វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1363 នាក់
ម្សិលមិញ 3717 នាក់
សរុប 14149696 នាក់
ភ្នំពេញ ៖ លោក សេង គីមឡាក់ ព្រះរាជអាជ្ញារងអមសាលាដំបូងរាជធានីភ្នំពេញ បានចេញដីកាកោះហៅ លោក ប៉ុក សាមន ភេទប្រុស ជនជាតិខ្មែរ សញ្ជាតិខ្មែរ ដែលមានអាសយដ្ឋានស្ថិតនៅផ្ទះលេខៈ០៣ ផ្លូវ៣០A បុរីចំការដូង ខណ្ឌដង្កោ រាជធានីភ្នំពេញ ក្រោយពីចេញសែកដោយគ្មានទឹកប្រាក់ ពោលគឺចេញមូលប្បទានបត្រ័គ្មានសាច់ប្រាក់ (ចេញសែកស្អុយ) កាលពីថ្ងៃទី២៩ ខែកក្កដា ឆ្នាំ២០២០។
ដីការកោះចុះ ថ្ងៃទី២០ ខែកុម្ភៈ ឆ្នាំ២០២១ ក្នុងសំណុំរឿងព្រហ្មទណ្ឌលេខៈ៦៥៦ ចុះថ្ងៃទី០៣ ខែកុម្ភៈឆ្នាំ២០២១ របស់លោក សេង គីមឡាក់ ព្រះរាជអាជ្ញារងនៃអយ្សការអមសាលាដំបូងរាជធានីភ្នំពេញ។សូមជម្រាបជូនថា យោងតាមប្រភពដើមបណ្ដឹងបានឲ្យដឹងថាកាលពីថ្ងៃ២៩ ខែឧសភា ឆ្នាំ២០២០ ឈ្មោះប៉ុក សាមន បានបញ្ចុះបញ្ចូលឲ្យខ្លួនដាក់ទុនវិនិយោគរួមលើវិស័យអចលនទ្រព្យដោយសន្យាឲ្យចំនួន៨% ក្នុង១ខែនៃចំនួនទឹកប្រាក់វិនិយោគ រួចមកខ្លួនក៏បានដាក់ទឹកប្រាក់វិនិយោគចំនួន៥ម៉ឺនដុល្លារ ដែលមានកិច្ចសន្យាត្រឹមត្រូវ ស្រាបតែដល់ថ្ងៃបង្វិលប្រាក់ដើមមកវិញដូចតាមការកំណត់ដែលមានចែងក្នុងកិច្ចសន្យា ឈ្មោះ ប៉ុក សាមន បានចេញមូលប្បទានប័ត្រ១ស្លឹកឲ្យទៅភាគីដើមបណ្ដឹងប៉ុន្តែមូលប្បទានប័ត្រគ្មានសាច់ប្រាក់ចំនួន៥ម៉ឺនដុល្លារនោះទេ ។
ប្រភពដើមបណ្ដឹងបញ្ជាក់ទៀតថា ខ្លួនបានហៅទូរសព្ទ័ឲ្យឈ្មោះ ប៉ុក សាមន ដើម្បីដោះស្រាយទូទាត់សងប្រាក់ប៉ុន្តែតែងតែព្យាយាមពន្យាពេល មានលេសផ្សេងៗ ក្រោយឃើញរោគសញ្ញានៃការឆបោក ទើបដើមបណ្ដឹងសម្រេចដាក់ពាក្យប្តឹងទៅស្ថាប័នតុលាការដើម្បីទៀមទារយុត្តិធម៌តែម្ដង។