វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 948 នាក់
ម្សិលមិញ 10264 នាក់
សរុប 14140130 នាក់
សៀមរាប៖ តុលាការខេត្តសៀមរាប នៅល្ងាចថ្ងៃទី១ ខែកុម្ភៈ ឆ្នាំ២០២១ បានប្រកាសសាលក្រមផ្តន្ទាទោស លោក ហៀក ចាន់លាង អភិបាលរងខណ្ឌ៧មករា រយៈពេល៦ខែពាក់ពន្ធ័រឿងផិតក្បត់ តែទោសនេះត្រូវព្យួរ ។
ករណីយ៍នេះបានកើតឡើង នៅវេលាម៉ោង ២៣:៣០នាទី ថ្ងៃទី៣០ ខែមករា ឆ្នាំ២០២១ ដោយកម្លាំងការិយាល័យប្រឆាំងការជួញដូរមនុស្ស និងការពារអនីតិជនខេត្តសៀមរាប ចុះដល់បន្ទប់ ខុនដូ មួយកន្លែងង ស្ថិតនៅភូមិគ្រួស សង្កាត់ស្វាយដង្គំ ក្រុងសៀមរាប ខេត្តសៀមរាបហើយបានឃើញ ឈ្មោះ ហេង បូឡែន ភេទស្រី អាយុ២៥ឆ្នាំ រស់នៅសង្កាត់បឹងទំពុន ខណ្ឌមានជ័យ រាជធានីភ្នំពេញ និង លោក ហៀក ចាន់លាង អាយុ៤២ឆ្នាំ ជាអភិបាលរងខណ្ឌ៧មករា កំពុងនៅក្នុងបន្ទប់ជាមួយគ្នា។
កម្លាំងកងរាជអាវុធហត្ថខេត្តសៀមរាប បានធ្វើការនាំខ្លួនបុរស និងស្ត្រីទាំង២នាក់ទៅការិយាល័យជំនាញ ដើម្បីសាកសួរពាក់ព័ន្ធអំពើផិតក្បត់។ លោកព្រះរាជអាជ្ញាអមសាលាដំបូងខេត្តសៀមរាប សម្រេចធ្វើការឃាត់ខ្លួន លោក ហៀក ចាន់លាង កសាងសំណុំរឿងបញ្ជូនទៅអយ្យការអមសាលាដំបូងខេត្តសៀមរាប។ ចំណែកឈ្មោះ ហេង បូឡែន ត្រូវបានអនុញ្ញាតឱ្យត្រឡប់ទៅផ្ទះវិញ។
ពាក់ព័ន្ធអំពើផិតក្បត់ ដោយសារតែមានពាក្យបណ្តឹងពីជនរងគ្រោះ អាយុ៤១ឆ្នាំ ជាមន្ត្រីរាជការ មានទីលំនៅភូមិបឹងឈូក សង្កាត់និរោធ ខណ្ឌច្បារអំពៅ ត្រូវជាប្រពន្ធស្របច្បាប់របស់ លោក ហៀក ចាន់លាង។តែប៉ុនណឹងលោកហៀកចាន់លាងចប់ពីតួនាទីជាអភិបាលរងខណ្ឌ៧មករាបាត់ព្រោះតើក្រសួងមហាផ្ទៃសុខចិត្តឲ្យមន្ត្រីជាប់ទោសបន្តធ្វើការជាអភិបាលរងទៀតដែរ?។ឯលោកហៀកចាន់លាងអាចរស់នៅជាមួយប្រពន្ធដើមបានទៀតអត់ដែលធវើឲ្យខ្លួនអាម៉ាស់បែបនេះ?។