សង្គ្រាម១ដង្ហើមចង្រឹតនៅព្រុំដែនកម្ពុជាថៃតំបន់មុម៣ភាគីថៃជាអ្នកបាញ់មុន!
15-March-2026 / សន្តិសុខសង្គម
ភ្នំពេញ:ក្រសួងការពារជាតិកម្ពុជាបញ្ជាក់នៅក្នុងសេចក្តីប្រកាសពត៍មានឲ្យដឹងថា:ភាគី ថៃបាញ់ប្រហារមុនមកលើលេណដ្ឋាន បណ្តាលឱ្យទ័ពខ្មែរម្នាក់បាត់បង់ជីវិត។ហេតុការណ៍ដែលបានកើតឡើងកាលពីពេលព្រឹក(ទី២៨ឧសភា) គឺបង្កឡើងដោយកងទ័ពថៃ ដោយពួកគេបានធ្វើការបាញ់ប្រហារមុនមកលើលេណដ្ឋាន ដែលជាទីតាំងឈរជើងរបស់កងទ័ពកម្ពុជាជាយូរលង់ណាស់មកហើយ។ ការបាញ់ប្រហារនេះ បណ្តាលឱ្យបាត់បង់ជីវិតកងទ័ពកម្ពុជាម្នាក់។
ក្រសួងការពារជាតិ បានបញ្ជាក់ថា ការប៉ះទង្គិចគ្នានេះ មិនមែនជាជម្រើសដែលកម្ពុជាចង់ បាននោះទេ ហើយភាគីនឹងបន្តពិភាក្សាជាមួយក្រសួងការពារជាតិថៃ ដើម្បីស្វែងរកដំណោះស្រាយរួមមួយ ក្នុងការធ្វើឱ្យស្ថានភាពវិលត្រឡប់ទៅដូចដើមវិញឱ្យបានឆាប់រហ័ស និងបង្ការកុំឱ្យស្ថានភាពនេះកើតឡើងសាជាថ្មីម្តងទៀត។
សម្រាប់ជាដំណោះស្រាយក្រសួងការេពារជាតិបញ្ចាក់ថា«កម្ពុជាប្រកាន់ខ្ជាប់នូវមធ្យោបាយការទូត និងការដោះស្រាយបញ្ហាដោយសន្តិវិធី ព្រមទាំងការរក្សាព្រំដែនរបស់ ខ្លួនជាមួយប្រទេសជិតខាងជាព្រំដែនសន្តិភាព ស្ថេរភាព ការអភិវឌ្ឍន៍ និងកិច្ចសហប្រតិបត្តិការដែលផ្តល់ប្រយោជន៍ឱ្យ គ្នាទៅវិញទៅមក។ កម្ពុជាប្តេជ្ញាចិត្តក្នុងការការពារបូរណភាពទឹកដីទោះក្នុងតម្លៃណាក៏ដោយ»។ នេះជាការបញ្ជាក់របស់ក្រសួងការពារជាតិ។ករណីយ៍នេះក្រសួងការពារជាតិ បានអំពាវនាវឱ្យសាធារណជនកុំជឿ និងផ្សព្វផ្សាយនៅតាម បណ្តាញ ទំនាក់ទំនងសង្គមនូវព័ត៌មានមិនពិត ដែលអាចរុញច្រានស្ថានការណ៍នៅតាមបណ្តោយព្រំដែនឱ្យមានអស្ថិរភាព និង អសន្តិសុខ ព្រមទាំងបង្កផលប៉ះពាល់ដល់ទំនាក់ទំនងរបស់កងទ័ព ការប្រព្រឹត្តទៅនៃជីវភាពធម្មតារបស់ប្រជាពលរដ្ឋ ក៏ ដូចជារបស់ប្រទេសជាតិទាំងសងខាង។
