វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1766 នាក់
ម្សិលមិញ 6359 នាក់
សរុប 14088399 នាក់
ភ្នំពេញ: ព្រឹកថ្ងៃទី ១៦ខែមីនាឆ្នាំ២០២១ វេលាម៉ោង ០៩ និង១០នាទី មានករណី អគ្គីភ័យមួយកើតឡើងទៅលើ ឃ្លាំងស្តុកទុកឥវ៉ាន់ (ពូក) មួយឋិតនៅក្នុងភូមិកាកាប សង្កាត់កាកាប២ ខណ្ឌពោធិ សែនជ័យ រាជធានីភ្នំពេញ។ ប្រជាពលរដ្ឋនៅក្បែរៗទីតាំងឃ្លាំងនេះបានប្រាប់ថា អគ្គីភ័យនេះ បង្កឡើងដោយសារទុស្សេខ្សែភ្លើង ។
ពុំមានមនុស្សរងគ្រោះថ្នាក់ ទេ ព្រោះឃ្លាំងចាក់សោរទុកចោល ។ ក្រោយ ពេលភ្លើងឆេះ រថយន្តពន្លត់អគ្គីភ័យជាច្រើនគ្រឿងក្នុងនោះ មានរថយន្តពន្លត់អគ្គីភ័យ របស់សាលារាជធានីភ្នំពេញ រថយន្តទីក្រុងកោះពេជ្រ រថយន្ត ទីក្រុងជ្រោយចង្វារ រថយន្តបុរីសង្ឃឹមថ្មី រថយន្តអគ្គស្នងការនគរបាលជាតិ និង រថយន្តរបស់ខណ្ឌពោធិសែនជ័យបានទៅ ដល់ទីតាំងកើតហេតុ ។សមត្ថកិច្ច ជំនាញបានបាញ់ទឹកស្រោចពន្លត់ភ្លើងរលត់ ជា ស្ថាពរនៅវេលាម៉ោង១១និង២០នាទី ។ ឯ
ការខូចខាតទ្រព្យ សម្បត្តិ និងការប្រើប្រាស់ទឹកនិងចំនួនឡានទឹកសរុបនោះ មិនទាន់មានការបញ្ជាក់ជាផ្លូវការពីអាជ្ញាធរដែនដីនៅឡើយទេ ។ សូមបញ្ជាក់ថា: ក្នុងហេតុការណ៍នេះគេឃើញ មានវត្តមានលោកប៉ាង លីដាអភិបាលរងខណ្ឌពោធិសែនជ័យ លោកម៉ន វុទ្ធីអធិការនគរបាលខណ្ឌពោធិសែនជ័យ លោកស្រី សាយ សុនីតា ចៅសង្កាត់កាកាប២ និងកម្លាំងសមត្ថកិច្ចជាច្រើនចូលរួមជួយពន្លត់អគ្គីភ័យ៕