មិត្តទ្រុសមិត្តឃុបឃឹតគ្នាសម្លាប់សុគ្រាជវត្តចេតីយ៍ថ្មីកេងយកទ្រព្យត្រូវចាប់បាន!
22-August-2024 / សន្តិសុខសង្គម
ខេត្តកណ្តាល៖សមត្តកិច្ចស្រាវជ្រាវចាប់បានហើយឃាតកធ្វើគតចៅអធិការវត្តចេតីយថ្មី ស្ថិតនៅឃុំវិហារលួង ស្រុកពញាឮ ខេត្តកណ្ដាលកាលពីថ្ងៃទី២០ធ្នូកន្លងទៅនេះ ។
ជនរងគ្រោះ០១អង្គជាចៅអធិការវត្តព្រះនាម ភោគ ធារិទ្ធ(ហៅតាតឿតាតុប)ព្រះជន្ម៥៣វស្សាចៅអធិការវត្តចេតិយថ្មី ភូមិចេតិយថ្មី ឃុំវិហារលួង ស្រុកពញាឮ ខេត្តកណ្តាល។ជនសង្ស័យនិងបក្ខពួករួមគ្នាធ្វើឃាតមាន៖
១.ឈ្មោះ ឡៅ ទ្រី ហៅ ឃាង ភេទប្រុស អាយុ៥១ឆ្នាំ មុខរបរ ពុះដីឡូត៍លក់ មានទីលំនៅភូមិផ្សារដែក ឃុំផ្សារដែក ស្រុកពញាឮ ខេត្តកណ្ដាល(ឃាត់ខ្លួន)។
២.ឈ្មោះ ស្រេង ស្រ៊ុន ភេទប្រុស អាយុ៥៧ឆ្នាំ មុខរបរមិនពិតប្រាកដ មានទីលំនៅភូមិប្រក់ក្តា ឃុំវិហារ
លួង ស្រុកពញាឮ ខេត្តកណ្ដាល(គេចខ្លួន)។វត្ថុតាងចាប់យក៖ខ្សែនីឡុងពណ៌ស (ខ្សែកន្ទុយកណ្តុរ) ទំហំ០,៥មីលីម៉ែត្រ និងប្រវែងវាស់១ជុំ (ក) ប្រវែង៣០សង់ទីម៉ែត្រ។
សមត្ថកិច្ចឲ្យដឹងថានៅវេលាម៉ោងនាព្រឹកកើតហេតុខាងលើ លោកយាយ ឈ្មោះ ប៉ិច សារឿន ហៅយាយប៉ុកអាយុ៦៧ឆ្នាំ ជាអ្នកដាំស្ល កាច់បាយសី រស់នៅ សម្រាកក្នុងវត្ត បានទៅ និមន្តព្រះសង្ឈខាងលើពីក្នុងកុដិឲ្យទៅឆាន់ចង្ហាន់ព្រឹក។ ពេលទៅដល់មុខកុដិ បានស្រែកហៅ ប៉ុន្តែមិនឮ សម្លេងលោកឆ្លើយ ក៏ត្រឡប់មកវិញ ហៅលោកយាយ ម្នាក់ទៀត ឈ្មោះ ធ្លក យន អាយុ ៧០ឆ្នាំ ឲ្យទៅជួយហៅលោក និងបានគោះទ្វារ រួចរុញទ្វារចូលក្នុងកុដិ ក៏បានឃើញលោកចៅអធិការវត្ត សឹងសុគត នៅលើគ្រែ និងមានភួយពណ៌ លឿងគ្របពីលើព្រះកេស ដល់ចុងជើងហើយ លោកយាយ បាននាំគ្នា ផ្អើលឆោឡោ ទូលដល់ លោកគ្រូសូត្រស្ដាំ ព្រះនាម ឈួន សាវន និងបានទូងស្គរ ហៅពុទ្ធបរិសទ្ធ ឲ្យមកជួយពិនិត្យមើល។
ករណីនេះកម្លាំងនគរបាលប៉ុស្តិ៍ ស្រុកនិងក្រសួងបានស្រាវជ្រាវ រកជនសង្ស័យ និងឈានទៅដល់កំណត់បានមុខសញ្ញាសង្ស័យ ឈ្មោះ ឡៅ ទ្រី ហៅ ឃាង មកសាកសួរ។ចម្លើយសារភាព របស់ជនសង្ស័យ ឲ្យដឹងថា៖ នៅថ្ងៃមិនចាំ ខែតុលា ឆ្នាំ២០២០ វេលា ម៉ោងប្រហែល១១ថ្ងៃត្រង់ ឈ្មោះ ស្រេង ស្រ៊ុន បានទូរស័ព្ទមកជនសង្ស័យឈ្មោះ ឡៅ ទ្រី ហៅ ឃាង ណាត់ជួបគ្នា នៅហាង ម្លប់ស្វាយ ជិតផ្លូវចូល ប៉ុស្តិ៍នគរបាលរដ្ឋបាល វិហារលួង ពេលជួបគ្នាជនសង្ស័យ បាននិយាយរឿង ឈ្លោះគ្នា ជាមួយលោកចៅអធិការវត្តចេតតីយ ថ្មី ហើយសួររក អ្នកស្មាត់ ឈ្មោះ ស្រេង ស្រ៊ុន ថា៖ រឿងហ្នឹងកុំភ័យឲ្យតែលុយមក ឈ្មោះឡៅ ទ្រីឃាង សួរថាប៉ុន្មាន?
