វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1572 នាក់
ម្សិលមិញ 4292 នាក់
សរុប 14111271 នាក់
ព្រៃវែង៖ថ្ងៃទី០១ មិថុនា ២០២០ ស្អែកនេះ លោក ចាន់ ថន ចាងហ្វាគេហទំព័រ ដើមរាំង ហ៊ានចូលខ្លួន ទៅបំភ្លឺចំពោះមុខ កង រាជអាវុធហត្ថខេត្ត ព្រៃវែងដែរឬក៏អត់?។ លោក ចាន់ ថន ចាងហ្វាងការគេហទំព័រ ដើមរាំង ត្រូវបានកងរាជអាវុធហត្ថខេត្តព្រៃវែង ចេញលិខិត កោះហៅអោយចូលខ្លួន ទៅបំភ្លឺ នៅទីបញ្ជាការ កងរាជអាវុធហត្ថខេត្តព្រៃវែង ក្រោមការ ចោទប្រកាន់ ពីបទបរិហារកេរ្តិ៍ នេះបើយោង តាមលិខិតកោះហៅរបស់ លោកវរសេនីយ៍ ឯក គឹម ផានី មេបញ្ជា ការរង កងរាជអាវុធហត្ថខេត្តព្រៃវែង ទទួលផែនយុត្តិធម៌ ។
ទាក់ទិននឹង ករណីនេះ ការិយាល័យ និពន្ធ គេហទំព័រ មាតុភូមិ ពុំអាចសុំការ បំភ្លឺពីលោក ចាន់ ថន បាននៅឡើយទេ ថា តើ លោកចូលទៅបំភ្លឺតាម ការកោះហៅរបស់ កង រាជអាវុធហត្ថខេត្តព្រៃវែង ដែរ ឬ អត់ នោះទេ ព្រោះពុំមានលេខទូរស័ព្ទទាក់ទង?។ទាក់ទងនឹងបញ្ហាខាង លើដែលនាំអោយមាន ការកោះហៅលោក ចាន់ ថន នេះគឺផ្តើមចេញពីការខឹងសម្បារ រវាងកង រាជអាវុធហត្ថ ខេត្តព្រៃ វែង និងអ្នកកាសែតដើម រាំង ដែលបានផ្សាយព័ត៌ មាននាពេលកន្លងមក អំពីការបង្ក្រាបបទល្មើស របស់សមត្ថកិច្ច អាវុធហត្ថខេត្ត ។
ដោយ រក្សាសិទ្ធិ មិនធ្វើអត្ថាធិប្បាយអ្វីបន្ថែមទេ ការិ យាល័យនិពន្ធ គេហទំព័រ មាតុភូមិ សូម ចុះផ្សាយ បន្តនូវខ្លឹមសារដើម នៃរឿងរ៉ាវរបស់ លោក ចាន់ ថន ទាំងស្រុង ដូចខាងក្រោម :
#សូមឯកឧត្ដមអស់លោកលោកស្រីអ្នកសារព័ត៌មាន មេត្តាជួយរកយុត្តិធម៌អោយខ្ញុំបាទផង
ខ្ញុំបាទ ចាន់ ថន ចាងហ្វាងគេហទំព័រ ដើមរាំង ខ្ញុំបាទនឹងក្រុមការងារ ដើមរាំង ធ្វើការផ្សព្វផ្សាយនូវព័ត៌មានពិត១០០% ។ ដោយផ្សាយពាក់ព័ន្ធPM ចុះចាប់ល្បែងខ្នាតតូច នៅឃុំកំពង់ប្រាំង ស្រុកពារាំង ខេត្តព្រៃវែង កាលពីថ្ងៃទី២៥,០៤,២០២០ ដោយក្រុមពលរដ្ឋនឹងអ្នកលេងល្បែង រិៈគន់ខ្លាំងៗនឹងអះអាងថា៖ (PMស្រុកពារាំង ចាប់ក្រៀកខ្វេះយកលុយពីអ្នកញៀនល្បែង) ។ នឹងបានកំណត់យកលុយពីអ្នកទៅរំដោះម៉ូតូនឹងរំដោះមាន់ជល់(ជារឿងពិត)។
