វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5791 នាក់
ម្សិលមិញ 5378 នាក់
សរុប 14085084 នាក់
ខេត្តព្រះសីហនុ៖រកស៊ីថ្នាំញៀនកន្លែងចត្តាឡីសក័ត្រូវបានឃាត់ខ្លួន។កាលពីម៉ោង១១និង៣០នាទីយប់ថ្ងៃទី៩ ខែ មីនា ឆ្នាំ២០២១កំលាំងយាមការពារគោលដៅធ្វើចត្តាឡីស័កបាន ឃាត់ខ្លួនស្រីស្អាត២នាក់ ដែលបានយក សម្ភារប្រើប្រាស់ លួចបង្កប់សារធាតុញៀន ទៅឲ្យអ្នកកំពុងជាប់ធ្វើចត្តាឡីស័ក នៅអគារបុគ្គលិកស្នាក់នៅ ឆាង ឆឹង ស្ថិតនៅ ក្រុម២៦ ភូមិ២ សង្កាត់ លេខ៤ក្រុង /ខេត្តព្រះសីហនុ ។
សូមបញ្ជាក់ថាសកម្មភាពជួញគ្រឿងញៀននៅកន្លែងចត្តាឡីសក័មិនមែនមានតែមួយករណីយ៍ស្រីស្អាត់ទេគឺមានខ្មែរមានស្រីចិនផ្សេងរកស៊ីផងដែរ។ឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ បានប្រាប់អោយដឹងថា ៖ ករណីទី១ បានកើតឡើងថ្ងៃទី៨ ខែមីនា ឆ្នាំ២០២១ វេលាម៉ោង ១៥៖៣០នាទី។ នៅថ្ងៃនោះ កម្លាំងប្រចាំការនៅមណ្ឌលចត្តាឡីស័កផ្ទះបុគ្គលិក ឆាង ឆឹង នៅក្រុម២៦ ភូមិ២ សង្កាត់៤ ក្រុង-ខេត្តព្រះសីហនុ ដោយបានឃាត់ខ្លួន បុរសម្នាក់ឈ្មោះ ម៉ាន់ ទីណូ អាយុ២៧ឆ្នាំ ជនជាតិខ្មែរ មុខរបររត់តាស៊ី ដែលបានយកអីវ៉ាន់មកផ្ញើឲ្យអ្នកធ្វើចត្តាឡីស័ក ក្នុងនោះ មានម្សៅក្រាមពណ៌សថ្លា សង្ស័យជាសារធាតុញៀន១កញ្ចប់ បង្កប់ក្នុងថង់នំ។
ដោយមានការសហការសមត្ថកិច្ច បន្តទៅឃាត់ខ្លួនជនសង្ស័យ២នាក់ ដែលជាម្ចាស់ថង់នំនោះ (បង្កប់គ្រឿងញៀន) នៅចំណុចអគារបុគ្គលិកលក់នំ ស្ថិតនៅក្រុមទី៧ ភូមិ៣ សង្កាត់៤ ក្រុងព្រះសីហនុ នាថ្ងៃដដែល។ជនសង្ស័យទាំង២នាក់ រួមមាន៖ ទី១៖ ឈ្មោះ ZOU WUQI អាយុ៣២ឆ្នាំ ជនជាតិចិន មុខរបរមិនពិតប្រាកដ និងទី២៖ ឈ្មោះ LIU HUA ភេទស្រី អាយុ២២ឆ្នាំ ជនជាតិចិន មុខរបរមិនពិតប្រាកដ។ សម្រាប់ករណីទី២ កើតឡើងនៅថ្ងៃទី៨ ខែមីនា ឆ្នាំ២០២១ វេលាម៉ោង ២១៖៣០នាទី។ កម្លាំងប្រចាំការនៅមណ្ឌលចត្តាឡីស័ក កាស៊ីណូជិនប៉ី២ ស្ថិតនៅសង្កាត់៤ ក្រុង-ខេត្តព្រះសីហនុ បានឃាត់ខ្លួនបុរស១នាក់ ឈ្មោះ ឆេន ឆូច អាយុ២៥ឆ្នាំ ជនជាតិខ្មែរមុខរបរត់ PassApp បានយកអីវ៉ាន់មកផ្ញើរឲ្យអ្នកធ្វើចត្តាឡឺស័ក ក្នុងនោះ មានលាក់ទុកនៅសារធាតុញៀនខុសច្បាប់ក្នុងប្រអប់នំ។
សមត្តកិច្ចបានបន្តឃាត់ជនសង្ស័យដែលជាម្ចាស់នំ (បង្កប់គ្រឿងញៀន) នៅចំណុចសណ្ឋាគារ ជីងហ្វូយៀក ស្ថិតនៅក្រុម២០ ភូមិ១ សង្កាត់២ ក្រុង-ខេត្តព្រះសីហនុ នៅថ្ងៃដដែល។ ជនសង្ស័យឈ្មោះ HOANG THI MANH ភេទស្រី អាយុ២៨ឆ្នាំ ជនជាតិវៀតណាម មុខរបរលក់អីវ៉ាន់តាមអនឡាញ។ ករណីទី៣ បានកើតឡើងនៅថ្ងៃទី៨ ខែមីនា ឆ្នាំ២០២១ វេលាម៉ោង ១២៖៤០នាទី កម្លាំងប្រចាំការនៅមណ្ឌលចត្តាឡីស័ក សណ្ឋាគារ ហ័ងហ្គ័នជាយី ស្ថិតនៅក្រុមទី៤ សង្កាត់៤ ក្រុង-ខេត្តព្រះសីហនុ បានឃាត់ជនសង្ស័យ១នាក់ យកអីវ៉ាន់ទៅផ្ញើឲ្យអ្នកធ្វើចត្តាឡឺស័ក ដោយមានការសង្ស័យកម្លាំងបានឆែកឆេររកឃើញសារធាតុសង្ស័យជាសារធាតុញៀន រួចបានឃាត់ខ្លួនជនសង្ស័យតែម្តង។ ជនសង្ស័យឈ្មោះ Gao Yahong ភេទប្រុស អាយុ២៩ឆ្នាំ ជនជាតិចិន មុខរបរមិនពិតប្រាកដ គ្មានលិខិតឆ្លងដែនជាប់ខ្លួន។
សម្រាប់អភិបាលខេត្ត ព្រះសីហនុតាមរយៈហ្វេសប៊ុកបានសម្តែងអំណរគុណដល់សមត្តកិច្ចដែលចាត់ការបានល្អ។សូមអរគុណ និង កោតសរសើរ ចំពោះក្រុមការងារ កងកំលាំង នគរបាល អាវុធហត្ថ យោធា ប្រជាការពារ ដែលការពារគោលដៅ ចត្តាឡីស័ក ព្រឹត្តិការណ៍ ២០ កុម្ភ: បានល្អផង និង ទប់ស្កាត់ ឆែកឆេរ រកឃើញការបង្កប់គ្រឿងញៀន ជាមួយម្ហូប បាន ៦ករណី ពិតជាបានយកចិត្តទុកដាក់ខ្ពស់ខ្លាំងណាស់ ។