វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 7764 នាក់
ម្សិលមិញ 6961 នាក់
សរុប 15995122 នាក់
ភ្នំពេញ៖ក្រសួងអប់រំ យុវជន និងកីឡា បានប្រកាស ពីកាលបរិច្ឆេទ នៃការប្រឡងសញ្ញាបត្រ មធ្យមសិក្សា ទុតិយភូមិ (បាក់ឌុប) សម្រាប់គ្រឹះស្ថានសិក្សាឯកជន ឆ្នាំសិក្សា២០១៩-២០២០គឺធ្វើ នៅថ្ងៃទី២៧-២៨ ខែសីហាឆ្នាំ២០២០ខាងមុខនេះវិញ។
នៅក្នុងសេចក្តីណែនាំបន្ថែម របស់ក្រសួងអប់រំយុវជននិងកីឡា ដដែល ក៏បាន ឲ្យដឹង ទៀតថា «កន្លងមកក្រសួង បានចេញសេចក្ដីណែនាំ លេខ ៣៣ អយក.សណន ចុះថ្ងៃទី១៤ ខែកក្កដា ឆ្នាំ២០២០ ស្ដីពីការរៀបចំ និងការប្រព្រឹត្ត ទៅនៃការប្រឡង សញ្ញាបត្រមធ្យមសិក្សាទុតិយភូមិ នៅតាម គ្រឹះស្ថានសិក្សាឯកជន សម្រាប់ឆ្នាំសិក្សា២០១៩-២០២០។ក្នុងសេចក្ដីណែនាំនេះ បានកំណត់យកថ្ងៃ ទី១៧ ខែសីហា ឆ្នាំ២០២០ ជាសម័យប្រឡង សញ្ញាបត្រមធ្យមសិក្សាទុតិយភូមិ នៃឆ្នាំសិក្សា ២០២០ ២០២១។
តែដោយសាររាជរដ្ឋាភិបាល បានចេញអនុក្រឹត្យលេខ ១០១ អនក្រ.បក ចុះថ្ងៃទី១៥ ខែកក្កដា ឆ្នាំ២០២០ ស្ដីពីការអនុញ្ញាត ឲ្យមន្ត្រីរាជការ និយោជិត កម្មករឈប់សម្រាក ការងារ នៅថ្ងៃទី១៧ ទី១៨ ទី១៩ ទី២០ និងទី២១ ខែសីហា ឆ្នាំ២០២០នេះ គឺត្រូវចំថ្ងៃប្រឡង ដូច្នេះក្រសួងសូមកែសម្រួល សម័យ ប្រឡងសញ្ញា បត្រមធ្យមសិក្សាទុតិយភូមិ នៅតាមគ្រឹះស្ថានសិក្សា ឯកជន សម្រាប់ឆ្នាំសិក្សា២០១៩- ២០២០នេះ ទៅថ្ងៃទី២៧ ខែសីហា ឆ្នាំ២០២០។