វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2595 នាក់
ម្សិលមិញ 10264 នាក់
សរុប 14141777 នាក់
ទួគី៖ សារព័ត៌មាន CNA នៅថ្ងៃព្រហស្បតិ៍ ទី១១ ខែកុម្ភៈ ឆ្នាំ២០២១នេះ បានចុះផ្សាយឲ្យដឹងថា៖សហរដ្ឋអាមេរិកជាថ្មីទៀតនៅតែអំពាវនាវឲ្យប្រទេសតួកគី បោះបង់ចោល និងកុំប្រើប្រាស់ឲ្យសោះនូវប្រព័ន្ធមីស៊ីល S-400 ទិញពីរុស្ស៊ី ។
ការអំពាវនាវរបស់សហរដ្ឋអាមេរិកខាងលើនេះ បន្ទាប់ពីលោក ហ៊ូលូស៊ី អាកា (Hulusi Akar) រដ្ឋមន្ត្រីការពារជាតិតួកគី ក្នុងសប្ដាហ៍នេះ បានស្នើសុំការសម្រុះសម្រួលដោយតួកគី ដែលជាសម្ព័ន្ធមិត្តអង្គការ NATO ដែរនោះ នឹងមិនប្រើប្រាស់ពេញលេញនូវប្រព័ន្ធមីស៊ីល S-400 ដែលរុស្ស៊ីផលិតឡើងទុកសម្រាប់ទប់ទល់នឹង យន្ដហោះចម្បាំងលោកខាងលិចនោះទេ។
តែបើតាមលោក ណេដ ប្រាយស៍ (Ned Price) អ្នកនាំពាក្យក្រសួងការបរទេសអាមេរិកវិញ បានអះអាងថា គោលជំហររបស់សហរដ្ឋអាមេរិកចំពោះ S-400 នឹងមិនកែប្រែឡើយ។ លោក ណេដ ប្រាយស៍ (Ned Price) បបញ្ជាក់ថាកាំជ្រួច S-400 មិនស័ក្តិសមជាមួយបរិក្ខាយោធារបស់អង្គការ NATO នោះទេ ហើយថែមទាំងគំរាមដល់សន្តិសុខ និងបច្ចេកវិទ្យារបស់ NATO។ម្យ៉ាងវិញទៀត ចំពោះការដំឡើង ឬការប្រើប្រាស់ប្រព័ន្ធមីស៊ីលនេះ ក៏ផ្ទុយទាំងស្រុងពីការប្ដេជ្ញាចិត្តរបស់តួកគី ក្នុងនាមជាសមាជិកណាតូ( NATO) ដែលនេះតម្រូវជាចាំបាច់ឱ្យតួកគីបោះបង់ចោល និងកុំប្រើប្រាស់ប្រព័ន្ធមីស៊ីល S-400 ឱ្យសោះ។
គួរបញ្ជាក់ដែរថាទាក់៍ទងនិងបញ្ហាទួគីទិញកាំជ្រួច S-400 លោក ចូ បៃដិន ប្រធានាធិបតីអាមេរិក ធ្លាប់បានសន្យាថា លោកនឹងប្រកាន់ជំហរតឹងរ៉ឹងបំផុតចំពោះប្រធានាធិបតីតួកគី លោក អឺដូហ្គាន់ ដោយមិនធ្វើដូច អតីតប្រធានាធិបតីលោក ដូណាល់ ត្រាំ ឡើយ៕