វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5276 នាក់
ម្សិលមិញ 5378 នាក់
សរុប 14084569 នាក់
ព្រះសីហនុ៖ នៅថ្ងៃទី ១ ខែសីហា ឆ្នាំ ២០២០នេះអាជ្ញាធរខេត្តព្រះសីហនុបានចេញសេចក្តី ជូនដំណឹង និងស្នើឱ្យពលរដ្ឋផ្អាកការធ្វើដំណើរតាមផ្លូវទឹក ៤ ថ្ងៃសិន។ការជូនដំណឹងនេះបានកើតឡើង បន្ទាប់ពីក្រសួងធនធានទឹកឧត្តុនិយមប្រកាសថា កម្ពុជាកំពុងទទួលរងឥទ្ធិពលព្យុះស៊ីនឡាគូ (SINLAKU) ដែលជា សម្ពាធទាបសកម្មមួយ បានកើតឡើង នៅលើសមុទ្រចិនខាងត្បូង ហើយបានវិវត្តទៅជាវិសម្ពាធទាប។បាតុភូតនេះ វិវត្តទៅជាព្យុះ ស៊ីនឡាគូ ហើយធ្វើដំណើរមកដល់ភាគខាងជើងប្រទេសវៀតណាម នៅថ្ងៃទី ២ ខែសីហា។ ឥទ្ធិពលរបស់ព្យុះ នឹងធ្វើឲ្យខ្យល់មូសុងនិរតីបង្កើនល្បឿនបក់បោក ខ្លាំងមកលើកម្ពុជា។
រដ្ឋបាលខេត្តព្រះសីហនុបញ្ជាក់ថា វិសម្ពាធទាបនេះបានបង្កើនឥទ្ធិពលជាបន្តបន្ទាប់ទៅជាព្យុះទី ៣ ឈ្មោះ ស៊ីនឡាគូ (SINLAKU) ហើយបានបោកបក់មកកាន់តំបន់ភ្នំ និងឆ្នេរសមុទ្រកម្ពុជា បណ្តាលឱ្យ មានភ្លៀងធ្លាក់ច្រើន និងខ្យល់បក់បោកខ្លាំង។ ចំពោះស្ថានភាពរអាកាសធាតុនៅខេត្តព្រះសីហនុ ចាប់ពីថ្ងៃទី១ ដល់ថ្ងៃទី៥ ខែសីហា ឆ្នាំ២០២០មានភ្លៀងធ្លាក់ច្រើនប្រឈមនឹងជំនន់ទឹកភ្លៀង (Flash Flood) រួមជាមួយខ្យល់បក់បោកខ្លាំង និងរលកសមុទ្រខ្ពស់ៗ។
ដើម្បីជៀសវាងគ្រោះថ្នាក់កើតឡើងជាយថាហេតុ រដ្ឋបាលខេត្តសូមអំពាវនាវដល់ម្ចាស់ក្រុមហ៊ុន ដឹកជញ្ជូនដោយផលយាន ភ្ញៀវទេសចរ ប្រជាពលរដ្ឋ និងប្រជានេសាទទាំងអស់ សូមមានការប្រុងប្រយ័ត្ន ខ្ពស់ ហើយសូមផ្អាកការធ្វើដំណើរតាមផ្លូវទឹកក្នុងអំឡុងពេលនេះបើមិនមានការចាំបាច់ណាមួយ។
សូមបញ្ជាក់ថានៅល្ងាចថ្ងៃទី ១ ខែសីហានេះដែរ មានករណីលិចទូកមួយគ្រឿង ចូលក្នុងសមុទ្រ ដោយសារប៉ះជាមួយរលកកទឹកបណ្តលឱ្យបែកទូក ស្ថិតនៅចំណុច ឃ្លងឡទឹកត្រី ក្រុងកោះរ៉ុង ដែលមានមនុស្សជិះចំនួន ១៥ នាក់។ ប៉ុន្តែមិនបណ្តាលឱ្យមានគ្រោះថ្នាក់ដល់អាយុជីវិតនោះទេ ដោយសារកម្លាំងនគរបាលខេត្តព្រះសីហនុចុះអន្តរាគមសង្គ្រោះទាន់ពេលវេលា៕