វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2223 នាក់
ម្សិលមិញ 3528 នាក់
សរុប 14188608 នាក់
បន្ទាយមានជ័យ÷ សម្លេងផ្ទុះស្ទើរលាន់កប់អាកាស់ទាំងយប់នៅព្រំដែនកម្ពុជា-ថៃ ស្ថិតក្នុងភូមិព្រៃគប់ សង្កាត់ផ្សារកណ្តាលក្រុងប៉ោយប៉ែតខេត្តបន្ទាយមានជ័យ។សម្លេងផ្ទុះនោះគឺជាករណី ពលករឆ្លងដែនដើរជាន់គ្រាប់មីន បានកើតឡើងកាលពីយប់ថ្ងៃទី១៤ខែកុម្ភឆ្នាំ២០២១ វេលាម៉ោង៧និង៣០នាទី ត្រង់ចំណុចឈរជើង របស់នគរបាលវរ៩១១ ប៉ុស្តិ៍ដើមកកោះ ។ ក្រោយកើតហេតុគេបានឃើញកងកម្លាំងជួរមុខនៃនគរបាលការពារព្រំដែនគោកវរសេនាតូចថ្មើរជើងលេខ៩១១ ប្រចាំការនៅទីនោះមួយអន្លើដោយមេបញ្ជាការផង បានចុះជួយអន្ដរាគមន៍ ទាញយកជនរងគ្រោះចេញពី ចំការមីន សង្គ្រោះបានទាន់ពេល ។
ជនរងគ្រោះ មាន ឈ្មោះយឿន រ៉ន មានអាយុ៣៣ឆ្នាំ លំនៅភូមិកើតហេតុ ។សេចក្តីរាយការណ៍មកថា ជនរងគ្រោះជាពលករធើ្វការនៅប្រទេសថៃបានលួចឆ្លងដែនចូលមកកម្ពុជាវិញតាមច្រករបៀង ដោយឆ្លងកាត់ព្រៃរបស់មានគ្រាប់មីនសល់ពីសម័យសង្គ្រាមបណ្តាលឲ្យផ្ទុះដាច់ជើងខាងស្តាំ ។ជនរងគ្រោះត្រូវបានកម្លាំងនគរបាលដឹកយកទៅសង្គ្រោះបន្ទាន់នៅមន្ទីរពេទ្យបង្អែកដីថ្មី ក្រុងប៉ោយប៉ែតដើម្បីសង្គ្រោះឲ្យរួចផុតជីវិត ។
ជុំវិញបញ្ហាខាងលើ ថ្មីៗនេះសារសម្លេង របស់សម្តេចតេជោហ៊ុនសែននាយករដ្ឋមន្ត្រី កម្ពុជា ដែលផ្សាយតានបណ្តាញសង្គមបានទទួចឲ្យកងកម្លាំងជួមុខ មានការរឹតបន្តឹងរាល់ការចេញចូលរបស់ពលករ សម្តេច សង្កត់ធ្ងន់ថា មិនត្រូវឲ្យមានការចេញចូលផ្តេសផ្តាស ដោយគ្មានការធ្វើចត្តាឡីស័កនោះឡើយ បើចេញចូលតាមតែអំពើចិត្ត បែបនេះ ច្បាស់ណាស់ថា ជំងឺឆ្លងកូរ៉ូណាវីរុស យើងនឹងមិនអាចទប់ស្កាត់បានទេ ។សម្តេចលើកឡើង ដូចករណី ពលករខ្មែរ ត្រឡប់មកពីថៃ ហើយត្រូវបានធ្វើចត្តាឡីស័ក នៅឯខេត្តតា កែវ ឯនេះវិញ សួរថា បើមានផ្ទុកវីរុស តើអាចឆ្លងមនុស្ស ប៉ុន្មាននាក់ ក្នុងសហគមន៍ ? ។
សម្តេចតេជោ ហ៊ុន សែន បានបញ្ជាក់ឲ្យដឹងថា ពលករឆ្លងពីថៃ ហើយចូលធ្វើចត្តាឡីស័កគិតត្រឹមយប់ថ្ងៃទី១៤ ខែកុម្ភៈ មានចំនួន ៣៥,៦៦៥នាក់។ ក្នុងនោះអ្នកកំពុងធ្វើចត្តាឡីស័កនៅតាមខេត្តជាប់ព្រំដែនទាំង៧ មានចំនួន ១១,៨៥៧នាក់។ក្នុងចំណោមអ្នកឆ្លងដែនពីប្រទេសថៃនេះ រកឃើញអ្នកកើតជំងឺកូវីដ១៩ សរុប ៨៩នាក់។
សម្រាប់អ្នកធ្វើចត្តាឡីស័កនេះ ក្នុងមួយថ្ងៃទទួលបានការឧបត្ថម្ភថវិកា ២ម៉ឺនរៀល ដោយមិនគិតពីការឧបត្ថម្ភទឹកបរិសុទ្ធ ឬមី ក៏ដូចជាសម្ភារប្រើប្រាស់ដទៃទៀតនោះឡើយ។សូមបញ្ជាក់ថា, នៅរសៀលថ្ងៃទី១៥ ខែកុម្ភៈ ឆ្នាំ២០២១ ក្រសួងការងារ និងបណ្ដុះបណ្ដាលវិជ្ជាជីវៈ, ក្រសួងសុខាភិបាល បានចេញសេចក្តី ជូនដំណឹង ជុំវិញការរឹតបន្តឹងទៅលើពលករដែលចូលមកប្រទេសកម្ពុជា ដែលមិនបានធ្វើចត្តាឡីស័ក តាមសុខាភិបាលទេ គ្រូពិន័យចំនួន ១លានរៀល និងលើសពីនេះ រួមទាំងមានទោសបទល្មើសព្រហ្មទណ្ឌថែមទៀត។