វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3121 នាក់
ម្សិលមិញ 5378 នាក់
សរុប 14082414 នាក់
បន្ទាយមានជ័យ៖យ៉ាងហោចណាស់មានមនុស្សប្រុស-ស្រី៦នាក់រងរបួសធ្ងន់ ស្រាល ក្នុងហេតុការណ៍គ្រោះថ្នាក់ចរាចរណ៍ដោយរថយន្តបីគ្រឿងបុកបន្តគ្នាកាលពី ថ្ងៃទី២៧ ខែមករា ឆ្នាំ២០១៩ វេលាម៉ោង ៣ និង ៥៧នាទី នៅចន្លោះគីឡូម៉ែត្រលេខ៣៧១-៣៧២ ស្ថិតនៅភូមិថ្មី ឃុំសំរោង ស្រុកអូរជ្រៅ ខេត្តបន្ទាយមានជ័យ ។
លោកវរសេនីយ៍ទោ សែស វិបុល អធិការនគរបាលស្រុកអូរជ្រៅ បានឲ្យដឹងថា៖ មានគ្រោះថ្នាក់ចរាចណ៍មួយបានកេីតឡេីងដោយរថយន្ត បុករថយន្ត បន្តទៅបុកនិងរថយន្តមួយគ្រឿងទៀត ក្នុងទិសដៅច្រាសទិសគ្នា បណ្តាលឲ្យមនុស្សប្រុស-ស្រីចំនួន៦នាក់បានរងរបួស ក្នុងនោះស្រី៣នាក់ ពុំស្គាល់អត្តសញ្ញាណ ត្រូវបានរថយន្តសង្គ្រោះរបស់ការិយា ល័យចរាចរណ៍ខេត្ត ដឹកបញ្ជូនយកទៅសង្គ្រោះនៅមន្ទីរពេទ្យ ។ ចំណែកអ្នកបេីកបររថយន្តទាំងបីគ្រឿពុំស្គាល់អត្តសញ្ញាណ ។ ចំពោះរថយន្តទាំងបីគ្រឿងរងការខូចខាតរួមមាន ១-រថយន្តម៉ាក់ ឡុចស៊ីស៣៣០ ពណ៌ស ពាក់ស្លាក់លេខ បន្ទាយមានជ័យ 2A 6996 ។ ២-រថយន្តម៉ាក ហាយឡិនឌ័រ ពណ៌ស្ក ពាក់ស្លាក់លេខ ភ្នំពេញ 2T 2754 ។ ៣-រថយន្តកូរ៉េ ពណ៌ខៀវ ពាក់ស្លាក់លេខ បន្ទាយមានជ័យ 2A 3062 ។
ក្រោយពីធ្វើការវាស់វែងរួចរថយន្តទាំងបីគ្រឿង ត្រូវបានការិយាល័យចរាចរណ៍យកទៅរក្សាទុក ដេីម្បីដោះស្រាយគ្នាតាមនីតិវិធី ។ ប៉ុន្តែរហូតមកដល់ពេលនេះ ប្រជាពលរដ្ឋ រងគ្រោះទាំងនោះនៅពុំទាន់ទទួលបានសំណងរដ្បវេណីពី ភាគីបង្កនៅឡើយទេ ។
យោងតាមប្រភពពីក្រុមគ្រួសារ អ្នក រងរបួសក្នុងករណីគ្រោះថ្នាក់ចរាចរណ៍នេះបានប្រាប់អ្នកយក ព័ត៌មានយើងអោយដឹងថា ខាងសមត្ថកិច្ចនគរបាលចរាចរណ័ នៃស្នងការដ្ឋាននគរបាលខេត្តបន្ទាយមានជ័យបានប្រាប់ថា ខាងជំនាញបានចេញលិខិតអញ្ជើញភាគីបង្កឈ្មោះ ម៉ៃ គឹម ទិត្យ ម្ចាស់រថយន្តRx330អោយចូលខ្លួន មកដោះស្រាយដែរតែមិនឃើញគេចូលមកទេ មិនដឹង ជាគេអាងអំណាចលោកធំណាទេ ។
ប្រជាពលរដ្ឋរងគ្រោះ បានសំណូមពរដល់ស្ថាប័នមានសមត្ថកិច្ចជំនាញ និងស្ថាប័ន តុលាការលោកដុតដៃដុតជើងចាត់វិធានការតាមផ្លូវច្បាប់ទៅលើជនបង្លគ្រោះថ្នាក់ចរាចរក្នុងករណីខាងលើនេះអោយ មកទទួលខុសត្រូវចំពោះមុខច្បាប់ ៕ ដោយ : ឈិន តុងហុន