វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3534 នាក់
ម្សិលមិញ 4140 នាក់
សរុប 14165924 នាក់
ឥណ្ឌា៖ កម្មវិធីទូរសព្ទ (apps)ដែលគ្រប់គ្រង និងអភិវឌ្ឍដោយក្រុមហ៊ុនចិនក្រោមហេតុផលសន្តិសុខជាតិដោយរដ្ឋាភិបាលឥណ្ឌាបន្ថែមទៀតបង្កឲ្យមានការក្តៅក្រហាយពីរដ្ឋាភិបាលចិននៅថ្ងៃទី២៥ វិច្ឆិកា ។
ការហាមរបស់ឥណ្ឌា មិនឲ្យប្រើប្រាស់កម្មវិធីទូរស័ព្ទរបស់ចិន ក្រោយការប៉ះទង្គិចគ្នាតាមព្រំដែន ឥណ្ឌាបានហាមកម្មវិធីទូរស័ព្ទចំនួន៥៩នៅខែមិថុនា និង១១៨បន្ថែមទៀតក្នុងខែកញ្ញាមិនមែនជាលើកទី១ឡើយ។ លើកនេះជាលើកទី៣ ឥណ្ឌាហាមមិនឲ្យប្រើកម្មវិធីចំនួន៤៣ផ្សេងទៀត ដែលក្នុងនោះក៏មានផងដែរកម្មវិធីរបស់ក្រុមហ៊ុនលក់ទំនិញអនឡាញ Alibaba ក្រោមហេតុផលការគំរាមទៅដល់អធិបត្យេភាព និងបូរណភាពឥណ្ឌា។នេះបើយោងតាមសេចក្តីថ្លែងការណ៍របស់ក្រសួងរបស់ក្រសួងបច្ចេកវិទ្យាអេឡិកត្រូនិក និងបច្ចេកវិទ្យាព័ត៌មានឥណ្ឌា ។
តបទៅនឹងការហាមនេះ នាសន្និសីទសារព័ត៌មានថ្ងៃទី២៥ ខែវិច្ឆិកា លោកZhao Lijian អ្នកនាំពាក្យក្រសួងការបរទេសចិនបានលើកឡើងថា៖« វិធីសាស្ត្រខាងលើ ច្បាស់ណាស់ បំពាននឹងគោលការណ៍របស់អង្គការពាណិជ្ជកម្មអន្តរជាតិ នឹងប៉ះពាល់យ៉ាងធ្ងន់ធ្ងរដល់សិទ្ធិ និងប្រយោជន៍របស់ក្រុមហ៊ុនចិន»។ ។ លោកZhao បានទាមទារឲ្យឥណ្ឌាពិចារណាសកម្មភាពរើសអើងនេះឡើងវិញ ដើម្បីបញ្ចៀសការខូចខាតកាន់តែធ្ងន់ធ្ងរក្នុងទំនាក់ទំនងទ្វេរភាគី។
ការបិទកម្មវិធីទូរស័ព្ទបន្ថែមនេះ រួមមានកម្មវិធីដឹកជញ្ជូន AliExpress Lalamove ក៏ដូចជាកម្មវិធីណាត់ជួប និងផ្សាយផ្ទាល់ផងដែរ។ កន្លងទៅឥណ្ឌា បានហាមឃាត់កម្មវិធីដូចជា TikTok, WeChat, Weibo, Bingo Live, Baidu map, UC Browser និងហ្គេមអនឡាញ Mobile Legends។ កម្មវិធីខាងលើនេះ មានអ្នកប្រើប្រាស់ជាច្រើនលាននាក់នៅក្នុងប្រទេសឥណ្ឌា។ ក្រៅពីនោះ ហ្គេម PUGB Mobile, កម្មវិធីទូទាត់ប្រាក់ Alipay, ហ្គេម MARVEL Super War, កម្មវិធី Taobao ក៏ត្រូវហាម។
ទំនាក់ទំនងឥណ្ឌានឹងចិន នៅបន្តមានភាពតានតឹងនឹងគ្នា ក្រោយការប៉ះទង្គិចនៅតាមព្រំដែនកាលពីខែមិថុនាកន្លងទៅ ដែលបណ្តាលឲ្យទាហានឥណ្ឌា២០នាក់ស្លាប់ ចំណែកចិនមិនបានបញ្ជាក់ពីចំនួនទាហានរបស់ខ្លួនដែលស្លាប់នោះទេ។ ក្រោយការប៉ះទង្គិចនេះ ប្រជាជនឥណ្ឌាបានបញ្ចេញអារម្មណ៍ប្រឆាំងនឹងចិន ដោយអំពាវនាវឈប់ទិញផលិតផលដែលនាំចូលពីចិន។
សូមបញ្ជាក់ថានៅក្នុងឆ្នាំ២០១៩ ឥណ្ឌានាំចូលផលិតផលដូចជារបស់ក្មេងលេង សម្ភារៈក្នុងផ្ទះ សម្ភារៈគ្រឿងយន្ត និងដែកថែបពីចិនដែលមានតម្លៃរហូតដល់ទៅ៧៤,៩ពាន់លានដុល្លារ៕