ពេលកម្ពុជាស្រូវចុះថោកប្រទេសសឹង្ងបុរីវៀរណាមចិនចុះកុងត្រាទិញអង្ករថៃ!

ពលរដ្ឋនៅស្រុកកញ្ជ្រៀច នាំគ្នាប្ដឹងលោក ស្រី វិចិត្រ ទៅACU ដោយអះអាងថា បានកំណត់យកលុយពីពួកខ្លួន ចាប់ពី៥ម៉ឺនទៅ២៥ម៉ឺនរៀលក្នុង១គ្រួសារ ជាថ្នូរនឹងចែកប័ណ្ណកម្មសិទ្ធិ(ប្លង់រឹង)!

ACU បង្ហាញលទ្ធផលស៊ើបអង្កេត និងស្ដាប់ចម្លើយរបស់លោក ស៊ាន បូរ៉ាត និងលោក ស ថាវី ពាក់ព័ន្ធជាមួយសំណុំរឿងអតីតឧកញ៉ា ឡេង ចាន់ណា ករណីឆបោកប្រាក់រាប់លានដុល្លារ

កីឡាការិនីក្បាច់គុនខៀវចិន្តារត្ន័សម្តែងការខកចិត្តបន្ទាប់ពីដណ្តើមបានមេដាយមាសនៅប្រទេសកូរ៉េ!

បែកធ្លាយករណីយ៍ឧត្តមសេនីយ៍អគ្គនាយករងអត្តសញ្ញាណកម្មស៊ីដាច់លុយ២លានដុល្លាររត់ការចូលសញ្ជាតិខ្មែរ

ជនជាតិដើមភាគតិចពូនង ស្នើសុំឱ្យក្រសួងពាក់ព័ន្ធជួយអភិរក្សព្រៃអារក្ស ព្រៃកប់សព ឱ្យនៅគង់វង្ស

ឈ្មួញជីកដីលក់នៅបណ្តោយផ្លូវជាតិលេខ៤ចន្លោះគីឡូម៉ែត្រលេខ ៩១ ទៅដល់ ៩៣ បង្កផលប៉ះពាល់ដល់បរិស្ថានសមត្តកិច្ចគុបគិត?

ជាច្រើនទៀត

ចំនួនអ្នកទស្សនា

ថ្ងៃនេះ 2248 នាក់

ម្សិលមិញ 3507 នាក់

សរុប 17845979 នាក់

បន្ទាប់ពីទឹកជំនន់ទឹកភ្លៀងសម្លាប់មនុស្សម្នាក់់អាជ្ញាធរខេត្តសីហនុសម្រុកកាយប្រឡាយ!

27-October-2025 / សន្តិសុខសង្គម

ព្រះសីហនុ៖ បន្ទាប់ពីមានភ្លៀងធ្លាក់ខ្លាំងកាលពីយប់ថ្ងៃទី ២៤ ខែសីហាឆ្នាំ ២០២១ បង្កឱ្យមានការជន់លិចលំនៅដ្ឋានប្រជាពលរដ្ឋ ដងផ្លូវសាធារណៈ បាត់បង់ជីវិតមនុស្ស និងខូចទ្រព្យសម្បត្តិប្រជាពលរដ្ឋយ៉ាងច្រើននៅក្រុងព្រះសីហនុ មក នៅព្រឹកថ្ងៃទី២៥ ខែសីហា ឆ្នាំ២០២១ លោក គួច ចំរើន អភិបាល ខេត្តព្រះសីហនុ បានដឹកនាំមន្ត្រីជំនាញចុះត្រួតពិនិត្យ និងដាក់គ្រឿងចក្រ កាយស្តារយកអាចម៍ដី និងសំរាម នៅតាមអូរប្រឡាយសំខាន់ៗនៅក្នុងក្រុងព្រះសីហនុ ដើម្បីសម្រួលលំហូរចរន្តទឹកនិងរំដោះការជន់លិចបានលឿន។ a floot sihanu