សូមបញ្ជាក់ថាសពយុទ្ធជនពលី ឈ្មោះ សួន រោន អាយុ៤៨ឆ្នាំ មត្រូវបានបញ្ជូនមមកដល់ទីលំនៅក្នុងភូមិកំពេញ ឃុំយាង ស្រុកជាំក្សាន្ត ខេត្តព្រះវិហារ ដោយមានតំណាងអភិបាលខេត្តព្រះវិហ៊ារមកគោរពសពនិងចូលបុណ្យផងដែរ។ករណីយ៍នេះតាមបណ្តាញសង្គម សម្តេចតេជោ ហ៊ុន សែន ប្រធានព្រឹទ្ធសភា បានសរសេរថា “ដំបូងខ្ញុំសូមសំដែងនូវការសោកស្តាយ និងចូលរួមមរណទុក្ខជាមួយគ្រួសារសពលោកព្រិន្ធបាលឯក សួន រោន ដោយសារការវាយឆ្មក់ពីកងទ័ពឈ្លានពាន។ ព្រំដែនសន្តិភាព មិត្តភាព សហប្រតិបត្តិការ និងការអភិវឌ្ឍ មិនគួរមានរឿងបែបនេះកើតឡើងនោះឡើយ ដែលខ្ញុំសូមថ្កោលទោសយ៉ាងហ្មឺងម៉ាត់ចំពោះបុគ្គល ឬអង្គភាពឬថ្នាក់ណាក៏ដោយ ដែលបានសម្រេចចិត្តឲ្យធ្វើសកម្មភាពឈ្លានពានបែបនេះ ដែលវាប្រហាក់ប្រហែលជាមួយការឈ្លានពានកាលពីឆ្នាំ២០០៨ ដល់២០១១ នៅប្រាសាទព្រះវិហារ។
ខ្ញុំមិនចង់ឃើញការប្រយុទ្ធណាមួយកើតឡើងនោះទេ តែខ្ញុំគាំទ្រដល់ការសម្រេចរបស់រាជរដ្ឋាភិបាល ក្នុងការបញ្ជូនកងទ័ព និងអាវុធធុនធ្ងន់ទៅកាន់ព្រំដែនដើម្បីត្រៀមវាយបកការពារខ្លួនក្នុងករណីមានការឈ្លានពានបន្តទៀត។ ខ្ញុំសង្ឃឹមថា កាចរចាដែលនឹងត្រូវធ្វើ នៅថ្ងែស្អែករវាងមេបញ្ជាការកងទ័ពជើងគោកនៃប្រទេសទាំងពីរ នឹងទទួលបានផលល្អ។ ខ្ញុំសង្ឃឹមថា និងមិនមានភាពតានតឹងទូទាំងបណ្តោយព្រំដែនរវាងប្រទេសទាំងពីរ រហូតដល់រាំងស្ទះដល់កិច្ចសហការលើវិស័យផ្សេងទៀត ដែលជាផលប្រយោជន៍នៃប្រទេសទាំងពីរនោះឡើយ។
ខ្ញុំសូមអំពាវនាវបងប្អូនជនរួមជាតិ សូមមេត្តាកុំពង្រីកនូវជម្លោះនេះឲ្យទៅជាការស្អប់ខ្ពើមជាតិសាសន៍ និងសូមជឿជាក់លើការដោះស្រាយរបស់រាជរដ្ឋាភិបាលនិងកងទ័ពនៃប្រទេសទាំងពីរ។ យើងស្អប់សង្គ្រាមតែយើងបង្ខំចិត្តត្រូវធ្វើសង្គ្រាមដើម្បីប្រឆាំងការឈ្លានពានរបស់បរទេស ដូចដែលបានធ្វើកាលពីឆ្នាំ២០០៨ដល់២០១១ ដែលប្រើមុខព្រួញ៣គឺ យោធា ការទូត និងផ្លូវច្បាប់។”សម្រាប់សម្តេចធិបតីហ៊ុនម៉ាណែតដែលកំពុងបំពេញទស្សនកិច្ចនៅប្រទេសជប៉ុនក៏មានផ្ញើសារមករំលែកទុក្ខគ្រួសារសពយោធាពលីលោកសួន រោនផងដែរ។
