វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1393 នាក់
ម្សិលមិញ 3717 នាក់
សរុប 14149726 នាក់
រាធានីភ្នំពេញ ៖ នារសៀលថ្ងៃទី២៦ ខែវិច្ឆិកា ឆ្នាំ២០២០សមត្តកិច្ចខណ្ឌដូនពេញ បានចុះបង្ក្រាបទីតាំងហាងម៉ាស្សាយីហោ ដាយម៉ិនម៉ាស្សា«Diamond Massage»ដោយសង្ស័យថាមានបង្កប់ការជួញដូរផ្លូវភេទ។ ការចុះបង្ក្រាបក្រោយពីមានការចែកចាយវីដេអូតាមបណ្ដាញសង្គមហ្វេសប៊ុកអំពីការបញ្ចុះតម្លៃដោយអះអាងថាហាងម៉ាស្សាលេខ១នៅភ្នំពេញ មានអារម្មណ៍ដូចនៅលើឋានសួគ៌បើបានចូលបង្កឲ្យមានការភ្ញាក់ផ្អើល។
ហាង«ដាយម៉ិនម៉ាស្សា» ដែលសមត្ថកិច្ចចុះបង្ក្រាបនេះ មានទីតាំងស្ថិតនៅផ្ទះលេខ 48c ផ្លូវលេខ ២២២ វិថីសម្តេចព្រះសង្ឃរាជ ទៀង សង្កាត់បឹងរាំង ខណ្ឌដូនពេញ រាជធានីភ្នំពេញ ។ កម្លាំងគណៈបញ្ជាការឯកភាពខណ្ឌដូនពេញ ដឹកនាំផ្ទាល់ដោយលោក សុខ ពេញវុធ អភិបាលខណ្ឌ សហការជាមួយមន្ទីរទេសចរណ៍ និងកម្លាំងនគរបាលការិយាល័យប្រឆាំងការជួញដូរមនុស្ស និងការពារអនីតិជន នៃស្នងការដ្ឋាននគរបាលរាជធានីភ្នំពេញ ក្រោមការសម្របសម្រួលពីតំណាងអយ្យការ បានចុះមកពិនិត្យស្ថានភាពជាក់ស្ដែ និងបិទទីតាំងម៉ាស្សាខាងលើនេះដែលមិនឃើញមានសកម្មភាពអ្វីទេតែបាន ឃាត់ខ្លួនបុរសម្នាក់ ដែលជាសន្ដិសុខ នាំទៅសួរនៅអធិការដ្ឋាននគរបាលខណ្ឌដូនពេញ ។
សេចក្តីរាយការណ៍បានអោយដឹងថា ចំពោះទីតាំងម៉ាស្សានេះ មិនអនុញ្ញាតអោយមានការបើកដំណើរការឡើយ ដោយយោងតាមការណែនាំរបស់ក្រសួងសុខាភិបាល ដើម្បីការពារជំងឺឆ្លង COVID-19 ទីតាំងនេះគឺត្រូវបានបិទជាយូរមកហើយ ប៉ុន្តែទីតាំងម៉ាស្សានេះ បើកលួចលាក់ ល្មើសនឹងបទបញ្ជារបស់អាជ្ញាធរ ។