វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 10069 នាក់
ម្សិលមិញ 8227 នាក់
សរុប 14136950 នាក់
ខេត្តព្រះសីហនុ៖ រឿងថាមាន មានមន្ត្រីនគរបាលខេត្តព្រះសីហនុម្នាក់ យកឯកសណ្ឋានរបស់ខ្លួនទៅបោះចោលនៅការ៉ាស់សាំងសូគីមិច ក្រុងព្រះសីហនុបង្ហោះតាមហ្វេសប៊ុក នោះគឺជាអតីតមន្ត្រីនគរបាលដែលត្រូវបានបណ្តេញចេញពីក្របខណ្ឌរួចទៅហើយ។នេះបើតាមការបំភ្លឺរបស់ស្នងការនគរបាលខេត្តព្រះសីហនុ ។
កាលពីព្រឹកថ្ងៃទី១១ ខែមិថុនា ឆ្នាំ២០២០ កន្លងទៅ មានគណនីហ្វេសប៊ុកឈ្មោះ Chum Phearum បានបង្ហោះរៀបរាប់ថាមានករណីភ្ញាក់ផ្អើលនឹងមន្ត្រីនគរបាលខេត្តព្រះសីហនុម្នាក់ ដែលទំនងជាបែក ថ្នាំ បានយកខោអាវនគរបាលរបស់ខ្លួនមកបោះចោលនៅការ៉ាស់សាំង Sokimex និង Tela ស្ថិតក្នុងសង្កាត់៣ ខេត្ត-ក្រុងព្រះសីហនុ រួចឡើងឡានក្រុងចេញទៅបាត់។គួរបញ្ជាក់ថា នៅលើឯកសណ្ឋាន ឬហោប៉ៅអាវប៉ូលិសនោះ គេឃើញមានឈ្មោះស វាសនា អត្តលេខ ៦៨០៤១ ពាក់សក្តិ២ ហើយក៏មានសក្តិ៣ ថ្មី១ទៀត ដែលទំនងជាត្រៀមឡើងសក្តិផងក៏មិនដឹង។
ប្រភពពីមន្ត្រីនគរបាលខេត្តព្រះសីហនុ បានឱ្យដឹងថា ម្ចាស់ឯកសណ្ឋាននេះ គឺពិតជាមន្ត្រីនគរបាលពិតមែន ធ្លាប់បំរើការងារនៅការិយាល័យអគ្គិភ័យ ។មន្ត្រីនគរបាលខាងលើនេះ ក៏ធ្លាប់ត្រូវបាននគរបាលសង្កាត់លេខ៣ ចាប់ខ្លួនម្តងដែរ ពីបទចែកចាយ និងរក្សាទុកគ្រឿ ង ញៀ ន រហូតឈានដល់ការបណ្តេញចេញពីក្របខ័ណ្ឌនគរបាលជាតិតែម្តង។ ស្នងការដ្ឋាននគរបាលខេត្តព្រះសីហនុ បានបំភ្លឺថា អតីតមន្ត្រីនគរបាលរូបនេះ ត្រូវបានលោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ បានដាក់បទបញ្ជាឱ្យការិយាល័យបុគ្គលិកធ្វើការណែនាំជាច្រើនដងរួចមកហើយ និងបានធ្វើការបណ្តេញចេញពីក្របខណ្ឌនគរបាលជាតិ នៃស្នងការដ្ឋាននគរបាលខេត្តព្រះសីហនុរួចហើយផងដែរ។