វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1501 នាក់
ម្សិលមិញ 4027 នាក់
សរុប 14154171 នាក់
ខេត្តស្វាយរៀង៖ គ្រូពេទ្យឯកជនម្នាក់ត្រូវសមត្ថកិច្ចនគរបាលប៉ុស្តិ៍រដ្ឋបាលឃុំគគីរសោមឃាត់ខ្លួនពីបទធ្វើមនុស្សឃាតដោយអចេតនាលើស្ត្រីម្នាក់នៅព្រឹកថ្ងៃទី២៥ខែវិច្ឆិកាឆ្នាំ២០២០ស្ថិតនៅភូមិត្បែង ឃុំគគីរសោម ស្រុកស្វាយទាប។
សមត្ថកិច្ចនគរបាលបានឱ្យដឹងថាជនសង្ស័យជាគ្រូពេទ្យឯកជនដែលឃាត់ខ្លួនមានឈ្មោះសោម សិទ្ធី ភេទប្រុស អាយុ៥២ឆ្នាំ រស់នៅភូមិត្បែង ឃុំគគីរសោម ស្រុកស្វាយទាប។ចំណែកស្ត្រីរងគ្រោះមានឈ្មោះប៉ាល់ សារ៉ុន អាយុ៥៦ឆ្នាំ ជនជាតិខ្មែរ មុខរបរកសិករ រស់នៅភូមិឃុំកើតហេតុខាងលើ។
តាមលោក ប៉ាល់ ជឿន មេភូមិបាត់ថង់ត្រូវជាប្អូនប្រុសបង្កើតរបស់ជនរងគ្រោះបានឱ្យដឹងថា នៅវេលាម៉ោង៦និង១៦នាទីល្ងាច ថ្ងៃទី២៤ ខែវិច្ឆិកា ឆ្នាំ២០២០ បងថ្លៃរបស់គាត់បានរាយការណ៍មកថាបងស្រីបង្កើតរបស់ខ្គាត់ឈ្មោះប៉ាល់ សារ៉ុន ដែលមានជំងឺរុំារ៉ៃប្រចាំកាយជាច្រើនឆ្នាំមកហើយ។នៅម៉ោង១១និង១០នាទីថ្ងៃទី២៤ខែវិច្ឆិកា ឆ្នាំ២០២០ឈ្មោះនង ចន អាយុ ៥១ឆ្នាំត្រូវជាប្តីជនរងគ្រោះបានទូរស័ព្ទហៅពេទ្យឯកជនម្នាក់មានឈ្មោះសោម សិទ្ធី អាយុ៥២ឆ្នាំ រស់នៅភូមិត្បែង ឃុំគគីរសោម ស្រុកស្វាយទាបជាមួយគ្នា ឱ្យទៅពិនិត្យនិងព្យួរសេរ៉ូមឱ្យដើម្បីជំនួយកម្លាំងដល់ប្រពន្ធរបស់ខ្លួន។
លុះមកដល់វេលាម៉ោង៥និង២២នាទីល្ងាចថ្ងៃដដែលស្រាប់តែស្ត្រីរងគ្រោះបានស្លាប់ទើបបង្កការភ្ញាក់ផ្អើលតែម្តង។
យោងតាមការពិនិត្យរបស់ជំនាញនិងគណៈកម្មការកោសល្យវិច័យមន្ទីរសុខាភិបាលខេត្តស្វាយរៀងបានសន្និដ្ឋានថា ស្ត្រីជនរងគ្រោះខាងលើដោយសារមានជំងឺបេះដូងនិងសំពាធឈាមឡើងខ្លាំងក្រោយពីពេទ្យចាក់ថ្នាំនិងព្យូរសេរ៉ូម ទើបបណ្ដាលឱ្យស្លាប់បែបនេះតែម្ដង។ចឹងបានថាពេទ្យនេះស្ទើភ្លើងចេះមិនដល់ទើបនាំទុក្ខដល់ខ្លួនបែបនេះ៕