វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 520 នាក់
ម្សិលមិញ 5304 នាក់
សរុប 14140046 នាក់
ភ្នំពេញ ៖ ការដ្ឋានសាងសង់ផ្សារទំនើបអ៊ីអនម៉លទី៣ តាមបណ្តោយផ្លូវ៦០ម៉ែត្រ ត្រូវបានសម្ពោធបើកក្រោមអធិបតីភាព លោក ឃួង ស្រេង អភិបាលរាជធានីភ្នំពេញ និងលោក ម៉ាសាហ៊ីរ៉ូ មិកាមិ (MASAHIRO MIKAMI) ឯកអគ្គរដ្ឋទូតជប៉ុនវិសាមញ្ញ និងពេញសមត្ថភាពប្រចាំនៅព្រះរាជាណាចក្រកម្ពុជា កាលពីព្រឹកថ្ងៃទី០៧ ខែតុលា ឆ្នាំ២០២០។
គម្រោងផ្សារទំនើបអ៊ីអនម៉លទី៣ មានឈ្មោះថា (ផ្សារទំនើប អ៊ីអនម៉លមានជ័យ) ដែលមានទីតាំងក្នុងគម្រោងអភិវឌ្ឍន៍ INC CITY ស្ថិតនៅភូមិព្រែកតាឡុងទី៣ សង្កាត់ចាក់អង្រែក្រោម តាមបណ្ដោយផ្លូវ៦០ម៉ែត្រ ក្នុងខណ្ឌមានជ័យ ។ តាមគម្រោងផ្សារទំនើបអ៊ីអនម៉លទី៣ ដែលគ្រោងសាងសង់រួចនឹងបើកដំណើរការជាផ្លូវការនៅឆ្នាំ២០២២។
លោក ឃួង ស្រេង ថា៖ ក្នុងនាមរដ្ឋបាលរាជធានីភ្នំពេញ លោកសូមចូលរួមអបអរសាទរចំពោះវឌ្ឍនភាព និងការសម្រេចចិត្តដ៏ត្រឹមត្រូវរបស់ក្រុមហ៊ុន អ៉ីអន ម៉ល ខេមបូឌាខូអិលធីឌី ដែលជាក្រុមហ៊ុនវិនិយោគិនរបស់ជប៉ុន បានបណ្តាក់ទុនវិនិយោគក្នុងទំហំទឹកប្រាក់ ដ៏ច្រើនសន្ធឹកសន្ធាប់លើគម្រោងអភិវឌ្ឍផ្សារទំនើប ចាប់តាំងពីគម្រោងទី១ រហូតដល់គម្រោងទី៣ នៅរាជធានីភ្នំពេញដែលនេះ មិនត្រឹមតែជាសក្ខីភាពបង្ហាញឱ្យឃើញពីការយកចិត្តទុកដាក់របស់រាជរដ្ឋាភិបាលកម្ពុជា ក្នុងការខិតខំទាក់ទាញការវិនិយោគទាំងក្នុង និងក្រៅប្រទេស ប៉ុណ្ណោះទេ ប៉ុន្តែថែមទាំងបានរួមចំណែកយ៉ាងសំខាន់ក្នុងការ រឹតចំណងមិត្តភាពសាមគ្គីភាព និងកិច្ចសហប្រតិបត្តិការកាន់តែស៊ីជម្រៅ ក្នុងខួបលើកទី៦៧ នៃទំនាក់ទំនងការទូតរវាង ព្រះរាជាណាចក្រកម្ពុជា និងប្រទេសជប៉ុនឱ្យកាន់តែរឹងមាំបន្ថែមទៀត។
លោក ម៉ាសាហ៊ីរ៉ូ មិកាមិ(MASAHIROMIKAMI) ឯកអគ្គរដ្ឋទូតជប៉ុនប្រាប់ ថា ៖ គម្រោងផ្សារទំនើបនេះមានផ្ទៃដីទំហំ (១៧៤០០០ម៉ែត្រការ៉េ) ដោយនៅក្នុងនោះមានផ្ទៃអគារ និងផ្ទៃហាងសរុប៩៨.០០០ (GLA) ធំជាងគេនៅក្នុងព្រះរាជាណាចក្រកម្ពុជា និងជាគម្រោងស្នូលនៃតំបន់អភិវឌ្ឍន៍ខាងលើ។ លើសពីទៅទៀតនេះគម្រោងផ្សារទំនើបនេះក៏ជាគម្រោងផ្សារទំនើបអ៊ីអនម៉ល ដែលមានទំហំធំជាងគេ នៅក្នុងតំបន់អាស៊ានផងដែរ។ក្រៅពីផ្សារទំនើបអុីអន ដែលមានលក់ទំនិញចម្រុះនិងហាងលក់សំលៀកបំពាក់ ហាងលក់សម្ភារៈ ម្ហូបអាហា កន្លែងផ្គត់ផ្គង់ ភោជនីយដ្ឋានសេវាកម្មផ្សេងៗ ជាច្រើនមុខទៀតផងដែរ៕