ឈ្មោះស្រេង ស្រ៊ុនឆ្លើយថា៖ ៧.០០០ដុល្លារ ឈ្មោះ ឡៅ ទ្រី ហៅ ឃាង ក៏យល់ព្រម។រំលងបានប្រហែល២០ថ្ងៃក្រោយមក វេលាម៉ោងប្រហែល៤រសៀល ឈ្មោះស្រេង ស្រ៊ុន បានទូរស័ព្ទហៅឈ្មោះឡៅ ទ្រី ហៅ ឃាង មកជួប នៅហាងម្លប់ត្នោត ដោយប្រាប់ថា១០.០០០ដុល្លារបានធ្វើកើតព្រោះគ្នា៣ នាក់ បានធ្វើឈ្នះ ឈ្មោះ ឡៅ ទ្រី ហៅ ឃាងបានយល់ព្រម ហើយបានប្រគល់លុយឲ្យមុន ៣.០០០ដុល្លារ រួចក៏ បែកគ្នា ចេញមកមុន។
លុះមកដល់ថ្ងៃទី១៩ ខែធ្នូ ឆ្នាំ២០២០ វេលាម៉ោង១៨.៤០នាទី ឈ្មោះស្រេង ស្រ៊ុន បានទូរស័ព្ទ មកប្រាប់ថា៖ ប្លង់រឹង(ភាសាសំងាត់ធ្វើសកម្មភាព)រួចហើយ ជនសង្ស័យ ឈ្មោះ ឡៅ ទ្រី ហៅ ឃាង ថា៖ធ្វើរួចក៏រួចទៅ។ដល់ម៉ោងប្រហែល១០យប់ថ្ងៃដដែល ឈ្មោះ ស្រេង ស្រ៊ុន បាន ឆាតតាមTelegram ថា៖ បានសម្លាប់ លោកហើយដោយរឹតកលោក រួចលើកដាក់លើគ្រែចងរឹតក បន្ថែម រួចគ្របភួយ ពេលនោះ ឈ្មោះ ស្រេង ស្រ៊ុន ទារលុយបង្គ្រប់ ឈ្មោះ ឡៅ ទ្រី ហៅ ឃាងថា៖ចាំស្អែកទៅ។
លុះស្អែកឡើងវេលាម៉ោង១០.៣០នាទី ឈ្មោះ ឡៅ ទ្រី ហៅ ឃាង ជាជនសង្ស័យ បានបើកឡាន ម៉ាកព្រុស យកលុយទៅ ឲ្យឈ្មោះស្រេង ស្រ៊ុន នៅជិតរោងចក្រ ស្រែចិន្តា ពេលទៅ ដល់ឃើញឈ្មោះ ស្រេង ស្រ៊ុន ជិះម៉ូតូម៉ាក វ៉េវអាល់ហ្វាអត់ផ្លាកលេខចាំនៅ ទីនោះ ហើយក៏ហុចលុយ៧.០០០ដុល្លារ តាមកញ្ចក់ឡាន ឲ្យទៅឈ្មោះ ស្រេង ស្រ៊ុន រួច ឈ្មោះ ស្រេង ស្រ៊ុន បាន ប្រាប់ ឈ្មោះ ឡៅ ទ្រី វិញថា ៖ ពេលប៉ូលីសសួរ កុំឆ្លើយអ្វីទាំងអស់ និយាយ តែមិនដឹងៗទៅ ប៉ូលីសមិនអាចធ្វើអ្វីកើតទេ និងឲ្យលុបលេខទូរស័ព្ទ និងរូបពាក់ពន្ធ័ទាំងអស់ចោលរួចក៏បែកគ្នាទៅ។
មូលហេតុនៃការរៀបចំផែនការ សម្លាប់ជនរងគ្រោះ ព្រោះ ជនសង្ស័យ ឈ្មោះ ឡៅ ទ្រី ហៅ ឃាង បានយកផ្ទះ និង តូបផ្សារ នៅផ្សារម៉ាន់អាំង រាជធានីភ្នំពេញ និងដី២ឡូត៍នៅផ្សារត្រាច ខេត្តកំពង់ឆ្នាំង ដោយបានយកលុយពីលោក ចំនួន១១.៥០០ដុល្លារ ទៅសង់ផ្ទះ តែមិនបានសង់ទេ ព្រមទាំងយកទ្រព្យសម្បត្តិរបស់លោក ដែលជនរងគ្រោះ លោក ឲ្យឈ្មោះ ឡៅ ទ្រី ហៅ ឃាង ឈរឈ្មោះជំនួស យកទៅលក់អស់ និង មានព័ត៌មានឭថា៖ លោកជិតសឹកនៅដំណាច់ឆ្នាំនេះ ដើម្បីទៅឡើងផ្ទះនិងគ្រប់គ្រង ទាមទារទ្រព្យសម្បត្តិទាំងអស់របស់លោកមក វិញ ទើបរៀបចំ ផែនការសម្លាប់ ដើម្បី បំបិទមាត់ បានសម្រេចនៅថ្ងៃទី១៩ ខែធ្នូ នេះតែម្ដង ដើម្បីប្រមូល កាន់កាប់ លុយកាក់ ទ្រព្យសម្បត្តិរបស់លោកទាំងអស់។
សមត្ថកិច្ច បាននាំខ្លួន ជនសង្ស័យ មកកាន់ស្នងការដ្ឋាននគរបាលខេត្តកណ្ដាល ដើម្បីបន្តចាត់ការ តាមនីតិវិធី និងកំពុងបន្តតាមស្វែងមុខសញ្ញា និងបក្ខពួក រួមគំនិតសមគំនិត និង ជនដៃដល់ផ្សេងទៀតដែល ជាប់ពាក់ព័ន្ធយកមកផ្ដន្ទាទោសតាមច្បាប់៕