សូមបញ្ជាក់ថាបើតាមប្រភពពីកាសែតថៃនៅព្រឹកថ្ងៃទី២៨ ខែឧសភា ឆ្នាំ២០២៥នេះបានឲ្យដឹងថា ទ័ពខ្មែរ និងទ័ពថៃបានផ្ទុះអាវុធហើយ។ ទាហានខ្មែរ និងទាហានថៃបានផ្លោងដាក់គ្នាអស់រយៈពេល ១០នាទី ចាប់ពីម៉ោង ៥:៤៥នាទីព្រឹក រហូតដល់ម៉ោង ៥:៥៥នាទីនៅនៅតំបន់ចុងបូកជិតមុំបីជាទីប្រសព្វនៃព្រំដែនខ្មែរ ថៃ និងឡាវ។ តែស្ថានការណ៍ក៏បានធូរស្រាលឡើងវិញក្រោយពីមេទ័ពខ្មែរ និងមេទ័ពថៃបាននិយាយទូរស័ព្ទដើម្បីសម្រួលគ្នា ។ បើតាមពត៍មានភាគិថៃបានចោទកម្ពុជាថាឈ្លានពានដីគេនិងបានផ្ទុះអាវុធ?។បើតាមថៃបច្ចុប្បន្ននេះ នៅតាមព្រំដែនខ្មែរ-ថៃ មានតំបន់ក្ដៅគគុកដែលទ័ពអាចប៉ះទង្គិចគ្នាចំនួន ៣កន្លែង គឺទី១. តំបន់ចុងបូកដែលកំពុងប៉ះទង្គិចគ្នានេះ,
ទី២. តំបន់ប្រាសាទតាមាន់ធំ និងទី៣. តំបន់ចុងរនាម (Chong Arn Ma) ដែលស្ថិតនៅចន្លោះពីច្រកព្រំដែនអូរស្មាច់ និងច្រកជាំស្រងាំ។ ការផ្ទុះអាវុធនៅតំបន់ចុងបូករវាងទ័ពខ្មែរ និងទ័ពថៃនៅពេលនេះកើតឡើងក្រោយពីការជួបគ្នាកាលពី ២អាទិត្យគឺកាលពីថ្ងៃទី១ ខែឧសភា នៅទីក្រុងបាងកករវាងរដ្ឋមន្ត្រីការពារជាតិខ្មែរលោក ទៀ សីហា និងសមភាគីរបស់លោក គឺលោករដ្ឋមន្ត្រីការពារជាតិថៃ ភូមិថាំ វិឆាយ៉ាឆៃ (Phumtham Wechayachai) ។តែចុងបញ្ចប់ភាគីទាំងពីរមិនមានការចុះហត្ថលេខាលើសេចក្ដីព្រមព្រៀងអ្វីទាំងអស់ ដោយភាគីទាំងពីរត្រឹមតែនិយាយជាពាក្យសម្ដីថារក្សាស្ថានភាពដដែល (status quo)។(មានន័យថាអ្នកណានៅកន្លែងណាគឺនៅកន្លែងហ្នឹងដដែល)។បើតាមការកត់សម្គាល់ ការគ្រប់គ្រងស្ថានការណ៍តាមព្រំដែនរវាងខ្មែរ និងថៃក៏អាចមានការលំបាកខ្លះដែរដោយសារប្រព័ន្ធបញ្ជាការរបស់ទ័ពថៃ និងកងទ័ពខ្មែរខុសគ្នា ដែលអាចឈានទៅដល់ការងាយប៉ះទង្គិចគ្នា។ នៅខាងថៃ គឺទ័ពថៃមានសិទ្ធិស្វ័យសម្រេចនៅមូលដ្ឋាន ចំណែកភាគីខ្មែរ គឺទ័ពខ្មែរត្រូវគោរពបញ្ជាពីថ្នាក់លើនៅភ្នំពេញ។Sources:-The Nation, Thailand (May 28, 2025): “Thai-Cambodian troops clash in early morning gunfire at Chong Bok border”-The Nation, Thailand (May 17, 2025): “Ta Muen Thom Standoff: No sign of a true gentleman’s deal”
