ថៃយល់ព្រមដោះលែងឈើ្លយសឹកខ្មែរ២០នាក់សម្តេចធិបតីបកស្រាយពីករណីយ៍លាក់ពត៍មាន
11-February-2026 / ផ្សេងៗ
ភ្នំពេញ៖ករណីយ៍ឈ្លើយសឹកខ្មែរ២០នាក់អ្នកនាំពាក្យកងទ័ពថៃ បានបញ្ជាក់ឱ្យដឹងថា ឧត្តមសេនីយឯក Boonsin Padklang មេទ័ពភូមិភាគ២ថៃ បានបំភ្លឺជូនអគ្គមេបញ្ជាការកងទ័ពម៉ាឡេស៊ីរួចហើយនៅក្នុងកិច្ចប្រជុំកាលពីថ្ងៃទី២៩ ខែកក្កដា ថា កងទ័ពថៃ នឹងគោរពតាមលក្ខខណ្ឌច្បាប់អន្តរជាតិ និងពន្លឿនការធ្វើមាតុភូមិនិវត្តន៍របស់ទាហានកម្ពុជា នៅពេលដំណើរការផ្លូវច្បាប់បានបញ្ចប់។
ប៉ុន្តែ អ្នកនាំពាក្យកងទ័ពថៃ មិនបញ្ជាក់ទាល់តែសោះ តើត្រូវចំណាយពេលប៉ុន្មានទៅ ទើបដំណើរការផ្លូវច្បាប់បានត្រូវបញ្ចប់ ហើយបញ្ជូនទាហានកម្ពុជាមកវិញ។ទោះបីយ៉ាងណាពត៍មានចុងក្រោយបានឲ្យដឹងថាទហ៊ានថៃបានប្តូរជំហរគឺយលព្រមបញ្ជូនឈ្លើយសឹកខ្មែរទាំង២០មកវិញនៅព្រឹកថ្ងៃទី១សីហានៅច្រកព្រុំដេនចុងចមអូរស្មាច់។នេះបើតាមកាសែតថៃខាវសុត។
ទាក់ទងរៀតថៃជាប់ទាហ៊ានខ្មែរហើយត្រូវបានអ្នកនាំពាក្យក្រសួងការពារជាតិបដិសេធសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជានៅព្រឹកថ្ងៃទី៣១កក្កដាបានលើកឡើងតាមហ្វេសប៊ុកថា៖ "មានការចោទសួរហេតុអ្វីបានជារាជរដ្ឋាភិបាលកម្ពុជាមិនបញ្ចេញព័ត៌មានភ្លាមពាក់ព័ន្ធនឹងកងកម្លាំងរបស់កម្ពុជាដែលត្រូវបានកងទ័ពថៃចាប់ខ្លួន ក្រោយពីមានបទឈប់បាញ់នោះ? តើរាជរដ្ឋាភិបាលមិនគិតគូរពីអាយុជីវិតរបស់ពួកគេឬទេ?
ខ្ញុំសូមបញ្ជាក់ថា ចាប់តាំងពីការប្រយុទ្ធគ្នាបានផ្ទុះឡើងនៅថ្ងៃទី២៤ ខែកក្កដា ឆ្នាំ២០២៥ ការយកចិត្តទុកដាក់ចំពោះអាយុជីវិតរបស់កងកម្លាំងរបស់យើង ក៏ដូចជារបស់ប្រជាពលរដ្ឋខ្មែរដែលរស់នៅក្នុងតំបន់ប្រយុទ្ធគ្នា គឺជាអាទិភាពធំបំផុតរបស់រាជរដ្ឋាភិបាល។ហេតុដូច្នេះហើយបានជារាជរដ្ឋាភិបាលខិតខំធ្វើយ៉ាងណាដើម្បីឲ្យមានបទឈប់បាញ់ឱ្យបានឆាប់ជាទីបំផុត។
ករណីនេះសម្តេចបញ្ជាក់:នៅក្នុងនោះ ការគ្រប់គ្រងព័ត៌មានកងទ័ពនៅលើសមរភូមិ គឺមានសារៈសំខាន់ណាស់សម្រាប់ការពារអាយុជីវិតនិងប្រៀបឈ្នះរបស់កងទ័ពរបស់យើង។ចំពោះករណីចាប់ខ្លួនយុទ្ធជនយើង ដែលមកដល់ពេលនេះយើងនៅរង់ចាំភាគីថៃបញ្ជូនត្រឡប់មកកម្ពុជាវិញនោះ ជីវិតរបស់ពួកគាត់គឺជាអាទិភាពចម្បងបំផុតរបស់រាជរដ្ឋាភិបាលតាំងពីពេលវេលាដែលពួកគេត្រូវចាប់ខ្លួន។នៅក្នុងដំណាក់កាលដំបូង ដែលមិនទាន់មានព័ត៌មានច្បាស់លាស់អំពីជោគវាសនារបស់ពួកគេនោះ ការគ្រប់គ្រងព័ត៌មានសំខាន់ណាស់ ព្រោះការបញ្ចេញព័ត៌មានមួយចំនួនអាចនឹងនាំគ្រោះថ្នាក់ដល់ជីវិតរបស់ពួកគាត់ ឬក៏អាចបង្កឲ្យមានភាពស្មុគស្មាញកាន់តែខ្លាំងនៅក្នុងការចរចាសម្រាប់ការដោះលែងពួកគាត់ត្រឡប់មកវិញ។
