វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1395 នាក់
ម្សិលមិញ 10264 នាក់
សរុប 14140577 នាក់
សៀមរាប៖នៅថ្ងៃទី ១៧-សីហា-២០២០, វេលាម៉ោង ១៦ និង ៤០នាទី មានប្រជាពលរដ្ឋរាយការណ៍ថាមានក្រុមក្មេងទំនើង២ក្រុមកំពុងបង្កហិង្សា កាក់ម៉ូតូនិងដកសោរម៉ូតូនារីៗដើម្បីញ៉ែសុំលេខទូរស័ព្ទ។
ក្រោយពីទទួលបានព័ត៌មាននេះលោកវរសេនីយ៍ទោ មឿន បូរី ជាប្រធានគោលដៅការពារតំបន់បារាយណ៍ទឹកថ្លា បាននាំកម្លាំងចេញទៅសហការអន្តរាគមន៍ចាប់បានក្រុមក្មេងទំនើងចំនួន៧នាក់យកមកធ្វើការសាកសួរនៅប៉ុស្ដិ៍នគរបាលរដ្ឋបាលទឹកវិលភ្លាមៗ ។ក្រុមក្មេងទំនើងបានរៀបរាប់សារភាពថា ក្រុមខ្លួនមានគ្នា៧នាក់បានផឹកស៊ីនៅបារាយណ៍ខាងលិច ម្ដុំជិតជណ្ដើរយក្ស តាំងពីវេលាម៉ោង ១២ថ្ងៃត្រង់ លុះរហូតដល់ប្រហែលម៉ោង ១៦ ពួកវាបានឃើញក្មេងស្រីៗ ចំនួន៤នាក់ដែលជិះមកលេងបារាយណ៍ដែរ ក៏ធ្វើសកម្មភាពកាក់ម៉ូតូ និង ដកសោរម៉ូតូ រូបគេក្នុងគោលបំណងសុំលេខទូរសព្ទ័ និងញ៉ែ ។
ខណៈពេលនោះ មានមនុស្សប្រុស ១ក្រុម ប្រហែល ១០នាក់ជាង សុទ្ធតែប្រុស អាយុប្រហែល ៣០ ជាង បានជិះពីទិសខាងត្បូង ហើយឈប់មុខពួកវា ហើយស្រែកថា ពួកអាហែងនឹងផឹកស៊ីស្រែកឡូឡារ រករឿងគេ ពេលនោះជន ១ក្រុមនោះក៍ធ្វើសកម្មភាព យកមួកការពារ វៃពួកខ្លួន ហើយភ្លាមៗនោះពួកខ្លួន ក៏ដកខ្សែរក្រវ៉ាត់ វៃតបតទៅវិញ រួចក្រុមទាំងនោះក៏បានរត់គេចខ្លួនអស់ទៅ។ ក្រុមស្ទាវទាំង៧នាក់ក៏ត្រូវបានសមត្ថកិច្ចឃាត់ខ្លួនតែម្តង÷
ទី១. ឈ្មោះ សាន ភ័ក្ត្រ ភេទ ប្រុស អាយុ ២០ឆ្នាំ មុខរបរ កម្មករសំណង់ រស់នៅភូមិ តាកម្ម ឃុំដួនកែវ ស្រុក ពួក ខេត្តសៀមរាបទី២. ឈ្មោះ យួន វិចិត្រ ភេទ ប្រុស អាយុ ១៨ឆ្នាំ មុខរបរ កម្មករ រស់នៅ ភូមិ ល្វា ឃុំ ដួនទ្រ ស្រុក ពួក ខេត្ត សៀមរាបទី៣. ឈ្មោះ ថាម សុធឿង ភេទ ប្រុស អាយុ ១៦ឆ្នាំ មុខរបរ នៅផ្ទះ រស់នៅ ភូមិ តាកម្ម ឃុំ ដូនកែវ ស្រុក ពួក ខេត្ត សៀមរាប។
ទី ៤. ឈ្មោះ លឿត លីម ភេទ ប្រុស អាយុ ១៨ឆ្នាំ មុខរបរ កម្មករ រស់នៅភូមិ ព្រលិត ឃុំ រើល ស្រុក ពួក ខេត្តសៀមរាប។ទី ៥. ឈ្មោះ ថុន សារុន ភេទ ប្រុស អាយុ ១៨ឆ្នាំ មុខរបរ នៅផ្ទះ រស់នៅ ភូមិ តាកម្ម ឃុំ ដូនកែវ ស្រុក ពួក ខេត្ត សៀមរាប។ទី ៦. ហាំង ឆ្លូញ ភេទ ប្រុស អាយុ ២០ឆ្នាំ មុខរបរ នៅផ្ទះ រស់នៅភូមិ តាកម្ម ឃុំ ដូនកែវ ស្រុក ពួក ខេត្តសៀមរាប។ទី ៧. ឈ្មោះ រោច រំ ភេទ ប្រុស អាយុ ១៦ឆ្នាំ មុខរបរ កម្មករ រស់នៅ ភូមិ តាកម្ម ឃុំដូនកែវ ស្រុក ពួក ខេត្តសៀមរាប។បន្ទាប់ពីឃាត់ខ្លួន និងតេសរកសារធាតុញៀន លទ្ធផល អវិជ្ជមាន រួចក៏ធ្វើការអប់រំ និងកិច្ចសន្យាអោយអាណាព្យាបាលយកត្រឡប់ទៅផ្ទះវិញផងដែរ។