ក្រោយក្រុមការងារ ខ្ញុំបាទធ្វើការផ្សព្វផ្សាយស្រាប់តែមន្ត្រីPMស្រុកពារាំង ខឹងសម្បារជាខ្លាំង,,!។
រហូតថ្មីៗនេះទើបនឹងចាប់ អ្នកលេងល្បែងម្នាក់ដាក់គុក នឹងម្នាក់ទៀតកំពុងរត់គេចខ្លួន! ព្រោះPMខឹងពួកគេរាយការណ៍រឿងបង់លុយប្រាប់ !អ្នកកាសែត! ។
មិនតែប៉ុណ្ណោះលោក ហាស់ ហ៊ាង មេPMស្រុកពារាំង បានប្ដឹងខ្ញុំបាទ រំលងច្បាប់ស្ដីពីរបបសារព័ត៌មានមាត្រា១០ នឹងច្បាប់ក្រមព្រហ្មទណ្ឌមាត្រា៣០៦!។
ដើមរាំង !ផ្សាយដោយមានប្រភពច្បាស់លាស់ មានការអះអាងពីសាម៉ីខ្លួនដែលបានបង់លុយនឹងបានធ្វើបទសម្ភាសន៍មន្ត្រីដែលរងការចោទប្រកាន់ តាមវិជ្ជាជីវៈត្រឹមត្រូវ,,,។
មិនសន្និដ្ឋានខ្លួនឯង មិនវិនិច្ឆ័យដោយខ្លួនឯងទេ ។គឺផ្សាយតាមប្រភពជាក់ស្ដែងទាំងអស់ពោលគឺ! ដើមរាំង គោរពនឹងស្ដាប់អនុសាសន៍របស់សម្ដេចតេជោថា៖(កុំបំពានអ្នកដទៃកុំបំភ្លៃការពិត)រាល់ការផ្សាយរបស់គេហទំព័រ ដើមរាំង ខ្ញុំបាទហ៊ានភ្នាល់ដាក់ជីវិត គឺជារឿងពិត១០០% ។ខណៈសកម្មភាពនៃការចាប់ចងកំណត់យកលុយទាំងនោះ ធ្វើឱ្យប៉ះពាល់សតិអារម្មណ៍ ពលរដ្ឋជាខ្លាំង ។
ពោលគឺច្រើនលើកច្រើនសាមកហើយ ដែលPMស្រុកពារាំង ចាប់យកលុយពីអ្នកលេងល្បែងរួចអោយគេលេងវិញ,,!
ខ្ញុំបាទចាប់អាជីពសារព័ត៌មានជាង១០ឆ្នាំមិនដែលទៅគាបសង្កត់ ឬជំរិតទារលុយពលរដ្ឋណាម្នាក់ទេ ។ ហើយការហ៊ានរិៈគន់ផ្សាយរឿងពិតអំពីមន្ត្រីខិលខូច គឺដើម្បីស្ថាបនា ដើម្បីសង្គមជាតិ ដើម្បីអោយប្ដូរឥរិយាបថ ដើម្បីអោយពលរដ្ឋមានទំនុកចិត្តលើមន្ត្រីPM ។ជៀសវាងពលរដ្ឋខឹងគោមកវ៉ៃរទេះ,,,(ខឹងមន្ត្រីថ្នាក់ក្រោម មកស្អប់ដល់ថ្នាក់ជាតិ ដែលកំពុងខិតខំបំពេញកិច្ច ការងារដោយមិនខ្លាចនើយហត់ ដើម្បីជាតិនឹងពលរដ្ឋទាំងមូល)
សូមឯកឧត្ដមនឹងសាធារណៈជន មេត្តាទទួលជ្រាប អំពីខ្ញុំបាទ ចាន់ ថនសារព័រមានដើមរាំង។