វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5150 នាក់
ម្សិលមិញ 6359 នាក់
សរុប 14091783 នាក់
ភ្នំពេញ៖តើជឿដែរថាលោកឧត្តមសេនីយ៍ឯក ហ៊ាង ហ្វខាយមិនមានសញ្ជាតិចិននិងមិនមែនជាអភិបាលក្រុមហ៊ុនជីន លីស៊ុន Cambodia Co.Ltd?!ហើយមិនចេះចិនអីម៉ាម៉ាត់ដូចដែលមេធាវីហែមសុចិត្តគាត់ចេញមកបដិសេធ?។
សូមបញ្ជាក់ថាឧត្តមសេនីយ៍ឯក ហ៊ាង ហ្វខាយមិន និងគូកនជាច្រើននាក់ទៀត ត្រូវបានតុលាការចោទប្រកាន់ចំនួន៣បទល្មើស គឺ បទ «មិនអនុវត្តសេចក្តីសម្រេចរបស់តុលាការ បទ ក្លែងបន្លំឯកសារសាធារណៈ និង បទបំភាន់មន្ត្រីសុរិយោដីឱ្យចុះបញ្ជី» ពាក់ព័ន្ធការធ្វើឯកសាររំលោភយកដីអ្នកដទៃទំហំជាង៤ហិកតា ស្ថិតនៅភូមិត្រពាំងពោធិ៍ សង្កាត់គោករកា ខណ្ឌដង្កោ (បច្ចុប្បន្នខណ្ឌពោធិ៍សែនជ័យ)ដេលមានតម្លៃខ្ទង់លានដុល្លារអាមេរិក ។
យោងតាមដីកាសន្និដ្ឋានបញ្ជូនរឿងឱ្យស៊ើបសួរ កាលពីថ្ងៃទី១០ ខែមីនា ឆ្នាំ២០២០ កន្លងទៅ ដែលកាសែតទទួលបាននៅថ្ងៃទី៦ ខែកញ្ញា ឆ្នាំ២០២០។ បើចឹងមែននោះបង្ហាញថា លោក សាយ ណូរ៉ា ព្រះរាជអាជ្ញារងអមសាលាដំបូងរាជធានីភ្នំពេញដែល បានសម្រេចចោទប្រកាន់លើ ៖ទី១-ឈ្មោះ លីម លាង ភេទប្រុស អាយុ៣២ឆ្នាំ ជនជាតិខ្មែរ មុខរបរប្រធានក្រុមប្រឹក្សាភិបាលក្រុមហ៊ុន ជីន លីស៊ុន Cambodia Co.Ltd (ក្រៅឃុំ)។
ទី២-ឈ្មោះ ចូវ ជីងហ្វូ ជនជាតិចិន មុខរបរ អភិបាលក្រុមហ៊ុន ជីន លីស៊ុន Cambodia Co.Ltd (ក្រៅឃុំ)ទី៣-ឈ្មោះ ហ៊ាង ហ្វខាយ ជនជាតិចិន មុខរបរអភិបាលក្រុមហ៊ុនជីន លីស៊ុន Cambodia Co.Ltd (ក្រៅឃុំ)។ទី៤-ឈ្មោះ វ៉ូ សិនតាំង ជនជាតិចិន មុខរបរអភិបាលក្រុមហ៊ុន ជីន លីស៊ុន Cambodia Co.Ltd (ក្រៅឃុំ)។ទី៥-ឈ្មោះ វ៉ាង យុនជិន ជនជាតិចិន មុខរបរអភិបាលក្រុមហ៊ុន ជីន លីស៊ុន Cambodia Co.Ltd (ក្រៅឃុំ)។ទី៦-និងគូកន (ក្រៅឃុំ)គឺអត់ដឹងអីសោះហ្ម៉ង??គឺត្រូវតែមានទោសពីព្រោះក្តាប់សវតាជាតិជនត្រូវចោទមិនបាន។
នាយឧត្តមសេនីយ៍ សន្តិបណ្ឌិត ខៀវ សុភ័គ អ្នកនាំពាក្យក្រសួងមហាផ្ទៃ បានបញ្ជាក់កាលពីថ្ងៃ៧កញ្ញាថា ករណីប៉ូលីសផ្កាយ៣ឈ្មោះ ហ៊ាង ហ្វខាយ ជាអភិបាលក្រុមហ៊ុន ជីន លីស៊ុន រងការចោទពាក់ព័ន្ធបទល្មើសរំលោភដីធ្លី គឺជារឿងបុគ្គល ហើយបុគ្គលនេះត្រូវចេញមុខទទួលខុសត្រូវដោយខ្លួនឯង។
ឯកឧត្តម ខៀវ សុភ័គ បន្តថា៖ «ករណីនេះជារឿងបុគ្គល។ ក្រសួងមហាផ្ទៃមិនមានសមត្ថកិច្ចលូកដៃចូលរឿងបុគ្គលឡើយ ហើយក្រសួងមហាផ្ទៃ សុំឲ្យសាមីខ្លូនចេញបំភ្លឺដោយខ្លួនឯងជាសាធារណៈ និងចំពោះមុខច្បាប់»។ អ្នកនាំពាក្យក្រសួងមហាផ្ទៃបានគូសបញ្ជាក់ទៀតថា ក្នុងនាមមន្ត្រីរាជការសាធារណៈទទួលប្រាក់ខែរដ្ឋ ទៅធ្វើការឯកជន និងប្រព្រឹត្តទង្វើមិនគប្បីណាមួយ នោះក្រសួងមហាផ្ទៃនឹងឈានទៅពិនិត្យវិធានការតាមច្បាប់ក្នុងករណីចាំបាច់។
ជាមួយគ្នានេះ ឯកឧត្តម ឆាយ គឹមខឿន អ្នកនាំពាក្យអគ្គស្នងការដ្នាននគរបាលជាតិ ក៏បានបញ្ជាក់ប្រាប់ដែរថា៖ គាត់ (ឧត្តមសេនីយ៍ឯក ហ៊ាង ហ្វខាយ) ជាប៉ូលីសមែន តែមិនស្ថិតក្រោមអគ្គស្នងការដ្ឋាននគរបាលជាតិទេ។បើអគ្គមិនគ្រប់គ្រងចឹងគាត់ជាប៉ូលិសស្អីវិញហើយឡើងសក្តិយ៉ាងម៉េចចុះ?។
ប្រភពផ្លូវការឲ្យដឹងថា បុគ្គលឧត្តមសេនីយ៍ឯក ហ៊ាង ហ្វខាយ គឺជាជនជាតិចិន ហើយបានចូលសញ្ជាតិជាជនជាតិខ្មែរ និងក្រោយមកបានទទួលស័ក្តិជាមន្ត្រីក្នុងជួរនគរបាល។បើចឹងមែននោះតើឈ្មួញម្នាក់នេះចូលនគរបាលពីឆ្នាំណាបានបានផ្កាយ៣ពាក់។ជាពិសេសបន្ទាប់ពីមេធាវីឧត្តមសេនីយ៍ឯក ហ៊ាង ហ្វខាយចេញលិខិតបដិសេធគេរកឃើញថាឧត្តមសេនីយ៍ឯក ហ៊ាង ហ្វខាយគឺជាសមាជិកក្រុមប្រឹក្សាភិបាលក្រុមហ៊ុនក្រុមហ៊ុនជីន លីស៊ុន Cambodia Co.Ltd។សូមបញ្ជាក់ថារឿងក្តីមួយនេះកំពុងស្ថិតក្នុងដៃចៅក្រមស៊ើបសួរនៃតុលាការរាជធានីភ្នំពេញ។