ជួបគ្នាតេជោអះអាងរឿងគ្មានទព័បរទេសទូតអាមេរិកស្នើសុំឲ្យលែងលោកកឹមសុខា !
11-February-2026 / ផ្សេងៗ
ភ្នំពេញ៖រឿងវត្តមានយោធាបរទេសការវិនិយោគពីបរទេសការបង្រួបបង្រួមជាតិផ្សះផ្សារជាតិត្រូវបានលើកឡើងក្ន្ងងជំនួបលាសម្តេចតេជោ ហ៊ុន សែនពី ឯកអគ្គរដ្ឋទូតអាមេរិកចប់អាណត្តិលោកវិលៀមហឹដនាព្រឹកថ្ងៃទី២០វិច្ឆិកានាវិមានសន្តិភាព។
លោកវីលៀមហេដ( William A. Heidt )ឯកអគ្គរដ្ឋទូតអាមេរិកបានរំលឹកថាក្នុងរយៈពេលបំពេញបេសកកម្មជា ឯអគ្គរដ្ឋទូតប្រចាំនៅកម្ពុជា៣ឆ្នាំលោកបានខិតខំជំរុញធ្វើយ៉ាងណាពង្រឹងកិច្ចប្រតិបត្តិការទ្វេភាគីនៃប្រទេសទាំងពីរធ្វើឲ្យមានការរីកចម្រើន ហើយមានចំណុចពិសេសជាច្រើនដែល។ លោកអគ្គរដ្ឋទូតសហរដ្ឋអាមេរិក បាននិយាយាពីការសង្កេតឃើញពីការរីកចម្រើនជាពិសេស លើវិស័យមួយចំនួននៅប្រទេសកម្ពុជា ដូចជាវិស័យបរិស្ថាន វិស័យសេដ្ឋកិច្ច និងការនាំចេញពីកម្ពុជា ទៅកាន់ទីផ្សារសហរដ្ឋអាមេរិកផងដែរ ។
លោកឯអគ្គរដ្ឋទូតអាមេរិកមានប្រសាសន៍ថា ទោះបីកន្លង មកមានការអាក់ខានក៏ប៉ុន្តែយើងបានប្រាស្រ័យទាក់ទងគ្នាល្អប្រសើរឡើងវិញនូវការស្វែងរក MIA និងការធ្វើមាតុភូមិនិវត្តន៍ប្រជាជនកម្ពុជា ពីសហរដ្ឋអាមេរិកមកកាន់ទឹកដីរបស់កម្ពុជា។ ជាមួយនិងការចង់ឃើញការបង្រួបបង្រួមជាតិផ្សះផ្សារជាតិទូតអាមេរិកក៏បានស្នើឲ្យមានការដោះលែងលោកកឹមសុខាបញ្ហាអ្នកជាប់បំរាមហាមថ្វើនយោបាយ១១៨នាក់ផងដែរ(ប្រភពស្ថានទូត)។
សម្ដេចតេជោ ហ៊ុន សែន នាយករដ្ឋមន្ត្រីបញ្ជាក់ជាថ្មីទៀតថា កម្ពុជាមិនអនុញ្ញាតឱ្យមានវត្តមានមូលដ្ឋានទ័ពបរទេសនៅកម្ពុជានោះទេមិនថាប្រទេសណានោះឡើយ កុំឲ្យសហរដ្ឋអាមេរិកមានការងឿងឆ្ងល់និងព្រួយបារម្ភ។សម្តេចបានផ្ញើលិខិតមួយច្បាប់រួចរាល់ហើយទៅកាន់ លោក Mike Pence អនុប្រធានាធិបតីសហរដ្ឋអាមេរិករួចហើយ។ សម្តេចតេជោនាយករដ្ឋមន្ត្រីបានមានប្រសាសន៍ថា កន្លងមកកម្ពុជាក៏ធ្វើការជាមួយនឹងបណ្តាប្រទេស ផ្សេងៗរួមទាំងការធ្វើសមយុទ្ធយោធាជាមួយសហរដ្ឋអាមេរិក, ចិន ,ឥណ្ឌា,ជប៉ុន ជាដើម ពិសេសបានធ្វើឡើងលើសពីទ្វេភាគីទៅទៀត ក្នុងគោលដៅដើម្បីក៏សាងជំនឿ និងបទពិសោធន៍ ជាពិសេសឆ្លើយតបទៅនឹងគ្រោះមហន្តរាយផ្សេងៗ។
អ្វីដែលសំខាន់ សម្ដេចតេជោនាយករដ្ឋមន្ត្រី បានស្នើឲ្យមានការសន្ទនារវាងប្រទេសទាំងពីរដើម្បីធ្វើយ៉ាងណាឱ្យមានការយល់គ្នាក្នុងការរក្សានូវទំនាក់ទំនងគ្នាឲ្យកាន់តែប្រសើរឡើងថែមទៀត។ សម្តេចតេជោ ក៏បានរលឹក ពីអតីតកាល ដែលមានកងទ័ពមួយខៀវមកលើទឹកដីកម្ពុជាដែលបណ្តាលឲ្យមានបញ្ហាជាច្រើនដូចជា ការចម្លងមេរោគ HIV នៅលើទឹកដីកម្ពុជាជាដើម។សម្តេតេជោនាយករដ្ឋមន្ត្រី បានមានប្រសាសន៍ថា អ្វីដែលកម្ពុជាចាប់អារម្មណ៍គឺកម្ពុជាចង់ឲ្យប្រទេស ដែលចូលរួមក្នុងការកសាងអភិវឌ្ឍន៍កម្ពុជា មានគម្រោងចូលរួមផ្សេងៗដូចជាការកសាង ផ្លូវថ្នល់ ស្ពាន ជាដើម។
លោកឯអគ្គរដ្ឋទូតសហរដ្ឋអាមេរិក ក៏បានគូសបញ្ជាក់ដែរថាក្នុងរយៈពេល ៣ ឆ្នាំដែលលោកបានបំពេញការងារកន្លងមកនៅកម្ពុជាលោកបានរៀនសូត្រជាច្រើននិងបានឃើញពីការរីកចម្រើនរបស់កម្ពុជាកន្លងមកលោកឯអគ្គរដ្ឋទូតក៏បានខិតខំធ្វើយ៉ាងណាជំរុញឲ្យទីក្រុង Washington យល់អំពីកម្ពុជាឲ្យបានច្រើន។
សម្តេចតេជោនាយករដ្ឋមន្ត្រី បានគូសបញ្ជាក់ថា កម្ពុជាចង់បានទំនាក់ទំនងល្អជាមួយប្រទេស ទាំងឡាយរួមទាំងសហរដ្ឋអាមេរិកផងដែរ។សម្ដេចតេជោ ហ៊ុន សែន បានបញ្ជាក់ថាសម្ដេចស្វាគមន៍រាល់ការវិនិយោគ ពីបណ្ដាប្រទេសទាំងអស់មិនថាប្រទេសចិន, ជប៉ុន ឬ សហរដ្ឋអាមេរិកជាដើមអាចមកធ្វើការ វិនិយោគនៅកម្ពុជានិងបញ្ជាក់ថាសម្ដេចមិនអនុញ្ញាត្តិឲ្យមានឥទ្ធិពលបរទេសនៅលើទឹកដីរបស់កម្ពុជាឡើយ៕