ហេតុដូច្នេះ រវាងជម្រើសក្នុងការផ្សពផ្សាយព័ត៌មានឲ្យសាធារណៈជនបានដឹង និងជម្រើសក្នុងការរក្សាព័ត៌មានដើម្បីធានាអាយុជីវិតរបស់ពួកគាត់នៅក្នុងដំណាក់កាលដំបូងដែលមានភាពមិនច្បាស់លាស់នោះ គឺរាជរដ្ឋាភិបាលគ្មានជម្រើសអ្វីក្រៅពីការគ្រប់គ្រងព័ត៌មានអោយបានល្អ និងបើកការចរចាទាមទារពួកគេមកវិញឲ្យបានឆាប់រហ័សនោះទេ។ មិនមែនរាជរដ្ឋាភិបាលលាក់ព័ត៌មានមិនចង់អោយប្រជាពលរដ្ឋដឹង ឬមិនគិតពីអាយុជីវិតរបស់កងកម្លាំងយើង ដូចមជ្ឈដ្ឋានមួយចំនួនបានចោទប្រកាន់នោះទេ។
សូមបញ្ជាក់ថាបន្ទាប់ពីមានសេចក្តីរាយការណ៍ពីអ្នកសារពត៍មានករណីទាហ៊ានថៃប្រើល្បិចចាប់ទាហ៊ានខ្មែរនៅជាំតែកាលពីព្រឹកថ្ងៃទី២៩កក្កដាបន្ទាប់បទឈប់បាញ់ចូលជាធរមានលោកស្រីឧត្តមសេនីយ៍ម៉ាលីសុជាតាអ្នកនាំពាក្យក្រសួងការពារជាតិបានបដិសេធនិងថ្កោលទោសការរាយការណ៍រប់ស់អ្នកកាសែតថែមទៀត។ការពិតក្នុងនាមអ្នកកាសែតទទូលស្គាល់ពីការលាក់ការសម្រាប់ការងារយោធាតែបញ្ហាមកពីលោកស្រីសុជាតាមិនមានសិល្ប:ក្នុងការបកស្រាយ។លោកស្រីអាចបដិសេធរបៀប៥០_៥០ដោយនិយាយថាមិនទាន់ទទួលបានពត៍មានច្បាស់លាស់ហើយអាចនិយាយបំរុងថាបើវាជាការពិតយើងសុំថ្កោលទោសនិងឲ្យថៃគោរពអនុសញ្ញាក្រុងហ្សឺណែវ១៩៤៩ពីបញ្ហាឈ្លើយសឹកគឺមិនត្រូវធ្វើទារុណកម្ម!។
ទោះជាយ៉ាងណាករណីលាក់ពត៍មានសម្តេចធិបតីបញ្ជាក់ថា:ខ្ញុំសូមបញ្ជាក់ថា ថ្នាក់ដឹកនាំកងទ័ពរបស់យើងបានទាក់ទងទៅភាគីថៃដើម្បីស្នើសុំឲ្យមានការដោះលែងកម្លាំងរបស់យើងភ្លាមៗតាំងពីពេលកើតហេតុ។រដ្ឋមន្ត្រីក្រសួងការពារជាតិ មេបញ្ជាការយោធភូមិភាគទី៤របស់កម្ពុជាបានទាក់ទងជាប្រចាំ ជាមួយសមភាគីថៃ ដើម្បីស្នើឲ្យមានការដោះលែងយោធិនយើងត្រឡប់មកវិញឲ្យបានឆាប់ជាទីបំផុត។ បន្ថែមលើនោះ អគ្គមេបញ្ជាការកងទ័ពកម្ពុជា ក៏បានស្នើសុំការជួយអន្តរាគមន៍ពីអគ្គមេបញ្ជាការកងទ័ពម៉ាឡេស៊ី ក្នុងនាមគាត់ជាអ្នកសម្របសម្រួលនិងតាមដាននៃបទឈប់បាញ់ ដើម្បីស្នើទៅអគ្គបញ្ជាការកងទ័ពថៃ អោយជួយជំរុញការដោះលែងឲ្យបានឆាប់ផងដែរ។
