វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 7016 នាក់
ម្សិលមិញ 6001 នាក់
សរុប 13879846 នាក់
ខេត្តកំពង់ធំ : នៅព្រឹកថ្ងៃទី២៧មករា២០២១នេះ ប្រជាពលរដ្ឋ ដែលប្រកបរបរនេសាទត្រីជាលក្ខណ:គ្រួសាររស់នៅក្នុងភូមិពៅវើយ ឃុំពាម បាង ស្រុកស្ទោង បានរាយការណ៍តាមទូរស័ព្ទមកកាន់ការិយាល័យ និពន្ធគេហទំព័រ មាតុភូមិ អោយដឹងថា ពួកគាត់ប្រើឧបករណ៍នេសាទ ជាលក្ខណៈគ្រួសារតែងតែប្រឈមនឹងការបង្ក្រាបពី សំណាក់មន្ត្រីរដ្ឋបាលជលផល និងសមត្ថកិច្ចពាក់ព័ន្ធចៀសមិនផុតឡើយ។
ប៉ុន្តែនៅពេលក្រុមជនល្មើសប្រើឧបករណ៍នេសាទខុស ច្បាប់ប្រភេទរបាំងសាច់អួនក្រឡាញឹក របាំងលូស្បៃមុង សាច់ដាយពណ៌ក្រហម សាច់ដាយពណ៌ខៀវ និងរុញស៊ីបយ៉ាងគគ្រឹកគគ្រេងមិន ឃើញមន្ត្រីរដ្ឋបាលជលផលនិងសមត្ថកិច្ចពាក់ព័ន្ធចាត់វិធានការបង្ក្រាបទាល់តែសោះ។ ជាក់ស្តែង បទល្មើសនេសាទកំពុងកើតឡើងពេញបន្ទុកនៅក្នុងឡូត៍បឹងទន្លេឆ្មាភូមិពៅវើយ ឃុំពាមបាង ស្រុកស្ទោង ខេត្តកំពង់ធំ។ ករណីការកើតមានបទល្មើសនេសាទយ៉ាងអនាធិប តេយ្យនេះត្រូវបានប្រជានេសាទប្រាប់ថាគឺជាការឃុបឃិតគ្នា បើកដៃពីមន្ត្រីរដ្ឋបាលជលផលនិងសមត្ថកិច្ចពាក់ព័ន្ធ ក្នុងខេត្តកំពង់ធំ ។
សេចក្តីរាយការណ៍ពីប្រជានេសាទក្នុងភូមិពៅវើយ ឃុំពាមបាង បានឲ្យដឹងថា មានបុគ្គលម្នាក់ឈ្មោះ ស៊ុម អឹម អនុ ប្រធានភូមិពៅវើយ ជាអ្នករត់ការប្រមូល លុយពីអ្នកប្រព្រឹត្តបទ ល្មើសនេសាទ ដើម្បី បង់អោយមន្ត្រីជំនាញ និងសមត្ថកិច្ចពាក់ព័ន្ធ គ្រប់លំដាប់ថ្នាក់ ទើបគេ អាចធ្វើការនេសាទបានដោយរលូន ។ ប្រជា ពលរដ្ឋសំណូមពរសុំដល់ថ្នាក់ដឹកនាំក្រសួងកសិកម្មនិងលោក អេង ជាសានប្រតិភូរាជ រដ្ឋាភិបាលទទួលបន្ទុក អគ្គនាយករដ្ឋបាលជលផលមេត្តា ចុះ បង្ក្រាបបទល្មើសនេសាទនៅតំបន់ឡូត៍អភិរក្សបឹងទន្លេឆ្មា ជាបន្ទាន់ ។
ប្រជាពល រដ្ឋមួយចំនួនតូច បានរិះគន់ចំៗថា លោក សុខ លូ អភិបាលខេត្តកំពង់ ធំ និងលោក ប៉ែន វណ្ណរិទ្ធ ប្រធានមន្ទីរកសិកម្មខេត្តកំពង់ធំ ព្រមទាំងលោក ហម ហ៊ុន នាយខណ្ឌរដ្ឋបាលជលផលខេត្តកំពង់ធំ បណ្តោយឲ្យបទល្មើសនេសាទកើតឡើងយ៉ាងគំហុកនៅក្នុងឃុំពាមបាង ស្រុកស្ទោងដោយមិនធ្វើការបង្ក្រាប ។ ជុំវិញសេចក្តីរាយការណ៍ខាង លើ ការិយាល័យនិពន្ធ គេហទំព័រ មាតុភូមិ មិនអាចស្វែងរកការសយំបំភ្លឺពី លោកស៊ុម អឹម អនុប្រធានភូមិពៅវើយ និងមន្ត្រីសមត្ថកិច្ចពាក់ព័ន្ធ ក្នុងខេត្តកំពង់ ធំបានទេព្រោះពុំមានលេខទូរស័ព្ទ ៕ សុផល
Tel: 086 911 920