វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5641 នាក់
ម្សិលមិញ 5020 នាក់
សរុប 14121088 នាក់
ភ្នំពេញ៖ លោក សួង សុភ័ណ្ឌ ប្រធានគណបក្សខ្មែរឈ្នះ និងជាអតីតបេក្ខជនតំណាងរាស្ត្រ នៃអតីតគណបក្សសង្គោះជាតិ ត្រូវបានសមត្ថកិច្ចរាជធានីភ្នំពេញ ចាប់ខ្លួនពីផ្ទះនៅក្នុងខណ្ឌទួលគោកកាលពីវេលាម៉ោងប្រមាណជាង១២ ថ្ងៃត្រង់ ថ្ងៃទី១៤ ខែសីហា ឆ្នាំ២០២០នេះបន្ទាប់ពីបានទៅពាល់បង្គោលព្រុំដែននិងជួបប្រជាជនកាលពីថ្ងៃទី១៣សីហានិងគ្រោងធ្វើសន្និសីទ្ធកាសែត។
លោកឧត្តមសេនីយ៏ឯក ឆាយ គឹមខឿន អគ្គស្នងការរង និងជាអ្នកនាំពាក្យអគ្គស្នងការនគរបាលជាតិ បានប្រាប់កាសែត ថា លោក សួង សុភ័ណ្ឌ ត្រូវបានចាប់ខ្លួនទាក់ទងទៅនឹងបទល្មើសជាក់ស្តែង និងញុះញង់ទំលាក់ ហុសទៅលើអាជ្ញាធរមានសមត្ថកិច្ច! “ត្រូវចាប់ខ្លួនក្នុងបទល្មើសជាក់ស្តែង ដោយបានផ្សព្វផ្សាយព័ត៌មានញុះញង់ និងទំលាក់ហុសទៅលើអាជ្ញាធរមានសមត្ថកិច្ចពាក់ព័ន្ធបញ្ហាព្រំដែន”។
លោក យិន ឈឿន អ្នកនាំពាក្យគណបក្សខ្មែរឈ្នះ នារសៀលថ្ងៃទី១៤ ខែសីហា ឆ្នាំ២០២០បានទទួលស្គាល់ថា លោក សួង សុភ័ណ្ឌ ពិតជាត្រូវបានសមត្ថកិច្ចចាប់ខ្លួន ។យើងមិនទាន់ដឹងថា ការចាប់ខ្លួននេះពាក់ព័ន្ធទៅនឹងករណីអ្វីនោះទេ ហើយពេលនេះ ត្រូវបាននាំយកទៅសួរនាំនៅស្នងការរាជធានីភ្នំពេញ ហើយខាងគណបក្សនៅមិនទាន់បានចូលជួបសួរនាំនៅឡើយទេ។
សូមបញ្ជាក់ដែរថា លោក សួង សុភ័ណ្ឌ គឺជាមនុស្សទីពីរហើយ បន្ទាប់ពីលោក រ៉ុង ឈុន ដែលត្រូវបានសមត្តកិច្ចចាប់ខ្លួន ក្នុងបទញុះញង់ និងបំភ្លៃលើរឿងព្រំដែន។ ដែរ គិតត្រឹមថ្ងៃទី ១៤ សីហាលោកសួងសុភណ្ឌ័ ក៏ជាមនុស្សចុងក្រោយ ដែលត្រូវបានចាប់ខ្លួន ក្នុងរយៈពេលពីរបីថ្ងៃចុងកន្លងមកនេះ។ កាលពីថ្ងៃទី ១៣ សីហា សមត្ថកិច្ចក៏បានចាប់ខ្លួនយុវជន៦នាក់ ដែលសកម្មក្នុងការតវ៉ាអោយមានការដោះលែងលោក រ៉ុង ឈុន ផងដែរ។
បើតាមលោក ឆាយ គឹមខឿន ក្នុងចំណោមយុវជនទាំង៦នាក់ខាងលើនេះ យុវជន៤នាក់នឹងត្រូវដោះលែងវិញ។ ចំណែកឯយុវតី ឈឿន ដារ៉ាវី និងយុវជន ហ៊ុន វណ្ណៈ នឹងត្រូវបញ្ជូនខ្លួនទៅកាន់តុលាការ ក្រោមការចោទប្រកាន់ពីបទ «ញុះញង់អោយមានភាពវឹកវរដល់សន្តិសុខសង្គម»៕