ខ្ញុំសង្ឃឹមថាកងទ័ពថៃនិងធ្វើការបញ្ជូនយោធិនរបស់យើងទាំងអស់ ដែលកំពុងស្ថិតនៅក្នុងការគ្រប់គ្រងរបស់កងទ័ពថៃ ឲ្យពួកគេបានវិលត្រឡប់មកប្រទេសកម្ពុជាឆាប់រហ័សជាទីបំផុត"។
បន្ទាប់ពីពត៍មានត្រុវបានទម្លាយដោយមេសឹករងយោធាខេត្តព្រះវិហ៊ារជូនក្រុមសេនានុពន្ធ័យោធានិងអង្គទូតដែលចុះទៅសង្កេតការណ៍ពីបទឈប់បាញ់កាលពីថ្ងៃទី៣០កក្កដារួចមកនៅថ្ងៃទី ថ្ងៃព្រហស្បតិ៍ ទី៣១ ខែកក្កដា ឆ្នាំ២០២៥ នេះ លោកស្រីឧត្តមសេនីយ៍ឯក ម៉ាលី សុជាតា អ្នកនាំពាក្យក្រសួងការពារជាតិ បានលើកឡើងថា ចំណាប់ខ្មាំងកម្ពុជាទាំង២១នាក់ ដែលថៃបានចាប់យកទៅ កាលពីថ្ងៃទី២៩ ខែកក្កដា ឆ្នាំ២០២៥ នៅវេលាម៉ោង ៧:៥០ព្រឹក ក្រោយបទឈប់បាញ់ចូលជាធរមាន មកទល់ពេលនេះកម្ពុជាទទួលបានសព១រូប។ រីឯកងកម្លាំងចំនួន ២០រូបផ្សេងទៀត រាជរដ្ឋាភិបាលបាននិងកំពុងចចារ ធ្វើយ៉ាងណាឲ្យពួកគេអាចត្រលប់មកកម្ពុជាវិញបានឆាប់បំផុត និងដោយសុខសុវត្ថិភាព។
លោកជំទាវអ្នកនាំពាក្យបានលើកឡើងថា «ពាក់ព័ន្ធនឹងកម្លាំងរបស់កម្ពុជាចំនួន២០រូប ដែលស្ថិតនៅក្រោមការគ្រប់គ្រងរបស់ភាគីថៃ មកទល់ពេលនេះយើងបានទទួលសពមួយរូប និង២០រូបទៀតដែលនឹងត្រូវបញ្ជូនត្រលប់មកវិញ។ អ្វីដែលជាគោលដៅសំខាន់បំផុតរបស់យើង គឺនៅតែបន្តការពារទឹកដី និងការពារអាយុជីវិតរបស់ប្រជាពលរដ្ឋរបស់យើង និងការពារសន្តិភាពដោយមិនអនុញ្ញាតឱ្យសង្គ្រាមកើតឡើងទៀតនោះទេ ដូចដែលអ្វើដែលយើងបាននិងកំពុងខិតខំប្រឹងប្រែងធ្វើបច្ចុប្បន្ន»។
លោកស្រី ម៉ាលី សុជាតា បានស្នើឲ្យសាធារណជនជឿជាក់លើចំណាត់ការរបស់រាជរដ្ឋាភិបាលកម្ពុជាក្នុងការដោះស្រាយបញ្ហានេះ ដោយលោកជំទាវបានគូសបញ្ជាក់ថា «នាងខ្ញុំសូមអំពាវនាវឱ្យបងប្អូនប្រជាពលរដ្ឋរបស់យើង និងកងកម្លាំងរបស់យើង មានលំនឹងចិត្តថា រាជរដ្ឋាភិបាល ថ្នាក់ដឹកនាំក្រសួងការពារជាតិ និងកងយោធពលខេមរភូមិន្ទរបស់យើង មិនដែលលះបង់កងទ័ពរបស់យើងណាម្នាក់នោះឡើយ ទោះក្នុងកាលៈទេសៈណាក៏ដោយ។ […] សូមប្រជាពលរដ្ឋមេត្តាជឿទុកចិត្តលើរាជរដ្ឋាភិបាល និងកងកម្លាំងរបស់យើង ដែលកំពុងឈរជើងការពារទឹកដីយ៉ាងមុះមុតក្លាហាន ប្រកបដោយស្មារតីស្នេហាជាតិដ៏ជ្រាលជ្រៅបំផុត។ យើងនឹងបន្តចរចាឱ្យអស់ពីលទ្ធភាពដើម្បីយកបងប្អូនរបស់យើងត្រលប់មកវិញឱ្យបានឆាប់បំផុត និងដោយសុវត្ថិភាព»។
