្ឌបានបិទបណ្តោះអាសន្ន (Lock down) ទីរួមផ្សារចាស់ភូមិ៥ សង្កាត់វត្តភ្នំ ខណ្ឌដូនពេញ ដើម្បីយកសំណាកអ្នកដែលពាក់ព័ន្ធព្រឹត្តិការណ៍២០កុម្ភៈ»។
សូមបញ្ជាក់ថា ក្នុងរយៈពេលចុងក្រោយនេះ ការឆ្លងជំងឺកូវីដ១៩ បានកើនឡើងយ៉ាងខ្លាំងនៅក្នុងព្រឹត្តិការណ៍២០កុម្ភៈ ផ្សារចាស់ជាផ្សារទី២នៅកណ្តាលក្រុង បន្ទាប់ពីផ្សារអូរឬស្សី ដែលឆ្លងកូវីតពីព្រឹត្តិការណ៍២០កុម្ភ:។
ការផ្អាកជាបណ្តោះអាសន្ននូវផ្សារចាស់នេះ មិនទាន់អាចបញ្ជាក់ថា រយៈពេលប៉ុន្មានថ្ងៃនោះទេ ដោយកំពុងតែរង់ចាំការចេញសេចក្តីសម្រេចពីរដ្ឋបាលរាជធានីភ្នំពេញ។ ចំណែកពេលនេះ ក្រុមគ្រូពេទ្យស្ម័គ្រចិត្តសម្តេចតេជោ បានចុះយកសំណាកពីអាជីវករនៅផ្សារចាស់ តាំងពីព្រឹករហូតដល់រសៀលម៉ោង៣ នៅតែមិនទាន់អស់នៅឡើយនោះទេ។
គួរបញ្ជាក់ផងដែរថា សម្រាប់អាជីវករដែលប្រកបរបរលក់ដូរនៅក្នុងផ្សារខាងលើ សូមអញ្ជើញមកយកសំណាកឲ្យបានគ្រប់ៗគ្នា និងសូមធ្វើចត្តាឡីស័កឱ្យបានត្រឹមត្រូវ ដោយស្នាក់នៅក្នុងផ្ទះ ដាច់ដោយឡែករយៈពេល ១៤ថ្ងៃ ព្រមទាំងធ្វើតាមការណែនាំរបស់ក្រុមគ្រូពេទ្យឲ្យបានត្រឹមត្រូវ។
យោងតាមការបញ្ជាក់ពីលោកអភិបាលខណ្ឌដូនពេញ បានឲ្យដឹងថា បច្ចុប្បន្នរកឃើញអ្នកវិជ្ជមានកូវីដ-១៩ ចំនួន៤នាក់ ដោយ៣នាក់ជាអ្នកលក់ដូរនៅខាងក្នុង ចំណែកម្នាក់ទៀត ជាអ្នកលក់បន្លែផ្នែកខាងក្រៅនៅខាងលិចផ្សារ៕