លោកអភិបាលខេត្ត បានឲ្យមន្ត្រីជំនាញដាក់គ្រឿងចក្រនៅតាមគោលដៅទីតាំងសំខាន់ៗប្រចាំការដើម្បីកាយការកកស្ទះនៅសំរាម មួយចំនួនបង្កឡើងដោយសារការបោះចោលសំរាមរបស់ប្រជាពលរដ្ឋ ចូលទៅក្នុងប្រឡាយដោយមិនបានវេចខ្ចប់ត្រឹមត្រូវ សម្រាប់ក្រុមហ៊ុនប្រមូលសំរាមយកទៅចោលនៅទីលាន។សូមបញ្ជាក់ថា កាលពីព្រលប់ថ្ងៃទី២៤ ខែសីហា ឆ្នាំ២០២១ មានករណីមនុស្សត្រូវទឹកកួចចំនួន ២ករណី ដោយករណីទី១ ស្ថិតនៅក្នុងសង្កាត់លេខ១ ខណៈបុរសម្នាក់កំពុងជិះម៉ូតូ ត្រូវទឹកកួចយកទៅ ប៉ុន្តែត្រូវបានជួយសង្គ្រោះដោយប្រជាពលរដ្ឋនៅក្បែរនោះ។ ចំពោះករណីទី២ ទឹកកួចយកមនុស្សចូលទៅក្នុងប្រឡាយនៅក្បែរសាលាដុនបូស្កូ ខណៈបុរសរូបនោះកំពុងដើរ ហើយត្រូវបានរកឃើញសាកសពនៅព្រឹកឡើង ពោលគឺ បានបាត់ខ្លួនមួយយប់.។

សពជនរងគ្រោះម្នាក់ដែលត្រូវបានទឹកកួចយកទៅបាត់ ក្នុងកំឡុងពេលភ្លៀងធ្លាក់ខ្លាំងកាលពីព្រលប់ថ្ងៃទី២៤ ខែសីហា ឆ្នាំ២០២១ ត្រូវបានរកឃើញហើយ នៅវេលាម៉ោងប្រមាណ ១១ព្រឹក ថ្ងៃទី២៥ ខែសីហា នៅក្នុងភូមិ៤ សង្កាត់លេខ៤។ ជនរងគ្រោះ ត្រូវបានសន្និដ្ឋានថា ជាជនជាតិចិន មានអាយុប្រមាណជា ៣០ឆ្នាំ។ នេះបើយោងតាមការសន្និដ្ឋានរបស់សមត្ថកិច្ច។

ទាក់ទងរឿងជំនន់ទឹកភ្លៀងលិចក្រុងព្រះសីហនុដែលមានវិនិយោគិនភាគច្រើនចិនដាក់លុយរាប់ពាន់លានដុល្លារនិងរដ្ឋាភិបាលដាក់លុយកែលម្អផ្លូវលូនេះលោក ចាន់ យុត្ថាមន្ត្រីជាន់ខ្ពស់ក្រសួងធនធានទឹក បានប្រាប់កាសែតថា កម្រិតទឹកភ្លៀងដែលបានធ្លាក់នៅក្រុងព្រះសីហនុ រយៈពេលជាង៥ម៉ោងកាលពីយប់ថ្ងៃទី២៤ ខែសីហា ឆ្នាំ២០២១ គឺមានបរិមាណជិត ៣០០មីល្លីម៉ែត្រ ប៉ុន្តែ វាបានប្រើពេលវេលាប្រមាណតែ ៩០នាទីប៉ុណ្ណោះ ទឹកដែលលិចលង់តាមតំបន់ទំនាបមួយចំនួន បានហូរស្រកអស់ទាំងស្រុង ផ្ទុយពីស្ថានភាពបែបនេះ ដែលធ្លាប់កើតមានឡើងកាលពីអំឡុងខែសីហា ឆ្នាំ២០១៩ កន្លងទៅ គឺបរិមាណទឹកភ្លៀងធ្លាក់ប្រហាក់ប្រហែលគ្នា ប៉ុន្តែវាបានប្រើពេលវេលារហូតទៅដល់ ៧២ម៉ោង ទើបស្ថានភាពជំនន់បានធូរស្រាល។

អ្នកនាំពាក្យក្រសួងធនធានទឹក និងឧត្តុនិយម បានចាត់ទុកថា ឆ្លងតាមការប្រៀបធៀប នៃជំនន់ទឹកភ្លៀងនៅក្រុងព្រះសីហនុខាងលើនេះ បានឆ្លុះបញ្ចាំងពីប្រសិទ្ធភាពយ៉ាងល្អប្រសើរ របស់រាជរដ្ឋាភិបាល ដែលបានខិតខំ និងរៀបចំហេដ្ឋារចនាសម្ព័ន្ធរំដោះទឹកនៅខេត្តមួយនេះនាពេលកន្លងទៅ?។មានន័យថាលិចនៅតែលិចចឹងគ្រាន់តែឆាប់ស្រក!តែប្រជាពលរដ្ឋថា៖ចុះបើកុំឲ្យវាលិចទៅវាមិនកើតឬ?។ a floot sihanu1 a floot sihanu2 a floot sihanu3