វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4372 នាក់
ម្សិលមិញ 5020 នាក់
សរុប 14119819 នាក់
ភ្នំពេញ៖អភិបាលខេត្តមណ្ឌលគិរី លោក ស្វាយ សំអ៊ាង កាលពីថ្ងៃទី១៦កក្កដាបានឲ្យដឹងពីការត្រៀមទុកដីសម្រាប់ធ្វើព្រលានយន្តហោះថ្មីក្នុងពេលទីតាំងចាស់លែងសមស្របហើយ។លោកអភិបាលខេត្តបានបញ្ជាក់ថា ទីតាំងគម្រោងព្រលានយន្ដហោះថ្មីនេះ គឺមានចម្ងាយប្រហែល២០គីឡូម៉ែត្រ ពីទីក្រុងសែនមនោរម្យ ។
«យើងទុកទីតាំងព្រលានចាស់នោះធ្វើជាសួនច្បារ ហើយយើងរកទីតាំងថ្មី ដែលទីតាំងថ្មីនេះយើងមានផ្ទៃដីប្រមាណជា៦០០ហិចតា ដែលឃ្លាតពីក្រុងសែនមនោរម្យ ប្រមាណជាង២០គីឡូម៉ែត្រ។ ទីតាំងថ្មីនេះ អាចពង្រីកព្រលានយន្ដហោះខ្នាតធំនៅស្រុក ឬខាតអន្ដរជាតិ ដែលនេះអាស្រ័យលើការសិក្សារបស់អាកាសចរស៉ីវិល និងក្រសួងពាក់ព័ន្ធ»។ អាជ្ញាធរខេត្តមណ្ឌលគិរី កំពុងការពារដីដែលត្រៀមទុកនេះ ដើម្បីបញ្ចៀសការរំលោភទន្ទ្រានពីប្រជាពលរដ្ឋហើយ។
នេះជាការបញ្ជាក់របស់ចៅហ្វាយខេត្តមណ្ឌលគិរីក្នុងសន្និសីទសារពត៍មានរៀបចំដោយអង្គភាពអ្នកនាំពាក្យរាជរដ្ឋាភិបាល។
បើតាមលោក ស្វាយ សំអ៊ាង មូលហេតុដែលត្រូវរៀបចំទីតាំងព្រលានយន្តហោះថ្មីនេះ ដោយសារតែទីតាំងចាស់ ដែលស្ថិតនៅក្នុងក្រុងសែនមនោរម្យ មានទំហំផ្ទៃដី១៩ហិកតា ហើយមិនអាចធ្វើទំនើបកម្មបាន ព្រោះនៅទីនោះ មានលក្ខណៈចង្អៀត ដោយសារតែប្រជាពលរដ្ឋរស់នៅជុំវិញច្រើន។