ចោរលួចក្របី៣នាក់សម្រួលជាមួយម្ចាស់តែមិនសម្រួលតុលាការ គេចខ្លួន១ឆ្នាំវិមកផ្ទះវិញត្រូវតុលាការចាប់ឃុំមេធាវីជួយមិនបាន
03-April-2024 / សន្តិសុខសង្គម
កំពង់ធំ៖ជនសង្ស័យ៣នាក់ដែលជាប់ពាក់ពន្ធ័រឿងឃុបឃឹតលួចក្របីប្រជាជនកាលពីឆ្នាំ២០១៨សម្រួលតែជាមួយម្ចាស់ក្របីមិនសម្រួលជាមួយតុលការគេចខ្លួនបាន១ឆ្នាំពេលមកវិញចូលដោះស្រាយត្រូវលោក លាង សួគ៌ ប្រធានសាលាដំបូងនិងជា ចៅក្រម តុលាការអមសាលាដំបូងខេត្តកំពង់ធំបញ្ជាឲ្យចាប់ឃុំកាលពីវេលាម៉ោង ១០.២០នាទី ព្រឹកថ្ងៃទី១២ ខែសីហា ឆ្នាំ ២០១៩ នៅគុកខេត្ត។
ជនសង្ស័យទាំង៣នាក់ បានរត់គេចខ្លួនអស់រយះពេល១ឆ្នាំ ទើបតែឃាត់ខ្លួនបាន ទី១ឈ្មោះ មាស នាង ភេទប្រុសអាយុ ៤១ឆ្នាំ ជនជាតិខ្មែររស់នៅភូមិព្រៃតាហ៊ូ សង្កាត់ព្រៃតាហ៊ូ ក្រុងស្ទឹងសែន ខេត្តកំពង់ធំ ទី២ ឈ្មោះ នុត សុធា ភេទប្រុសអាយុ៤៤ឆ្នាំ ជនជាតិខ្មែរ ទី ៣ ឈ្មោះ មឿន ផល្លី ភេទស្រី អាយុ ៣៨ឆ្នាំ ជនជាតិខ្មែរ សញ្ជាតិខ្មែរ មុខរបរ លក់សាច់គោ ក្របី និងកាប់គោក្របី រស់នៅភូមិឃុំជាមួយគ្នា ។
មន្ត្រីតុលាការខេត្តកំពង់ធំបានឲ្យកាសែតដឹងថា តុលាការខេត្តកំពង់ធំ មិនបានគិតរឿងលុយនោះទេ សំខាន់គឺបានផ្តោតលើភាពយុត្តធម៌ជូនជនរងគ្រោះ ?។ ជនសង្ស័យ បានសារភាពថាលោកមេធាវីគឹមសុជាតិបានទារលុយពីពួកគេទាំង៣នាក់សរុប៧០០០ដុល្លា ដើម្បីរត់ការដោះលែង។ ក្នុងនោះមានថ្លៃសេវាមេធាវី ៣០០០ដុល្លា និងថ្លៃបញ្ចប់រឿងនៅតុលាការ៤០០០ដុល្លារអាមេរិក។តែ មេធាវីព្យាយាមយកលុយឲ្យតុលាការ ត្រូវបានតុលាការបដិសេធ ហើយចាប់វាយខ្នោះតែម្តង!។មេធាវីអីអីអន់ចាញ់ល្បិចតុលាការចឹង?។អ្នកដឹងរឿងថាប្រហែលតិចពេក។
សូមបញ្ជាក់ថា ជនជាប់សង្ស័យជាចោរ៣នាក់ត្រុវបានសមត្តកិច្ចឲ្យដឹងថាបានធ្វើសកម្មភាពឃុបឃិតគ្នា លួចក្របី រួចយកមកព្រលះសាច់លក់ ត្រូវបានសមត្ថកិច្ចស្រាវជ្រាវរកឃើញ ស្បែកស្នែង និងភស្តុតាងជាច្រើនទៀត ដែលឈានទៅដល់ការ ដាក់បន្ទុកទៅលើជនសង្ស័យ៣នាក់ ពីបទលួចក្របី កាលពីឆ្នាំ២០១៨។
ការពិតជនរងគ្រោះ និងជនសង្ស័យ បានព្រមព្រៀងសងលុយ ១៥លានរៀលដើម្បីបញ្ចប់រឿងហើយ តែជនសង្ស័យ ពុំបានអនុវត្តច្បាប់ បញ្ចប់រឿងនៅតុលាការ ថែមទាំងគេចវេសអស់រយះពេលមួយឆ្នាំ។ ពេលមកស្រុកវិញដើម្បីរស់នៅជាមួយក្រុមគ្រួសារអាងមេធាវីក៏ជាប់ចឹងទៅ។តែគេជឿងថាមិនយូទេបើមានលុយគេអាចរកវិធីដោះស្រាយបានព្រោះបានសងសំណងរដ្ឋប្បវេណីយ៍ហើយនៅតែតុលាការតើ!។
គួររំលឹកផងដែរថា កាលពីថ្ងៃទី១៨ សីហាឆ្នាំ ២០១៨ លោក ហ៊នសុផល ភេទប្រុស អាយុ ៤២ ឆ្នាំ និងប្រពន្ធ ឈ្មោះ ឆេង សុខន អាយុ ៤២ ឆ្នាំ បានបាត់ក្របីចំនួន៣ក្បាល ដោយសារចោរលួចក្របី នៅភូមិគោកងួន ឃុំ ត្រពាំងឬស្សី ស្រុកកំពង់ស្វាយ ខេត្តកំពង់ធំ ។ក្រុមចោរ បានធ្វើសកម្មភាពលួចក្របី ហើយក៏បានព្រលះយកសាច់លក់នៅតាមផ្ទះ។
ក្រោយមកកម្លាំងនគរបាលស្រុក បានចេញអន្តរាគមន៍ ស្រាវជ្រាវ និងនាំគ្នាតាមដានគន្លងជើងក្របី ដែលចោរដឹកចេញពីផ្ទះ បានតាមរកឃើញគេដឹកចូលទៅក្នុងផ្ទះ ឈ្មោះនុត សុធា ភេទប្រុសអាយុ ៤៣ ឆ្នាំ និងប្រពន្ធឈ្មោះមឿន ផល្លី អាយុ ៣៨ ឆ្នាំរស់នៅភូមិព្រៃតាហ៊ូ សង្កាត់ព្រៃតាហ៊ូ ក្រុងស្ទឹងសែន ដែលជាកន្លែងលួចធ្វើអាជីវកម្ម (អត្តឃាតគោក្របី) ក៏បានសុំការអនុញ្ញាត ពីលោកព្រះរាជអាជ្ញាអមសាលាដំបូងខេត្តកំពង់ធំ ធ្វើការឆែកឆេរ រកឃើញវត្ថុតាងស្បែកក្របីចំនួន ៣ សាច់ក្របីដាក់ក្នុងបាវជាច្រើននិងគ្រឿងក្នុងដាក់ក្នុងធុងក្លាស្សេ និងខ្សែចងក្របី គឺពិតជាវត្ថុតាងដែលម្ចាស់ក្របី ស្គាល់ថា ជាសត្វពាហនៈ របស់ខ្លួនពិតប្រាកដមែន ជាពិសេសស្បែកនិងចំណងក្របី ។
