វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3823 នាក់
ម្សិលមិញ 6359 នាក់
សរុប 14090456 នាក់
ភ្នំពេញ: និស្សិតកម្ពុជាចំនួន៤៣ នាក់ ដែលសិក្សានៅប្រទេសអេហ្ស៊ីប និងសិក្ខាកាមយោធាកម្ពុជាចំនួន១០០នាក់ សិក្សានៅប្រទេសរុស្ស៊ីដែលផ្អាកដោយសារកូវិដ១៩ បានមកដល់កម្ពុជា នៅរសៀលថ្ងៃស្អែក ទី១៩ ខែកក្កដា ។
អ្នកនាំពាក្យក្រសួងការបរទេស និងសហប្រតិបត្តិការអន្តរជាតិកម្ពុជា លោក កុយ គួង បានឲ្យដឹងនៅព្រឹកថ្ងៃទី១៨ ខែកក្កដា បញ្ជាក់ថា ដោយមានកិច្ចការ និងសម្របសម្រួលល្អ ពីស្ថានទូតកម្ពុជាប្រចាំប្រទេសអេហ្ស៊ីប ស្ថានទូតកម្ពុជាប្រចាំសហព័ន្ធរុស្ស៊ី និងស្ថានទូតកម្ពុជាប្រចាំប្រទេសម៉ាឡេស៊ី និស្សិតកម្ពុជាចំនួន៤៣ នាក់ ក្នុងចំណោមននិស្សិតសរុប១០៨ នាក់ ដែលកំពុងសិក្សានៅប្រទេសអេហ្ស៊ីប និងសិក្ខាកាមយោធាកម្ពុជាចំនួន១០០នាក់ នៅសហព័ន្ធរុស្ស៊ី នឹងធ្វើដំណើរកម្ពុជាវិញ ដោយឆ្លងកាត់ប្រទេសម៉ាឡេស៊ី តាមជើងហោះហើរលេខ MH 754 នៅវេលាម៉ោង១២ ថ្ងៃត្រង់ ហើយមកដល់ទីក្រុងភ្នំពេញនៅវេលាម៉ោង១៣ រសៀល ថ្ងៃទី១៩ ខែកក្កដា ឆ្នាំ២០២០ ។
សូមបញ្ជាក់ថា នៅក្នុងអំឡុងពេលនៃការរាតត្បាតនៃជំងឺកូវីដ-១៩ រហូតមកដល់ពេលនេះ មានប្រជាពលរដ្ឋ ពលករ-ពលការនី សិស្ស-និស្សិតកម្ពុជា បានវិលត្រឡប់ទៅប្រទេសកម្ពុជាវិញជាបន្តបន្ទាប់ តាមរយៈជើងយន្តហោះពាណិជ្ជកម្មធម្មតា និងជើងយន្តហោះពាណិជ្ជកម្មពិសេស ក្រោមកិច្ចសម្របសម្រួលរបស់ស្ថានទូតកម្ពុជាប្រចាំប្រទេសម៉ាឡាស៊ី និងក្រុមហ៊ុនអាកាសចរណ៍ម៉ាឡេស៊ី និងក្រុមហ៊ុនអាកាសចរណ៍ Air Asia បានចំនួនច្រើនលើករួចមកហើយ។ជាក់ស្តែងនិស្សិតមកពីប្រទេសអារ៉ាប៊ីសាអូឌីតជាង១០នាក់ត្រូវបានរកឃើញថាមានផ្ទុកវិរុសកូវិដ១៩ត្រូវយកទៅព្យាបាល។មិនដឹងថាតើក្រុននិស្សិតខាងលើមានដែរឬអត់នោះទេគឺរង់ចាំការធ្វើចត្តាឡីសក័១៤ថ្ងៃសិនបានដឹង!៕