វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5976 នាក់
ម្សិលមិញ 6001 នាក់
សរុប 13878806 នាក់
ភ្នំពេញ៖ លោក គុណ ញឹម ប្រតិភូរាជរដ្ឋាភិបាលកម្ពុជា ទទួលបន្ទុក ជាអគ្គនាយក នៃអគ្គនាយកដ្ឋានគយនិងរដ្ឋាករកម្ពុជា ត្រូវបានមន្ត្រីក្រោមឱវាទ លើកឡើងថា គាត់នឹងត្រូវចូលនិវត្តន៍នៅថ្ងៃទី២៥ ខែមករា ឆ្នាំ២០២១បើយោងតាមថ្ងៃកំណើតទី២៥ ខែមករា ឆ្នាំ១៩៦១និងច្បាប់ ។
ច្បាប់ស្តីពី សហលក្ខន្តិកៈមន្ត្រីរាជការស៊ីវិលបានកំណត់ថា មន្ត្រីមុខងារ តួនាទីឋានៈត្រឹមអគ្គនាយកដ្ឋានចុះ គឺច្បាប់តម្រូវឲ្យដាក់មន្ត្រីទាំងនោះ ត្រូវចូលនិវត្តន៍ក្នុងអាយុ ៦០ឆ្នាំ ។ ប៉ុន្តែខាងក្រសួងសេដ្ឋកិច្ចនិងហិរញ្ញវត្ថុ ដែលមានរដ្ឋមន្ត្រីជាំអ្នកកែទម្រង់និងមានមុខសញ្ញាបេក្ខភាពនាយករដ្ឋមន្ត្រីមិនទាន់បង្ហាញអំពីដំណឹង ឬឯកសារណាមួយថា លោក គុណញឹម នឹងត្រូវចូលនិវត្តន៍តាមអាយុកំណត់នោះនៅឡើយទេ។
លោក គុណ ញឹម ឡើងកាន់តំណែងជាអគ្គនាយកគយនិងរដ្ឋាករកម្ពុជារយៈពេល ៦ឆ្នាំតែ គាត់មានទ្រព្យសម្បត្តិដ៏ច្រើន ដែលទទួលបានការកោតស្ញប់ស្ញែង។ ប្រជាពលរដ្ឋ អ្នករស់នៅជិតខាង មិត្តភក្កិ និងមន្ត្រីរាជការក្រោមឱវាទ ឆ្ងល់ថាគាត់រកស៊ីស្អីបានគាត់មានប្រភពចំណូលសម្បើមម្លេះ?។ព្រោះថា អតីតកាលគាត់មានត្រឹមតែឡានប៉ាសេរ៉ូ មួយគ្រឿងប៉ុណ្ណោះ និងផ្ទះនៅតំបន់ទួលទំពូងត្រឹមដីប្លង់សង់លំនៅដ្ឋាន ។ប៉ុន្តែបច្ចុប្បន្នគាត់បានទិញដីចំនួន ២ឡូតិ៍បន្ថែមទៀត សង់ជាខុនដូយ៉ាងធំសម្រាប់ជាជម្រក នឹងធ្វើអាជីវកម្មជួល។ នាពេលថ្មីៗកន្លងទៅនេះលោកគន់ញឺម រកថវិកាទិញបានផ្ទះវីឡាចំនួន ២បន្ថែមទៀតនៅក្នុងបុរីអរគីដេ ។ លោកអគ្គនាយកគុណ ញឹម ត្រូវគេរាយការណ៍ថាលោកបានចូលសញ្ជាតិអូស្ត្រាលីក្នុងពេលភរិយារបស់គាត់និងកូនៗ ក៏ទៅរស់នៅប្រទេសអូស្ត្រាលីផងដែរ។
នៅព្រឹកថ្ងៃទី២៦ ខែមករា ឆ្នាំ២០២១ អង្គភាព មាតុភូមិ មិនអាចទាក់ទងសុំការបំភ្លឺពីលោក គុណ ញឹម ប្រតិភូរាជរដ្ឋាភិបាលទទួលបន្ទុកជាអគ្គនាយកគយនិងរដ្ឋាករកម្ពុជាបាននៅឡើយទេ ។សង្ឃឹមថា ក្រសួងសេដ្ឋកិច្ចនិងហិរញ្ញវត្ថុ ឬក្រសួងមុខងារសាធារណៈនឹងបកស្រាយពីច្បាប់សហលក្ខន្តិកៈនៃមន្ត្រីរាជការស៊ីវិលលើ ករណីយ៍លោក គុណ ញឹមចូលនិវត្តន៍ឬមិនចូលនិវត្តន៍បានសមស្របតាមយុទ្ធសាស្ត្រចតុកោណដំណាក់កាលទី៤និងកំណែទម្រង់រដ្ឋបាលសាធាណៈជាមិនខាន៕