សម្តេចធិបតីប្រកាសកែទម្រង់ស្ថាបន័ដោយកាត់បន្ថយអំណាចរដ្ឋមន្ត្រីតាមក្រសួង

សង្វៀនបញ្ជាល់មាន់ ក្នុងកាស៊ីណូ សុខ គីមម៉េង បើកឲ្យពលរដ្ឋខ្មែរចូលលេងប្រឆាំងនិងបទបញ្ជារាជរដ្ឋាភិបាលកម្ពុជា

ឃាត់ខ្លួន អភិបាលរងស្រុកកំពង់លែងម្នាក់ និងបុគ្គល២រូបទៀត បញ្ជូនទៅតុលាការ ករណីទន្ទ្រានយកព្រៃលិចទឹកជុំវិញបឹងទន្លេសាប

ឆ្មក់ចូលក្លឹបថាំងហួយឃាត់មនុស្សបាន១១១នាក់គ្រឿងញៀន៥គីឡូក្រាម?

ខេត្តក្រចេះមិនអនុញ្ញាតឲ្យអាជីវករលក់ត្រីបបែលទៀតទេ រួមទាំងត្រី ២៩ប្រភេទផ្សេងទៀត ដែលជាប្រភេទត្រីជិតផុតពូជ

មន្ត្រីសុរិយោដីស្រុកសំរោងទង ស្រវឹងស្រាបើកឡានបុកផ្ទាំងផ្សាយពាណិជ្ជកម្មនៅសួនច្បារសម្តេចព្រះសង្ឃរាជ ជួន ណាត

លោកកើត រិទ្ធ រដ្ឋមន្ត្រីក្រសួងយុត្តិធម៍ប្រកាសបើកយុទ្ធនាការលុបពាក្យបណ្តាសា ត្រីមួយកន្ត្រកស្អុយមួយ ស្អុយទាំងអស់ក្នុងប្រពន្ធ័យុត្តិធម៍

ជាច្រើនទៀត

ចំនួនអ្នកទស្សនា

ថ្ងៃនេះ 350 នាក់

ម្សិលមិញ 10264 នាក់

សរុប 14139532 នាក់

បញ្ជូនក្រុមចោរអុកឡុក និងលួចទ្រព្យសម្បត្តិប្រជាពលរដ្ឋ៣នាក់ទៅតុលាការ

27-March-2024 / សន្តិសុខសង្គម

រាជធានីភ្នំពេញ ៖ ជនសង្ស័យ៣នាក់ដែលដើរអុកឡុក និងលួចទ្រព្យសម្បត្តិប្រជាពលរដ្ឋនៅសង្កាត់ជ្រោយចង្វាត្រូវបាននគរបាលការិយាល័យព្រហ្មទណ្ឌកម្រិតធ្ងន់ក្រសួងមហាផ្ទៃចាប់បញ្ជូនខ្លួន ទៅកាន់សាលាដំបូងរាជធានីភ្នំពេញដើម្បីចាត់ការតាមច្បាប់កាលពីម្សិលមិញ។

សមត្ថកិច្ចឲ្យដឹងថា ក្រុមជនសង្ស័យទាំង៣នាក់៖ ទី១៖ ឈ្មោះ ឯល រីសាត ហៅ អែល រីសាត ភេទប្រុស អាយុ៣៧ឆ្នាំ, ទី២៖ ឈ្មោះ ឡាប រ៉ូស្សេត ហៅ ខុងភេទប្រុស អាយុ១៧ឆ្នាំ, ទី៣៖ ឈ្មោះ រ័ត្ន វណ្ណដេត ភេទប្រុស អាយុ២១ឆ្នាំ។ ប្រភពបញ្ជាក់ថា ក្រុមជនសង្ស័យខាងលើបានធ្វើសកម្មភាពគាស់ទ្វារបស់ផ្ទះប្រជាពលរដ្ឋ នៅចំណុចផ្ទះលេខ១៩អេហ្វ ផ្លូវទន្លេសាប ភូមិ៣ ក្រុម៣ សង្កាត់ជ្រោយចង្វា ខណ្ឌជ្រោយចង្វារ កាលពីយប់ថ្ងៃទី០៦ ខែឧសភា ឆ្នាំ២០១៨។

សមត្ថកិច្ចបញ្ជាក់ថា ដោយមានពាក្យបណ្តឹងរបស់ប្រជាពលរដ្ឋ នគរបាលជំនាញនៃការិយាល័យព្រហ្មទណ្ឌកម្រិតធ្ងន់ ក្រសួងមហាផ្ទៃ ដឹកនាំដោយលោកវរសេនីយ៍ ជាវ វិបុល ប្រធានការិយាល័យ បានបើកការស្រាវជ្រាវរហូតឈានដល់ការចាប់ខ្លួន ក្រុមជនសង្ស័យបាន៣នាក់ កាលពីថ្ងៃទី០៧ ខែឧសភា ឆ្នាំ២០១៨កន្លងទៅ។
យោងតាមលិខិតពីពលរដ្ឋនៅខណ្ឌជ្រោយចង្វា ប្តឹងទៅកាន់ការិយាល័យនគរបាលព្រហ្មទណ្ឌកម្រិតធ្ងន់ ក្រសួងមហាផ្ទៃ បានថាសមត្ថកិច្ចមូលដ្ឋានមិនបង្ក្រាប បានអះអាងថា ក្រុមជនសង្ស័យ តែងតែធ្វើសកម្មភាព អុកឡុក និងលួចទ្រព្យសម្បត្តិរបស់ពលរដ្ឋ ក្នុងទឹកដីសង្កាត់ជ្រោយចង្វារ រៀងរាល់ថ្ងៃ ដោយមិនរើសមុខ គឺលួយរបស់របរគ្រប់ប្រភេទ សូម្បីតែថូជ័រដាំផ្កា លំអផ្ទះ ស្បែកជើង ខោអាវ និងហ៊ានឈានដល់គាស់ទ្វាផ្ទះពលរដ្ឋថែមទៀតផង។
ពលរដ្ឋបន្ដថា ពួកគាត់ធ្លាប់បានប្តឹងទៅ សមត្ថកិច្ចមូលដ្ឋានជាច្រើនលើក ប៉ុន្តែហាក់គ្មានអើពើបង្ក្រាបនោះទេ បានត្រឹមតែទទួលពាក្យបណ្តឹងពីពលរដ្ឋ ដោយមិនចាត់ការវិធានការផ្លូវច្បាប់ ចាប់ក្រុមជនសង្ស័យឡើយ បណ្តែតបណ្តោយឲ្យក្រុមជនសង្ស័យ បង្កភាពអសន្តិសុខ ដល់ពលរដ្ឋទាំងយប់ទាំងថ្ងៃ។
ប្រជាពលរដ្ឋរស់នៅសង្កាត់ជ្រោយចង្វារ បានសម្តែងការសាទរចំពោះចំណាត់ការរបស់ នគរបាលការិយាល័យព្រហ្មទណ្ឌកម្រិតធ្ងន់ ក្រសួងមហាផ្ទៃ ដែលបានជួយដកបន្លាពីក្នុងទ្រូង របស់ពួកគាត់នាពេលនេះ។
ពលរដ្ឋសង្ឃឹមថា តុលាការនឹងមានចំណាត់ការលើក្រុមចោរទាំងអស់នេះ ឲ្យបានធ្ងន់ធ្ងរតាមច្បាប់ ដើម្បីចូលរួមអនុវត្តគោលនយោបាយភូមិ-ឃុំ មានសុវត្ថិភាពរបស់រាជរដ្ឋាភិបាលកម្ពុជា៕

1-23-1