វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2475 នាក់
ម្សិលមិញ 5544 នាក់
សរុប 13943572 នាក់
ភ្នំពេញ៖ កីឡាការិនី និងជាតារាក្បាច់គុនល្បុក្កតោខ្មែរកញ្ញា សំ ថារ័ត្នបានប្រកាសឲ្យដឹងថានាងនិងចូលរួមសម្តែងភាពយន្តជាមួយតារាហូលីវូដនៅក្នុងរឿង”Shotgun Wedding” ។ខ្សែភាពយន្តនេះ កញ្ញា សំ ថារ័ត្ននឹងសម្តែងអមដោយក្បាច់គុនរួមជាមួយតារាលំដាប់ពិភពលោកជាច្រើនរូបមានដូចជានាង Jennifer Lopez លោក Armie Hammer លោក Josh Duhamel ជាដើម។
Shotgun Wedding គឺជាភាពយន្តហូលីវីដដែលរៀបរាប់អំពី ពិធីរៀបអាពាហ៍ពិពាហ៍ របស់គូស្វាមីភរិយាមួយគូហើយត្រូវបានចាប់ជម្រត់ដោយក្រុមចោរប្លន់។ ក្នុងនោះដំណើរការនៃការជួយសង្គ្រោះក្រុមគ្រួសារពួកគេបានរកឃើញឡើងវិញនូវមូលហេតុដើមមួយពិតប្រាកដ។ ភាពយន្តនេះដឹកនាំសម្តែងដោយលោក Jason Moore និងនិពន្ធដោយលោក Mark Hamme។ សូមបញ្ជាក់ថាកញ្ញា សំ ថារ័ត្ន គឺជាកូនស្រីស្តេចវីយូឡុងគឺ លោក អ៊ុំ តារា និងជាស្ត្រីខ្មែរដំបូងម្នាក់ដែលបានហាត់ក្បាច់គុនល្បុក្កតោឡើងវិញ បន្ទាប់ពីគុនល្បុក្កតោនេះស្ទើរតែរលាយសាបសូន្យក្នុងសម័យខ្មែរក្រហម។
ដំណើរជីវិតហាត់ក្បាច់គុនបុរាណខ្មែរដ៏សំខាន់នៃអាណាចក្រអង្គររបស់កញ្ញា សំ ថារ័ត្ន នេះ ត្រូវបានចងក្រងនៅក្នុងភាពយន្តឯកសារថ្មីមួយ ដែលមានចំណងជើងថា៖ «Surviving Bokator»ផងដែរ។ នាងធ្លាប់ចូលរួមសម្តែងក្នុងភាពយន្តមួយចំនួននៅកម្ពុជាផងដែរមានដូចជារឿង” JailBreak” និងរឿង” First They Kill My Father”របស់លោកស្រី អេនជីលីណា ជូលីនោះជាដើម។ កញ្ញាសំថារត្ន័គឺជាមោទកភាពរបស់កម្ពុជា។
កីឡាការិនីល្បុកតោរូបនេះបានឲ្យដឹងថា កាលពីថ្ងៃសុក្រកន្លងទៅនាងទើបនឹងចាប់ផ្តើមការថតឈុតតូចមួយក្នុងចំណោមឈុតធំដែលមានត្រឹមការវាយតប់តិចតួច។ នាងថានាងពិតជារំភើបពិបាកនឹងពណ៌នាដែលទទួលបានឱកាសនៃការថតភាពយន្តនេះ ហើយទទួលបានការយកចិត្តទុកដាក់ច្រើនពីក្រុមការងារ។ អ្វីដែលនាងកាន់តែរំភើបគឺទទួលបានការកោតសរសើរពីក្រុមការងារផលិតភាពយន្តខាងលើ ។នាងថាវាជារឿងតូចសម្រាប់អ្នកថតទាំងអស់ប៉ុន្តែជារឿងដ៏ធំសម្បើមអស្ចារ្យសម្រាប់ជីវិតនាងក្នុងការថតភាពយន្តនេះ និងជាលើកទី១ក្នុងជីវិត។
នាងថាឈុតដំបូងជាឈុតវាយតប់នាងថាមិនលំបាកច្រើនឡើយ ខណៈដែលការជាំសាច់កន្លែងខ្លះគឺជារឿងធម្មតា ហើយនាងពិតជារីករាយដែលផលិតករ និងក្រុមការងារកោតសរសើរពីការសម្តែងរបស់នាងមិនដាច់ពីមាត់នោះ។នាងបានចាត់ទុកថានេះគឺជាវេទិការពិសេសមួយសម្រាប់បង្ហាញសមត្ថភាព សិល្បៈខ្មែរ ក្បាច់គុណខ្មែរ អត្តចរិក សីលធម៌ វប្បធម៌ និងសិល្បៈនៃការចែករំលែកទៅកាន់ពិភពលោក៕